Автомобили
Како да го решите проблемот со замрзнатите прозорци, ретровизори и брави

Зимата е сезона која многу возачи не ја сакаат, како поради отежнатите сообраќајни услови кога има снег и мраз на коловозот, така и поради подготвеноста на автомобилот за возење. Не мислиме на сезонски активности, како што се поставување зимски гуми, проверка на нивото на антифриз или добивање течност за шофершајбната што не замрзнува, туку за секојдневните непријатности поради замрзнатите стаклени површини и снегот на возилото.
Основниот совет е да не чекате до утрото за да се справите со замрзнат автомобил. Животот ќе ви биде многу полесен доколку навреме се подготвите за „минусот“ со кој најчесто се среќаваме во утринските часови.
Ако сте еден од среќниците кои имаат гаража или слично топло и суво засолниште за ноќевање за вашиот автомобил, вие сте во огромна предност во зима. За оние кои уживаат во таков луксуз, еве неколку практични совети.
Ако е можно, секогаш паркирајте го автомобилот со предниот дел на исток. Така, првите утрински зраци полека ќе го стопат мразот на шофершајбната.
Алкохолот и сапунот помагаат
Направете стаклен одмрзнувач, кој наутро само ќе го испрскате на мразот. Во шишето ставете литар алкохол, децилитар вода и детергент за миење садови. Добро протресете.
Постои уште еден рецепт – истурете алкохол и вода во сооднос 2:1 (две третини алкохол и една третина вода) во шише со распрскувач.
• Заштитете ги бравите од мраз
Тоа е местото каде што WD40 помага. Испрскајте го во бравите на вашиот автомобил и нема да замрзне преку ноќ.
• За да спречите замрзнување на вратата
Многу е едноставно, се што треба да направите е да ја премачкате гумата (кедарот) околу вратата на автомобилот со малку маснотии – обично се препорачуваат глицерин или вазелин. Направете го тоа веднаш штом ќе излезете од возилото, за следното утро без проблем да ја отворите вратата.
• Бидете снаодливи
Ако се најдете некаде во градот и тенок слој мраз ви се залепи на чашата, а немате спреј, топла вода или стругалка со вас – посегнете по кредитна картичка или некоја друга бонус картичка и изгребете ја мраз.
Ќе оди малку побавно, но по некое време ќе можете да влезете во автомобилот и да возите дома.
• Подигнете ги бришачите
За да не ги најдете бришачите „залепени“ за замрзнатото стакло наутро, едноставно кренете ги навечер, за да не стојат до шофершајбната, за да не се залепат и тие.
• Заштита за ретровизори
Надворешните ретровизори на автомобилот нема да замрзнат ако ставите пластични кеси над нив. Ќесата можете да ја прицврстите и со гумена лента.
• Ставете картон на прозорците
Ова е одличен начин да спречите воопшто да замрзнат стаклата на автомобилот. Наместо картон, можете да ставите стара крпа.
Автомобили
Новиот прототип на „Subaru“ се очекува да дебитира на „Japan Mobility Show 2025“

Главниот технолошки директор на Субару, Тецуо Фуџинуки, накратко зборуваше за новото возило, кое според тизер фотографијата најверојатно е поврзана со новата генерација на моделот WRX, не откривајќи го директно името. Тој изјави дека автомобилот ќе користи усовршен систем за погон на сите тркала, инспириран од оној што се користи во тркачката серија Супер Таикју.
Јапонското списание „Car Watch“ пренесе дека Фуџинуки го опишал автомобилот како „атрактивен“, со најава дека ќе има уште поимпресивна верзија во иднина. Повеќе детали ќе бидат објавени на самиот саем.
Според „Carscoops“, иако нема официјална потврда, сите знаци укажуваат дека ова е новата, долгоочекувана верзија на WRX, можеби дури и во STI издание.
Сликата што беше објавена не открива многу, но се гледа агресивен дизајн, со спортска аеродинамика. Предниот дел изгледа како модернизирана верзија на сегашниот WRX, со голема маска, нагласен сплитер и хауба со отвор за воздух.
Покрај новиот модел, Субару потврди и дека работи на следната генерација на својот боксер мотор. Иако сè уште нема многу технички детали, се знае дека моторот ќе биде прилагоден за користење јаглеродно неутрално гориво E20 и е можно да има хибридна поддршка. Не се знае точно колкава ќе биде работната зафатнина или колку цилиндри ќе има.
Во изјава за Best Car Web, Фуџинуки ја нагласи посветеноста на Субару кон своите клиенти. Тој изјави: „Им благодариме на сите кои го избираат Субару. Ќе продолжиме да создаваме автомобили што ќе го оправдаат нивниот избор.“
Повеќе информации се очекуваат на отворањето на Јапонскиот саем за мобилност на 30 октомври 2025 година.
Извор: Carscoops / Car Watch / Subaru
Автомобили
Утре во Прилеп ќе се одржи традиционалниот „Авто слалом“, учество ќе земе шампионот од Кичево, Кристијан Бојоски!

