Кичево
Донирајте за Владо преку телефон: Да ја заокружиме оваа седмица со хумано дело, да бидеме луѓе!

Почитувани добри и хумани луѓе, наши сограѓани, познаници, пријатели и добронамерници, изминува еден месец каде нашиот сограѓанин од Кичево Владо Симјановски е на болничко лекување во болницата „Меморијал“ односно „Memorial Antalya Hastanesi“ во Република Турција, каде дијагностициран му е рак на десното белодробно крило.
Благодарение на хуманоста на целиот Македонски народ, но и останатиот дел на хуманитарци во дијаспората, успеавме заеднички доста финансиските да допринесеме, преку донации на неговата трансакциска сметка, но и преку отворените донаторски линии, благодарение на водечките оператори во Македонија, „Телеком“ и „А1 Македонија“.
– Порта.мк активно ги следи хуманитарните акции, така што токму сега, упатуваме уште еден АПЕЛ, да се откажеме од нашето денешно кафе и нашите 100 денари да ги донираме за Владо, затоа што, према последните информации денес директно од Турција, недостасуваат помалку 8000 евра, што значи благодарение токму на ВАС, собрани се поголемиот дел од финансиите! Ајде уште веднаш да заѕвониме да донираме за Владо и оваа седмица конечно да ги собереме финансиите, затоа што потребен му е на семејството, фамилијата и на сите нас!
Донации повици преку мрежата на „Телеком“ и „А1 Македонија“ , еден повик „100 денари“
Телеком ☎️: 143 – 414
А1 ☎️: 143 – 666
Како што веќе истакнавме, операцијата е во вредност е 32,000 евра, трошкови кои семејството Симјановски не може да ги покрие. До сега за рекордно време покажавме дека можеме и дека сме луѓе со големо срце, ајде да ги дособереме останатиот дел од финансиите, да допринесеме за што побрзо да се соберат финансиските средства за Владо повторно да му се насмевме на животот!
Донации преку трансакциска сметка за Македонија
Име на банка: Комерцијална Банка АД Скопје
Број: 300017025428784
Име/Презиме: Владо Симјановски
Донации преку девизна сметка за странство
Fist Name/Last name: Slavica Avramoska
Address: s.Tuin – Kichevo
Acc no: 0230706863422
IBAN Code: MK07300307068634267
BIC/SWIFT Code: KOBSMK2XOHB
Bank name: Komercijalna Banka AD Skopje
Кичево
Кичевчани денеска по четврт пат ќе протестираат пред општинската зграда поради градската депонија, бараат решавање на долгогодишниот проблем

Денес во 18:00 часот од страна на градскиот „Кеј“, пред општинската зграда во Кичево ќе се одржи четвртиот протест на револтирани граѓани за настанатата дива депонија која тлее доста време и шири непријатна миризба. Организаторите и кичевчани повторно ќе апелираат врз надлежните институции веднаш да се зафатат со решавање на долгогодишниот проблем – депонијата, која се наоѓа во градското подрачје, кај стар „Керамички Комбинат“.
Преку социјалните мрежи го повикуваат градоначалникот на град Кичево да ја земе иницијативата и да дојде на овој протест, за да соопшти дали овој проблем има конечен исход, односно негово решение.
Во меѓуредови упатуваат порака дека протестот не е партиски, не е национален ниту религиски, туку граѓански протест и дека се строго забранети партиски обележја.
– Протестот според изворот е закажан за денес 29 мај (четврток) од 18:00 часот
Кичево
Во сабота на Китино Кале, „Биди нејзиниот глас“, настан наменет за превенција на домашното насилство и зајакнување на жените во организација на „Саншајн Кидс“

