Спорт
(ФОТО) Неделниот дожд не беше пречка за квалитетен фудбал на „ФК Кичево“ и екипата на „Некст Левел“ – Охрид

Денес 12.11.23 и покрај лошите временски услови и теренот кој беше потопен со вода момчињата од „ФК Кичево“ заедно со своите врсници од „Некст Левел“ од Охрид покажаа вистинска амбициозност и желба за фудбал.
Екипите од генерација 2011 год одиграа меч за паметење, со многу шанси за повеќе голови, одлични дриблинг потези и квалитетна завршница. Утакмицата финишира со резултат од 4:1, додека стрелци на головите за нашата екипа беа Марио Костески и Александар Андоноски со по два погодоци, доволни за одличен резултат.
Галерија од мечот:
Исто така нешто подоцна се одигра и официјалниот меч со најмладата, но нај амбициозна генерација 2014/2015 година, која ветува многу. Имено, покрај тешкиот терен и би рекле по обилниот дожд за разлика од своите клубски колеги одиграа одличен меч, каде гостите заслужено славеа со резултат 1:4, иако Давид Мицески го постигна првиот гол на натпреварот за „ФК Кичево“
На наше големо задоволство, за прв пат ви го пренесуваме мечот на оваа мега генерација од која очекуваме многу во иднина, уживајте..
Спорт
Фудбалската репрезентација на Македонија до 16 години убедливо ја победи Црна Гора на пријателскиот меч одигран вчера на „Билјанини Извори“ во Охрид

Македонската фудбалска репрезентација до 16 години забележа убедлива победа од 3:0 против селекцијата на Црна Гора на пријателскиот натпревар кој вчера се одигра на теренот „Билјанини Извори“ во Охрид.
Младите македонски фудбалери покажаа доминација во текот на целиот меч. Иако во првото полувреме Масев, Ристиќ и Акики имаа неколку добри шанси, резултатот остана непроменет сè до 39. минута, кога Адриан Велески со продор и прецизен удар го отвори резултатот. Неколку минути подоцна, Марин Крстевски постигна прекрасен погодок со кој ја зголеми предноста на 2:0.
Во второто полувреме, по точно еден час игра, Крстевски мајсторски асистираше до Стефан Ристиќ, кој успешно реализираше за конечни 3:0. Во продолжението, Полимац и Емини имаа уште неколку шанси за гол, но црногорскиот голман беше на висина на задачата и спречи повисок пораз.
Вториот контролен дуел меѓу овие две репрезентации ќе се одигра на 21 август со почеток од 11:00 часот, повторно во Охрид.
Состав на Македонија (до 16 години):
Петар Талески, Михајло Павлов (82′ Далибор Марковиќ), Матеј Бочевски, Матеја Масев, Амар Акики (61′ Филип Ѓоргиоски), Александар Полимац (61′ Медин Емини), Стефан Ристиќ (76′ Ефе Раифи), Павел Стојанов (61′ Огнен Сивевски), Марин Крстевски (61′ Рон Мемеди), Илија Аксентиев (82′ Марио Стојчевски), Адриан Велески (76′ Благојче Седлоски).
Селектор: Иљами Исејни.
Состав на Црна Гора (до 16 години):
Дамјан Јанковиќ, Немања Нишавиќ (76′ Амар Суљевиќ), Немања Никочевиќ (61′ Алден Бајрамовиќ), Петар Мерсениќ (76′ Филип Хорхе), Андрија Нововиќ (61′ Лазар Булатовиќ), Лазар Грбовиќ (61′ Павле Јововиќ), Петар Вуковиќ (76′ Лука Влаховиќ), Данило Вуковиќ (61′ Лука Куч), Славко Конатар (76′ Дамјан Бесовиќ), Урош Самарџиќ, Никола Милачиќ (76′ Вук Каљевиќ).
Селектор: Владан Савиќ.
Спорт
ФФМ донесе значајна одлука, клубовите на „ВМФЛ“ нема да плаќаат котизација, „ФК Преспа“ доаѓа на местото од „ФК Беса“ која се откажа од натпреварувањата

