Македонија
(ФОТО+ВИДЕО) Во Манастирот Рајчица одекна новиот „Благовесник“
Во прославениот и прекрасен духовен дом на Светиот Великомаченик Георгиј Победоносец во Рајчица одекна моќниот благоѕунлив звук на новата камбана–благовесник, поставена во манастирската камбанарија со благослов на нашиот возљубен Старец и Игумен, Неговото Преосвештенство Епископот Антаниски г. Партениј.
Осветувањето на новото ѕвоно го изврши Владиката, придружен од браќата свештенослужители, од сестрите од Рајчица и Причеста и од многубројни верници, среде кои и дарителот г. Владимир Стајиќ.
Новата камбана, тешка 830 килограми, е излеана во леарницата на мајсторот Младен Кременовиќ во с. Белосавци, Р. Србија, и доаѓа како ктиторско дарение од благочестивиот г. Владимир Стајиќ, почесен конзул на Република Србија во Македонија, заедно со неговата ќерка Ангела.
Со овој благословен прилог, г. Стајиќ го надополни стариот кралски сет камбани, некогашна гордост на Бигорски, а сега воскреснат и сјаен украс и глас на Манастирот на Св. Георгиј во Рајчица.
Најстарата камбана од овој комплет е од 1850 година и е дар од српските кнезови Петар и Андреј со сестрите. Во 1851 година, дебарските христијани подариле уште една камбана, заедно со две помали. Досега најголемата камбана е од 1925 година и е дар од кралот Александар I Караѓорѓевиќ и неговото семејство.
По иницијатива и со благослов на владиката г. Партениј, кој полага голема грижа и посветеност за запазување и обнова на православното наследство и предание, тие камбани неодамна беа реставрирана во реномираната австриска фирма Grassmayr, и повторно вратена во функција.
Повеќе фотографии и текст од Величествениот настан ќе најдете на официјалниот натпис ТУКА
Македонија
Албански државјанин фатен на „Ќафасан“ со 332 парчиња риба белвица
На 18.11.2025 во 13:30 часот на Граничен премин Ќафасан, на излез од државата, полициски службеници го лишија од слобода Р.К.(59) од Република Албанија.
При гранична контрола и проверки во патничко возило „нисан“, со албански национални ознаки, кое го управувал, пронајдени се 332 парчиња риба-белвица.
Тој е предаден на полициски службеници од Одделението за прекуграничен криминал, миграции, странци и реадмисија Струга за понатамошна постапка и по документирање на случајот, против него ќе биде поднесена соодветна пријава, соопшти портпаролот на СВР Охрид, Стефан Димоски
Македонија
Јанев и Спироски во македонската делегација на регионалниот стратешки состанок во Тирана, организиран и поддржан од британските агенции за спроведување на закон
Во Тирана, Албанија, се одржа регионален стратешки состанок организиран и поддржан од британските агенции за спроведување на законот, на кој учествуваа претставници од повеќе земји од регионот, меѓу кои и Република Македонија.
На средбата се разгледуваа предизвиците поврзани со нелегалната миграција, прекуграничниот криминал, организираните транснационални групи и нелегалните финансиски текови – проблематики што остануваат во фокусот на регионалните безбедносни политики.
Учесниците усвоија низа заклучоци кои предвидуваат зајакнување на регионалната координација, развој на нови оперативни механизми и предлог-иницијативи за подобра размена на информации и поефикасни заеднички акции. Според организаторите, ваквите состаноци имаат цел да ја зголемат подготвеноста на државите во справувањето со современите безбедносни ризици.

Регионален стратешки состанок во Тирана, Албанија
Македонската делегација предводена од директорот на БЈБ, г-дин Александар Јанев, началникот на „РЦ Запад“ г-дин Љупче Спироски и останатите, истакнаа дека приоритет останува превенцијата и навременото откривање на криминални мрежи како на национално, така и на регионално и меѓународно ниво. Дополнително беше нагласена потребата од создавање постабилна и побезбедна средина за граѓаните, без разлика на нивната мобилност низ регионот.
Учесниците заклучија дека регионалната соработка и довербата меѓу полициските служби се клучни за јакнење на безбедноста, како во Западен Балкан, така и во поширокиот европски безбедносен простор.
Македонија
ЦУК: Излеана река Пчиња од своето речно корито за околу 20 сантиметри, но не претставува проблем по живеалишта
РЦУК Куманово известува дека од ЕЛС Старо Нагоричане е добиена информација дека на подрачјето на с. Пелинце, во близина на Меморијалниот центар АСНОМ, како и на локацијата кај бања Стрновац, реката Пчиња се има излеано од своето речно корито за околу 20 сантиметри.
Во моментот, излевањето не зафаќа куќи или викендици.
Дополнително, кај Коински мост е забележано насобирање на поголема количина дрвја, кое го отежнува нормалниот проток на реката Пчиња.
За состојбата е навремено известено Водостопанство Куманово, кое ќе постапи согласно своите надлежности.
Извор: ЦУК
-
Магазин17 часаПорака од возач на Брза Помош, почит за сите возачи, наши спасители!
-
Хороскоп2 денаХороскоп за среда (19 ноември)
-
Кичево4 часаЦУК со известување за изминатото деноноќие, во Кичево побарана била општинска интервенција во делот на ул. „Прилепска“
-
Хороскоп16 часаХороскоп за четврток (20 ноември)
-
Кичево21 час„Македонски Завет“ организира хуманитарен концерт во НУЦК „Кочо Рацин“ со културно уметнички друштва и естрадни уметници од Кичево
-
Спорт2 денаМакедонија во четврток го дознава новиот ривал, по катастрофалниот пораз тргнуваме по потешкиот пат за мундијалот! Глава горе момци!
-
Временска прогноза1 денДожд секаде, повремено ќе засилува југоисточен ветер, поради состојбата ќе растат условите за зголемување на нивоата на реките и на езерата
-
Македонија1 денМВР: Откриена група на крадци и помагачи кои краделе предмети во рудникот Бучим