Утре (недела), 1-ви јуни со почеток од 11:00ч, град Прилеп повторно ќе биде домаќин на традиционалното државно првенство на Македонија во „Авто слалом“ со возила „Олд тајмери“ и „Јанг тајмери“ во организација на Национална Федерација за историски возила на Македонија која припаѓа во семејството на „FIVA“ – Fédération Internationale des Véhicules Anciens и „Класика Прилеп“ поддржано од Министерство за Спорт.
На наше огромно задоволство и под наше медиумско покровителство свое учество ќе земе нашиот кичевчанец, поранешен шампион и долгогодишен искусен учесник Кристијан Бојоски со својот модифициран „Опел Кадет“, кој долги години е миленик на прилепската публика, а владее голема поддршка и од нашиот град Кичево.
Инаку да потсетиме лани Кристијан Бојоски се натпреваруваше во класа 3 заедно со уште 11 учесници, рекорден број во таа категорија. Бојоски заврши на четвртата позиција со извозено време 1:40
Бидете дел и заедно да навиваме за кичевчанецот кој благодарение на пријателите и спонзорите кои здружено помагаат првично во техничката спремност, а тука не смее да се заборави поддршката на „Adler“, успешно плови по автомобилистичките води.
Имено да потсетиме, во октомври 2023, Бојоски го извози најдоброто време во класата „олд тајмери“ и се закити со пехар и медалја.
Настанот е на официјалната локација пред „Палма Шоп“ во Центарот на градот. Истиот беше закажан за 11-ти мај, но доби нов датум 1-ви јуни поради санација на делови од патеката, тогаш истакнаа од организацијата.
Со среќа на сите учесници!
Автомобили
„BMW“ во својата палета на електрични автомобили ќе го истакне својот модел „i4 M60“, со неверојатни 593 коњски сили

Помина нешто повеќе од една година откако BMW направи освежување на Серија 4 Gran Coupe и електричниот модел i4. Сепак, спортската верзија i4 M50 тогаш не доби технички промени. Таа продолжи да се нуди со истата M Performance поставка која развива 536 коњски сили и 795 њутн-метри вртежен момент. Неколку месеци подоцна, BMWBLOG објави информации дека се подготвува помоќна верзија – i4 M60. Сега, иако неофицијално, таа верзија се појави на холандската страница на BMW.
Новата i4 M60 веќе е наведена меѓу понудените модели, иако сè уште не може да се конфигурира. Интересно е што i4 M50 сè уште стои во понудата, но тоа веројатно ќе се промени наскоро. Новиот модел носи 593 коњски сили, што е за 57 КС повеќе од претходниот. Вртежниот момент останува ист – 795 њутн-метри.
Поради дополнителната сила, i4 M60 е побрз – од 0 до 100 км/ч стигнува за 3,7 секунди, што е за 0,2 секунди побрзо од M50. Максималната брзина останува ограничена на 225 км/ч. Покрај подобрените перформанси, има и други новитети кај оваа верзија, која е најпродаван BMW M модел последниве три години.
Според податоците од холандскиот сајт на BMW, новиот i4 M60 има автономија од 432 до 551 километар според WLTP стандардот. Иако минималниот дострел е помал од претходната верзија (469 км), максималниот сега е поголем (513 км порано). Батеријата и натаму има капацитет од 81,1 kWh, со максимално полнење на 205 kW со еднонасочна струја.
Новата верзија троши малку повеќе енергија – од 21 до 16,6 kWh на 100 км, додека старата верзија имаше потрошувачка од 19,7 до 17,9 kWh. Исто така, автомобилот е малку полесен – намален е за 5 килограми, па сега тежи 2.285 кг.
Брзината на полнење исто така е подобрена. За само 10 минути, може да се добие енергија за 141 до 185 километри, додека кај претходниот модел тоа беше 135 до 175 километри. Бидејќи BMW веќе ги подновува своите веб-страници со новиот модел, целосното претставување на i4 M60 најверојатно ќе се случи многу наскоро.
Извор: bmwblog.com
-
Хороскоп1 ден
Хороскоп за сабота (7 јуни)
-
Кичево2 дена
Кичевското архиерејско намесништво истакна соопштение по повод „Духовденска задушница“
-
Култура1 ден
(ВИДЕО) Краток фрагмент на отец Партениј за „Македонија и Патриотизмот“ од новиот филм посветен на неговиот триесет годишен монашки пат
-
Македонија2 дена
СВР Охрид: Армијата на Република Македонија ќе реализира тактичко-технички активности
-
Хороскоп5 часа
Хороскоп за недела (8 јуни)
-
Македонија10 часа
Попладнево почувствуван земјотрес во Македонија
-
Спорт2 дена
Македонија има потенцијал кој претходно го докажала. Милевски верува дека вечер играчите ќе го дадат својот максимум!
-
Спорт10 часа
(ВИДЕО) „Капа доле“ за прикажаната игра упати Милевски, додека Омерагиќ во соблекувалната укажа поддршка и честитки до играчите на македонската репрезентација!