Фудбалската федерација на Македонија донесе значајна одлука – клубовите кои се натпреваруваат во Втората македонска фудбалска лига повеќе нема да имаат обврска да плаќаат котизација за учество во сезоната.
По речиси 15 години, ова е првпат второлигашите да бидат ослободени од оваа финансиска давачка. Одлуката е резултат на иницијатива на претседателот на ФФМ, Масар Омерагиќ, со цел да се подобрат условите за функционирање на клубовите, да се намалат трошоците и да се поттикне развојот на натпреварувањето.
Со оваа мерка, клубовите се ослободуваат од вкупна сума од 128.000 евра по сезона – директна поддршка за нивната финансиска стабилност и развој.
Во дополнение, откако ФК Беса 1976 потврди дека нема да се натпреварува во сезоната 2025/26, ФФМ одлучи испразнетото место да го пополни ФК Преспа. Со тоа се обезбедува континуитет на лигата, зачувување на натпреварувачката рамнотежа и доследно почитување на принципите на фер-плеј, истакнаа од ФФМ.
Спорт
(ВИДЕО) Кичевски „ФК Напредок“ со полна пареа ги започна припремите за новата сезона, сонот е познат – „Враќање на победничките патеки“

Третолигашот „ФК Напредок“ од Кичево се чини дека овој пат сериозно го фати вистинскиот ритам и стабилна средина. Нивната цел е јасна, да се вратат на победничките патеки, преку втора лига и се разбира во најсилната прва лига во натпреварувањата.
Се уредува стадионот, клубот како што е познато веќе ја има покрај себе и новата управа која ветува многу. Подмладен состав од искусни фудбалери, но и повраток на поискусните кои не беа дел, а сега се помеѓу останатите.
Бобан Дујковиќ е новиот кормилар на клубот, во тандем со искусните легенди во стручниот штаб, ќе го води најдобриот состав на кичевчани во претстојната сезона. Искусниот стратег за Порта.мк откри низа новости, позитивни ветришта кои побудуваат прекрасни чувства на секој еден љубител на фудбалот, така што ние веруваме дека за брзо, ќе дојде ден град Кичево повторно ќе прерасне во место на фудбалот, каде во недела ќе бидат сите на градски. Иако почетоците се секогаш тешки, Дујковиќ ќе стори се да се врати довербата помеѓу играчите, управата, „Ѓаоли“ и кичевчани.
Порта.мк упатува честитки, посакува само успеси и плодна работа, која несомнено ќе носи резултати кои „ФК Напредок“ и Кичево заслужуваат, време е!
-
Кичево11 часа
(ВИДЕО) Пожарот во с.Душогубица кичевско сеуште активен, опожарени се пчелни сандаци и куќа
-
Кичево2 дена
Претставници од КУД „Бисер“ – Кичево се натпреваруваат за најубава народна носија на фестивалот во Полска, да им дадеме македонска поддршка
-
Хороскоп1 ден
Хороскоп за четврток (21 август)
-
Кичево2 дена
Непланиран времен прекин на електрична енергија во кичевските села Вранештица, Цер, Кладник и околината
-
Култура9 часа
Бдение и Божествена Литургија по повод „Успение на Мајката Божја“ во кичевскиот Манастир „Св.Богородица Пречиста“, богослужение на човечка посветеност и небесната утеха, земната привременост и вечниот живот
-
Спорт2 дена
Фудбалската репрезентација на Македонија до 16 години убедливо ја победи Црна Гора на пријателскиот меч одигран вчера на „Билјанини Извори“ во Охрид
-
Временска прогноза2 дена
Краткотрајна стабилизација на времето, во петок ќе имаме транспорт на Сахарска прашина, така што атмосферата ќе биде заматена и времето ќе биде спарно
-
Хороскоп5 часа
Хороскоп за петок (22 август)