Некои приказни не се раскажуваат. Некои лица никогаш не врескаат. Но насилството не бара бучава за да уништи. Токму затоа, здружението „Саншајн Кидс“ – Кичево го спроведе проектот „Be Her Voice“– гласот што зборува во име на сите жени што молчат зад затворени врати, зад телефон без пораки, зад поглед што премногу трпи.
Во време кога сè уште е тешко да се зборува за интимното партнерско насилство (IPV), без разлика на годините, оваа иницијатива направи чекор напред – со образование, пристап, храброст и акција. Преку работилници, интерактивни сесии и лични разговори, тие научија да го препознаат насилството, но и да зборуваат за него.
Алатка што може да спаси живот
Централниот производ на овој проект е нешто што досега го немавме, а е изработен од тимот на Саншајн Кидс: практичен и разбирлив IPV Toolkit – алатка за секојдневна
употреба, насочена кон жените, нивните другарки, наставнички, мајки и соседки. Овој водич нуди:
• Како да се препознае психолошко, емоционално и физичко насилство
• Кои се првите чекори кога не знаеш кому да се обратиш
• Каде да побараш помош, без осуда
• Како да помогнеш некому што страда, а не зборува
На финалниот настан кој ќе се одржи оваа сабота во 12 часот, Китино Кале овој Toolkit ќе биде официјално промовиран. Преку QR код поставен низ целиот простор, посетителите ќе можат веднаш да го преземат и – што е најважно – да го споделат на своите социјални мрежи под хаштаговите:
👉🏻 #BeHerVoice #BreakTheSilence #SheIsNotAlone
🎤 Настан што не се гледа – туку се чувствува
Финалниот настан нема да биде класична презентација. Тоа ќе биде искуство – комбинација од сведоштва, симболика, разговори и дигитална акција. Панел-дискусијата ќе вклучи експерти, наставници и институционалнни претставници. Ќе се зборува за се што се молчи и сцени што се повторуваат во илјадници домови.
– „Секоја жена заслужува живот без страв. А секој од нас има одговорност да не гледа настрана“– велат од Саншајн Кидс.
Институциите се клучот
Настанот е отворен за јавноста и граѓаните претставници од образованието, социјалните служби, здравствени установи, полицијата и локалната самоуправа. Нашата улога не е само да присуствуваме – туку да се вклучиме, да слушаме и да почнеме да дејствуваме.
Затоа: Не чекај. Не молчи.
Биди нејзиниот глас.
📍Китино Кале / 31 мај / 12:00ч
Контакт 📧: [email protected]
Facebook настан: ТУКА
/ПР
Кичево
Денес редовниот состав на кичевската полиција ќе реализира боево гаѓање на стрелиштето во с.Осој кичевско

Редовниот состав полициски службеници од полициската станица од општа надлежност и од станицата за безбедност во патниот сообраќај при Секторот за внатрешни работи Охрид, денеска, на армиското стрелиштето кај селото „Осој“ во близина на Кичево, ќе спроведе вежбовна активност за боево гаѓање.
Оваа активност се реализира со претходен договор и известување до стрелиштето, ЈЗУ „Општа болница” Кичево и урбаната заедница од селото Осој.
Пред почетокот на боевото гаѓање, полициски екипи вршат теренска обиколка и обезбедување на поширокото подрачје на стрелиштето со цел оневозможување влез на граѓани во безбедносните зони.
Медицинското обезбедување на боевото гаѓање ќе го вршат стручните медицински екипи од ЈЗУ „Општа болница“ Кичево.
– Апелираме, граѓаните кои се движат кон стрелиштето, да ги почитуваат ознаките и натписите за забранет пристап, да не се задржуваат во безбедносните зони и целосно да се придржуваат кон останатите насоки на полициските службеници, преку нашиот медиум известува Стефан Димоски, портпарол на СВР Охрид.
-
Хороскоп1 ден
Хороскоп за четврток (29 мај)
-
Хороскоп11 часа
Хороскоп за петок (30 мај)
-
Кичево22 часа
Во сабота на Китино Кале, „Биди нејзиниот глас“, настан наменет за превенција на домашното насилство и зајакнување на жените во организација на „Саншајн Кидс“
-
Кичево21 час
Кичевчани денеска по четврт пат ќе протестираат пред општинската зграда поради градската депонија, бараат решавање на долгогодишниот проблем
-
Македонија2 дена
Директорот на БЈБ Јанев во посета на СВР Охрид, ОВР Струга, ПО во с.Велешта и ПС за ГП аеродром „Св.Апостол Павле“
-
Спорт2 дена
Милевски го соопшти списокот на повикани фудбалери за квалификациските мечеви против Белгија и Казахстан
-
Македонија2 дена
На старица од Прилеп и украле златно ланче, експресно биле фатени од Полицијата
-
Временска прогноза4 часа
Конечно убави вести за временската прогноза, еве кога доаѓаат летните температури