Под влијание на циклонска активност, и на многу влажна и многу постудена воздушна маса од север, денес (петок) како и за време на викендов времето во Македонија ќе биде облачно и студено со врнежи од дожд, додека на планините, а потоа  и на повисоките, како и на пониските места во западните, северозападните и во југозападните предели ќе има врнежи од снег. Сето ова ќе биде проследено со северен и со североисточен ветер, и истиот повремено ќе засилува на интензитет.

Локално ќе наврне големо количество на воден талог, особено во западните  и во јужните предели од Македонија (и тоа над 50/60 литри воден талог на метар квадратен).

На планините ќе се формира голема снежна покривка (локално над 60/70 cм снег), на повисоките места таа ќе изнесува од 30 до 40 cм, локално може и повеќе, а во пониските места (градовите) особено во западните, северозападните и во југозападните предели понекаде ќе се формира снежна покривка од 20 до 30 cм, можно е дури и повеќе.

Во Скопскиот регион исто така во истиот период ќе има пообилни врнежи од дожд, додека на околните планини, а потоа  и во повисоките предели од котлината врнежите ќе бидат од снег. Во сабота наутро, како и во претпладневните часови не се исклучува можноста мешавина од дожд и снег на кратко да има и во делови од пониските предели на котлината.

Апелираме во случај доколку патувате према планинските превои, да бидете крајно внимателни и тоа поради очекуваните обилни врнежи од снег. Исто така на планините ќе има услови и за појава на снежни наноси, а во пониските места (градовите) локално, и тоа поради тешкиот  и влажен снег можни се проблеми.

Што се однесува до температурите, тие наутро ќе се спуштаат во интервалот од -3 до 5 степени, особено за време на викендот, а максималните дневни температури ќе се искачуваат во интервалот само од 0 до 6 степени. Во Скопје максималната температура за време на овој период ќе се искачува во интервалот од 2 до 5 степени.

Да напоменеме дека помала снежна покривка можно е да се формира понекаде  и во источните предели, и тоа особено на повисоките места, предмалку, доцна вечерва истакна Славчо Попоски од Метеоаларм.

Под влијание на циклонска активност со центар над Средоземјето, како и на голема влажна  и многу постудена воздушна маса од север, почнувајќи од петок, и за време на викендот во Македонија времето ќе биде облачно и студено со врнежи од дожд на ниските, и од снег на повисоките места  и на планините. На многу места врнежите ќе бидат обилни и локално ќе наврнат над 40/50 литри на метар квадратен воден талог.

Поради влијанието на студената воздушна маса од север, повремено, и особено во западните  и во северните предели од Македонија, врнежите од дожд ќе преминуваат во врнежи од влажен снег и во пониските места (градовите). Сето ова ќе биде проследено со ветер од северен и од североисточен правец, и истиот повремено ќе засилува на интензитет.

Во Скопскиот регион исто така за време на овој период ќе има врнежи од дожд, повремено обилни, додека на околните планини врнежите ќе бидат од снег. Повремено врнежи од снег ќе има и во повисоките предели од котлината, и тоа особено во текот на ноќта петок кон сабота, како и во сабота, кога услови за краткотрајни врнежи од дожд и од снег ќе има  и во пониските предели од Скопската котлина.

Сето ова ќе услови на планините да дојде до значително формирање на снежна покривка (над 50 cм, локално и повеќе). На повисоките места таа ќе биде со висина од 20 до 30 цм, локално и повеќе, додека на пониските места (градовите) особено во северните  и во западните предели понекаде со висина од 10 до 20 cм, а можно е и повеќе.

Во Скопскиот регион, снежна покривка ќе се формира на околните планини, како и во повисоките предели од котлината.

Мора да напоменам дека поради очекуваниот влажен снег во пониските места во погоре споменатите предели, можни се проблеми поради тежината на истиот. На планините ќе има услови и за појава на снежни наноси, па доколку патувате низ планинските превои, препорачуваме да бидете премногу внимателни како управувате со вашето возило.

Што се однесува пак до температурите, тие значително ќе опаднат, особено дневните и ќе се искачуваат во интервалот од 0 до 8 степени во најтоплите југоисточни предели, а наутро тие ќе се спуштаат во интервалот од -3 до 5 степени. Во Скопје температурата за време на овој период ќе се искачува во интервалот помеѓу 2  и 5 степени, информира Славчо Попоски

Во текот на оваа работна седмица, односно до четврток во Македонија времето ќе биде стабилно, суво и сончево со мала до умерена локална облачност. Во утринските часови по котлините ќе има појава на магла  и на ниска облачност.

И во Скопскиот регион до четврток времето ќе биде стабилно, суво, сончево и со појава на мала до умерена локална облачност. Во утринските часови ќе има појава на магла и на ниска облачност.

Што се однесува до температурите, наутро ќе биде студено, но утринските температури ќе бележат тенденција на пораст  и нема да биде толку многу студено како вчерашното и денешното утро, и температурите наутро од средината на оваа седмица на повеќе места ќе се спуштаат до околу, или за неколку степени над нулата. Под нулата ќе се спуштаат само на високите места и на планините.

Максималните дневни температури пак исто така ќе бидат во пораст и ќе се искачуваат во интервалот од 7 до 15 степени.

Под влијание на нов влажен воздушен бран од запад, од петок попладне  и навечер од западните предели од државава ќе започнуваат врнежи од дожд, а на повисоките планини врнежите ќе бидат од снег. Во исто време, регионот ќе го зафаќа нов снежен бран, па така на повеќе места ќе има нови врнежи од снег, како и формирање на нова снежна покривка, на планините и позначителна, предмалку истакна Славчо Попоски.