Спорт
Интервју со Атанас Костовски, доајен на спортското новинарство во Македонија
Чичко Таско на свои 85 години беше отворен и пријателски расположен за разговор со нашата екипа, а нам ни претставуваше огромна чест да бидеме во негово присуство. Тој навистина има многу интересни приказни за раскажување и ни беше задоволство да поразговараме со легенда од неговиот „калибар“. Многу генерации пораснаа со него и со ТВ-преносите кои тој ги коментираше во текот на долгогодишната плодна и успешна кариера за Спорткаст.
Спорткаст: Каде се случија вашите први чекори во новинарството, како и каде ја започнавте вашата кариера?
Костовски: – Најпрво како многу млад започнав во „Студентски збор“, таму работев во периодот меѓу 1958 и 1960 година, а потоа четири години бев дел од „Млад борец“. Во ТВ Скопје или Македонска радио телевизија пристигнав во 1964 година и таму се задржав до моето пензионирање во 2001 година. Откако се пензионирав, работев и во Канал 5, коментирав фудбалски натпревари од германската и шпанската лига, а потоа бев дел и од Спортското радио каде бев автор на емисијата „Тајм Аут“ со Атанас Костовски. Тоа беа емисии посветени на фудбалери што оставиле голем белег во македонската историја и мислам дека реализиравме некаде околу 350 емисии. Работев на различни места и имав навистина убава кариера. Имав прилика да се запознаам и да се дружам со извонредни спортски легенди од целиот свет и тоа ме прави навистина среќен и исполнет. Најголем дел од мојот успех како новинар се должи на 35-годишниот престој во Македонската радио телевизија.
Спорткаст: Какви беа условите во тоа време? Тешко ли беше да се стане новинар, спикер или коментатор кој може да се појави пред ТВ-камерите и дали може да се каже дека во Југославија беше многу посериозен пристапот кон оваа професија?
Костовски: – Поголемиот дел од новинарите кои тогаш доаѓаа во радио или телевизија имаа искуство со претходно работење во пишаните медиуми. Сите моравме точно да знаеме како треба да се пишуваат речениците, се обрнуваше исклучително големо внимание на правопис и интерпункција. Моравме да видиме прво како ни тече мислата и секогаш максимално професионално пристапувавме кон секоја задача што ќе ја добиевме. Печатените медиуми беа одличен темел за сите идни ТВ-новинари, ние моравме да чекаме неколку години пред да дојде моментот кога веќе можевме да фатиме микрофон во рака. Патот во наше време беше многу потежок. Сега многумина веднаш земаат микрофон во рака и уште на самиот почеток прават многу грешки кои ние не смеевме никогаш да си ги дозволиме. Нам ни велеа „прво мораш да носиш бурек, а потоа да седнеш да јадеш со постарите“. Постоеше цврсто одреден и логичен пат по кој се стигаше до она што се нарекува „совладан занает“.
Во продолжение повеќе за интервјуто ќе прочитате на официјалниот линк од нашите пријатели и лидери за спортот „Спорткаст“ – ТУКА
Спорт
Ѓоковиќ: Српскиот „ас“ силно го посакува 25-иот „Грен слем“ и мисли само на победа, ништо друго.
Новак Ѓоковиќ, најдобриот светски тенисер силно ја посакува 25-тата. Грен слем титула во кариерата и тоа не го крие. Српскиот „ас“ во интервју за „CNN“ истакна дека мисли само на победи бидејќи таков му е менталитетот.
Можеби на почетокот на сезоната Новак Ѓоковиќ не делуваше премногу мотивирано, но светскиот рекет број еден дефинитивно е тоа, како што изгледа повеќе од било кога.
Српскиот ас во интервју за Си-Ен-Ен проговори како веќе се визуелизирал како победник на Ролан Гарос и затоа едвај чека да започне турнирот на париската земјена подлога, пренесува Спутник.
– „Само победа, ништо друго, таков е менталитетот. Визуелизацијата е важна, кога ќе видите дека успевате во неа, затоа се радувам и едвај чекам да започне турнирот. Секако дека знам дека не сум единствениот кој ја посакува таа титула и со нетрпение го чекам предизвикот“, изјави Новак.
Најдобриот светски тенисер е свесен дека младите играчи како Карлос Алкараз и Јаник Синер се желни за титули, но тоа уште повеќе го мотивира.
