Спорт
ФФМ распиша конкурс за упис на тренери за UEFA со „Ц“ лиценца

Центарот за едукација при Фудбалската федерација на Македонија распишува конкурс за упис на тренери на курсот за УЕФА „Ц“ лиценца.
Услови на упис на курсот за тренер со УЕФА Ц-диплома:
– Најмалку 18 години старост;
– Најмалку 2 години активно играње фудбал во редовно младинско натпреварување при ФФМ – потврда од фудбалски клуб;
– Завршено средно образование;
– Уплата од 200 евра на ж-ска на ФФМ – со можност на плаќање на рати, 300000001599760 Комерцијална Банка;
– Задоволителна здравствена состојба – заводи за спортска медицина, се доставува при доаѓање на семинарот;
– Уплата на 35 евра за пријава и одржување на испити и издавање на диплома – лиценца – уплатницата се доставува при доаѓање на испит
Конкурсот е отворен за пријави до 30.04.2022 година, а термините за одржување ќе бидат дополнително одредени по завршување на рокот за пријавување и формирање на групата. За почеток на семинарот тренерите ќе бидат известени по пат на електронска пошта или порака.
Заинтересираните кандидати потребните документи можат да ги достават во ПДФ форма на следната емаил адреса: [email protected]
Спорт
Србија официјално остана без „АТП“ турнирот

Турнирот „Белград Опен“, кој беше закажан за ноември 2025 година, е официјално откажан. И покрај големите напори и вложени ресурси, не беа исполнети условите за организација на настанот во предвидениот термин и формат. Поради тоа, организаторите решија да го откажат овогодинешното издание. Овој викенд се потврди веста дека годинашното издание на АТП турнирот нема да се одржи во Белград.
Од 2021 година, организаторите имаа успешно портфолио од девет професионални тениски турнири, меѓу кои пет АТП 250 настани, еден WTA 250, еден WTA 125, еден ATP Challenger 125, како и еден турнир под покровителство на ITF. Овие турнири привлекоа бројна домашна и меѓународна публика, позиционирајќи го Белград како важна дестинација на тениската мапа.
Дефинитивно ништа од АТП турнира у Београду. Нису могли да се обезбеде услови.
Једина прилика за уживо тенис у Србији биће Дејвис куп септембра у Нишу. pic.twitter.com/YgT6jrwHox— Стефан Милић (@StefanMilic00) August 4, 2025
Организаторите изразија гордост за сето досега постигнато и упатија благодарност до сите кои дадоа поддршка — партнери, спонзори и верната публика.
Тие нагласуваат дека остануваат посветени на развојот на тенисот во Србија и дека ќе продолжат да работат на создавање услови за враќање на професионалните турнири во Белград во иднина.
Планираниот турнир требаше да се одржи од 2 до 8 ноември во ОАКА Арената во Атина, каде што инаку настапува кошаркарскиот клуб Панатинаикос. Со оваа одлука, Белград останува без АТП турнир, што претставува значителен удар за тениската сцена во градот.
Посетата на Новак Ѓоковиќ на Атина во јуни се поврзува токму со испитување на можноста за организирање на турнир во Грција, со цел истиот да се премести од Белград.
Спорт
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер

Новата сезона во Првата македонска фудбалска лига започнува во петок, на 8 август, и веднаш носи возбудливи натпревари. Првото дерби ќе се одигра во Тетово, каде што Шкендија и Шкупи 1927 ќе се соочат од 17:00 часот. Ова е еден од најочекуваните дуели од првото коло, истакна Фудбалската федерација на Македонија.
Подоцна истиот ден, на Националната арена „Тодор Проески“ во Скопје, ќе се одржи уште еден голем натпревар – Вардар против Пелистер, со почеток од 20:00 часот.
Целосниот распоред на првото коло од сезоната 2025/26 изгледа вака:
Петок, 8 август:
- Шкендија – Шкупи 1927 | 17:00 | Тетово
- Вардар – Пелистер | 20:00 | Скопје
Сабота, 9 август:
- Башкими 1947 – Аресими 1973 | 17:30 | Куманово
- Струга Трим Лум – Македонија ЃП 1932 | 17:30 | Струга
Недела, 10 август:
- Тиквеш 1930 – Работнички | 17:30 | Кавадарци
Понеделник, 11 август:
- Силекс – АП Брера Струмица | 17:30 | Кратово
Фановите со нетрпение ја очекуваат новата сезона и возбудувањата што ги носи уште од првото коло.
Извор: ФФМ
Спорт
Германската Бундеслига воведува камери на судиите и јавни објаснувања за „VAR“

Германската фудбалска лига (DFL) воведува важни новини во начинот на користење на ВАР технологијата за претстојната сезона. Почнувајќи од 22 август, судиите во Бундеслигата ќе ги соопштуваат причините за сите ВАР одлуки јавно пред публиката. Истата практика ќе започне и во Втората лига од 17 октомври.
Дополнително, гледачите на стадионите и преку телевизија ќе добијат пристап до повеќе информации, вклучувајќи и снимки направени со камери поставени на телото на судиите. Оваа технологија, која досега се користеше само на ФИФА натпревари, сега е одобрена од Меѓународниот одбор за фудбалски правила (IFAB) и може да се користи и на домашни лиги ако организаторите го побараат тоа.
Со овие новини, судиите во Бундеслигата ќе ги објаснуваат своите одлуки директно пред публиката по консултација со ВАР и преглед на снимките, овозможувајќи поголема транспарентност и разбирање на судиските интервенции.
-
Хроника21 час
ЖАЛНА ВЕСТ: Душко Чифлиганец ја загуби битката за својот живот откако настрада во фатална сообраќајна незгода на мотоциклистичка трка во Чешка
-
Хороскоп2 дена
Хороскоп за недела (3 август)
-
Хороскоп18 часа
Хороскоп за недела (4 август)
-
Кичево2 часа
Викендов во Кичево СВР Охрид и ОВР Кичево реализираа „Соседска патрола“
-
Македонија1 ден
СВР Охрид истакна детали за приведувањето на српскиот пејач
-
Македонија1 час
Предмалку земјотрес регистриран во западна Македонија, кај Тетово
-
Македонија8 часа
Кичево, 122 година од битката на „Ѓурѓејца“, 4-ти август 1903 година, симбол на храброст и пожртвуваност
-
Спорт1 ден
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер