Спорт
(ГАЛЕРИЈА) Охрид денес блесна во спортски сјај на „Охрид Опен 2023“ со спектакуларниот турнир во олимписко „Таеквондо“

Охрид денес блесна во вистински спортски сјај, гостопримливост на високо ниво во прекрасна позитивна енергија, а ние уште еднаш дадовме поддршка и на овој турнир за спорт, полн со адреналин и дружење, реализиран по втор пат – „Охрид Опен 2023“ – олимписко „Таеквондо“ во СРЦ „Билјанини Извори“.
Турнирот беше организиран од Таеквондо клуб „Hwarang FIST“ и „Македонската Таеквондо Федерација/Macedonian Taekwondo Federation WT“
Меѓу присутните како што најавија од организацијата, присутен беше и олимпискиот медалист, Дејан Георгиевски, како и Филип Додевски, Мила Релиќ и Анамарија Георгиевска кои се потенцијални кандидати за следните Олимписки игри во Париз, Франција.
Присутните оддадоа почит кон шампионот Георгиевски, а во негова придружба можеше да се забележат и челникот на Таеквондо клуб „Бутел“ и градоначалник на скопската општина Бутел, г-дин Дарко Костовски, како и неговиот колега, Д-р Александар Стојкоски градоначалник на скопско Ѓорче кои се големи поддржувачи на овој спорт.
На натпреварот учествуваа 198 натпреварувачи во категории од 6-7, 8-9 односно 10-11 – (пионир А/Б), (кадет А/Б), (Јуниор А/Б) и (Сениори А/Б) од следните клубови:
МКД „Кобра“
МКД „Младост“
МКД „Феникс КИК“
АЛБ „Партизани Таеквондо“
МКД „Таеквондо клуб – Помсае“
МКД „Те-Макс“
МКД „ТК Тигри – Скопје“
МКД „ТКД Бутел“
МКД „ТКД Гоце Делчев“
МКД „ТКД Корио – Кисела Вода“
МКД „ХВАРАНГ ФИСТ“
Ц.ГОРА „Улцин“
СРБ „Феникс-Булевар“
Постигнатите резултати може да ги прегледате ТУКА, додека во прилог ви претставуваме дел од настанот преку нашата официјална галерија направена преку нашиот објектив, воедно упатувајќи честитки до сите учесници кои се закитија со награди.
* Доколку сакате некоја од фотографиите, контактирајте нè на нашата фејсбук фан страна.
Спорт
Роналдо стана единствен фудбалер во историјата кој постигнал најмалку 100 голови во четири различни клубови

Кристијано Роналдо (40) зад себе има импресивна голгетерска кариера – 450 голови за Реал Мадрид, 145 за Манчестер Јунајтед и 101 за Јувентус, пред неодамна да го постигне и својот 100-ти погодок во дресот на Ал Наср, клуб на кој му се приклучи во декември 2022 година.
Со тоа, Роналдо стана единствениот фудбалер во историјата што постигнал најмалку 100 голови за четири различни клуба. Досега, само Исидро Лангара, Ромарио и Нејмар имаат по 100 голови за три клуба.
Јубилејниот 100-ти гол за Ал Наср Роналдо го постигна во финалето на Саудискиот Суперкуп против Ал Ахли, реализирајќи пенал во 40-тата минута. Натпреварот заврши 2-2 во регуларното време, а иако Португалецот беше прецизен и во пенал-серијата, Ал Ахли славеше со 5-3 и го освои трофејот.
Спорт
Утре започнува првото коло во втората македонска фудбалска лига, според новите правила само шампионот обезбедува место во ПМФЛ

Утре од 17:00 часот стартува новата сезона во Втората македонска фудбалска лига со натпреварите од првото коло. Сезоната 2025/2026 се очекува да биде една од највозбудливите и најнепредвидливите досега. Дополнителна доза на неизвесност носат и промените во системот на натпреварување – од следната сезона лигата ќе брои две екипи помалку, а изменети се и правилата за промоција и испаѓање.
Според новите правила, само шампионот директно обезбедува место во Првата МФЛ. Тимовите што ќе завршат на втората и третата позиција ќе играат бараж за влез во елитата.
Најдраматичната борба, сепак, се очекува на дното од табелата: четирите последно пласирани екипи директно испаѓаат, додека тимовите од 9. до 11. место ќе мора да одиграат бараж-дуели со прваците од Третите лиги за опстанок.
Како главен фаворит за првата позиција и директна промоција се истакнува штипска Брегалница, но во борбата за елитата се вбројуваат и Беласица, Скопје, Шкендија Арачиново и Детонит Плачковица. Сепак, амбиции за висок пласман имаат сите клубови, особено со оглед на тоа што секој бод може да биде клучен за избегнување на испаѓање.
Сите натпревари ќе бидат достапни во живо преку YouTube-каналот на ФФМ.
Распоред за 1. коло – Втора МФЛ (23 август, 17:00 часот):
-
Вардар Неготино – Тетекс
-
Брегалница 2008 – Кожуф
-
Новаци – Победа
-
Каменица САСА – Осогово
-
Преспа – Шкендија Арачиново 77
-
Охрид Лихнидос – Беласица
-
Скопје – Слога 1934
-
Големо Коњари – Детонит Плачковица
Извор: ФФМ (Фудбалска федерација на Македонија)
Спорт
Србинот Меџедовиќ го заврши своето учество на „АТП“ турнирот откако загуби од францускиот тенисер Перикар

Српскиот тенисер Хамад Меџедовиќ го заврши својот настап на АТП турнирот во Винстон-Салем во четвртфиналната фаза, откако загуби од Французинот Џовани Мпеши Перикар со 2-0 во сетови (7:6 [8], 6:2).
Дуелот траеше еден час и 29 минути. Првиот сет мина без брејк-шанси, па беше решен во тајбрејк, каде што Меџедовиќ водеше со 5:1 и имаше четири сет-топки, но не успеа да ги искористи. Французинот ја презеде иницијативата и го освои тајбрејкот со 10:8, поведувајќи со 1-0 во сетови.
That's how you finish a match 🚀
Giovanni Mpetshi Perricard defeats Medjedovic 7-6 6-2 to storm into the semi-finals in Winston Salem!@WSOpen pic.twitter.com/CjdPh6E188
— Tennis TV (@TennisTV) August 22, 2025
Во вториот сет, српскиот тенисер не успеа да го одржи нивото на игра, што му овозможи на Мпеши Перикар со два брејка рутински да стигне до победата.
Мпеши Перикар ќе се бори за пласман во финалето против победникот од прекинатиот четвртфинален меч помеѓу Ботик ван де Зандшулп и кинескиот тенисер од монголско потекло, Бујунчаокете. Во моментот на прекинот, холандскиот играч водеше со 6:3, 4:3.
-
Хроника2 дена
Кичево и кичевско во тага по страшната трагедија која се случи вчера, каде по пад од четирицикл две малолетнички ги изгубија своите животи
-
Кичево21 час
Кичево: Најавени градежни работи кон месност Крушино, за тоа време ќе има времен прекин на сообраќај
-
Хороскоп2 дена
Хороскоп за сабота (23 август)
-
Македонија2 дена
Времен прекин на сообраќај утре и задутре поради меѓународниот ФИС ролер-ски натпревар „Тодор Проески“
-
Хороскоп13 часа
Хороскоп за недела (24 август)
-
Македонија2 дена
Уште една измама со лажна сообраќајка, тетовчанка измамена за огромна сума на евра и швајцарски франци
-
Спорт2 дена
Утре започнува првото коло во втората македонска фудбалска лига, според новите правила само шампионот обезбедува место во ПМФЛ
-
Хроника22 часа
Уште една трагедија на македонските патишта, загина украинец пешак, го удрил жител на Косово од Германија