– „Секако дека не сум единствениот кој сака да ја освои таа титула, но со нетрпение ја очекувам. Сакам да се натпреварувам со различни генерации. Влегуваат млади момци… сите се неверојатно гладни, спремни и брзи, ќе ја искористам мојата способност да се прилагодам за да им ја подготвам вистинската тактика. Разбирам што е потребно за да се остане на врвот и да се натпреварува со нив во борбата за титули“, изјави српскиот ас.
На крајот објасни дека нема многу време да размислува за победите и поразите кои се зад него, бидејќи секогаш има нов предизвик за него.
– „Многу е важно да живеете во моментот, да ја цените сегашноста, но во исто време да се сеќавате на минатото, вашиот пат и да ги цените луѓето кои ве опкружуваат. Секоја недела се случува нешто ново во тенисот и тоа треба да го цените и вие. Иако, повеќе ќе размислувам за тоа кога ќе ја завршам кариерата. Додека сте уште активни, размислувате само за следниот предизвик, следниот турнир. Имате можеби неколку дена во годината, можеби една недела да размислите што сте постигнале“, заклучи Ѓоковиќ.
Првиот светски рекет го прескокнува Мастерсот во Мадрид додека игра во Рим, кој е последната станица пред Ролан Гарос.
Извор: politis.rs
Спорт
КМФ „Форца 2015“ е освојувач на Купот на Македонија во футсал
Форца 2015 е освојувач на Купот на Македонија во футсал, по издвојуваната победа над тимот на Клими од Кавадарци, на финалниот натпревар одигран во спортскиот центар Гемиџии во Велес. Екипата на Форца 2015 во еден интересен натпревар успеа да слави победа со вкупен резултат од 6:2.
Зоран Левски го постигна првиот гол на средбата за предност на Форца 2015 од 1:0. Екипата на Клими брзо се вратија во игра и преку Мартин Никовиќ успеаа да го израмнат резултатот.
Во продолжението Форца ја наметна својата игра и успеа да постигне 5 голови за убедлива и сигурна предност. Стрелци на головите беа Харис Омеровиќ, Зоран Левески, Берат Рамадани, додека Иван Крстевски стрелаше два пати.
Голот за намалување на предноста и поставување на конечните 6:2 го постигна Димче Андов, истакнаа од ФФМ.
Спорт
Голем ден за македонскиот билиард, кичевчанец помеѓу шампионите
Во Софија Бугарија, покрај голема конкуренција на јуниорски играчи од 6 држави 🇲🇰🇧🇬🇷🇸🇲🇪🇧🇦🇺🇦 на пиедесталот во две категории се искачија 2 Македонски шампиони:
У-17 Андреј Ѓурчиновски 🇲🇰🏆
У-19 Блендијан Ќазими од Кичево 🇲🇰🏆
Огромни честитки и за финалистот во категорија У-17 Илија Димовски 🇲🇰🥈
Честитки до Македонските јуниорски натпреварувачи, нивните фамилии, нивните клубови и до сите што ги поддржуваат на нивниот веќе докажан шампионски пат!
Активностите во Македонскиот биљард покажуваат резултати, иднината на овој спорт е во сигурни раце.
Честитки и до организаторите на оваков тип на натпревари и се надеваме само овака да продолжи, покрај натпреварувања, да имаме и размена на искуства и дружења со сите наши соседи во регионот, истакна претседателот на Билиард федерацијата на Македонија, Дејан Сипковски.
Резултати од У-17 може да најдете ТУКА
Додека за У-19 резултатите исто така се запишани ТУКА
-
Хороскоп1 ден
Хороскоп за среда (24 април)
-
Хороскоп3 часа
Хороскоп за четврток (25 април)
-
Кичево15 часа
Жена жител на Куманово доживеала сообраќајна несреќа на патот Охрид-Кичево, се здобила со тешки телесни повреди откако возилото удрило во бетонска преграда
-
Временска прогноза9 часа
Времето утре ќе биде променливо облачно со повремени локални врнежи од дожд
-
Магазин2 дена
iPhone 16 може да остане без физички копчиња
-
Магазин2 дена
Meta се затвора во Турција
-
Спорт1 ден
КМФ „Форца 2015“ е освојувач на Купот на Македонија во футсал
-
Спорт18 часа
Ѓоковиќ: Српскиот „ас“ силно го посакува 25-иот „Грен слем“ и мисли само на победа, ништо друго.