Кичево
Во Кичево денес и официјално стартува со работа „Kelly Doner“, место каде ќе го најдете највкусниот донер!
Добредојде за „Kelly Doner“. Во Кичево денес и официјално стартува со работа реномираниот локал за брза и квалитетна храна каде може да го најдете светски познатиот австралиски донер, секогаш свеж, секогаш добро спремен, покрај широката палета на ладни пијалоци! Со работно време на локалот секој ден од 07:00 на утро, до 23:00ч на вечер, со исклучок на недела.
„Kelly Doner“ кој се наоѓа во непосредна близина на кичевската детска градинка „Олга Мицеска“ ќе ве освои веднаш откако ќе го вкусите најубавиот донер-сендвич, приготвен и достапен со пилешко или телешко месо, со највкусна свежа салата и најразлични сосови, во крцкава тортиља или вкусно лебче, хот дог и тостови.
И тоа не е се! Специјално за верните клиенти во склоп со „Kelly Doner“, јадењата ќе се служат и во „Retro Caffe“, за гостите кои сакаат специјалитетите да ги вкусат токму тука, кафе-локалот со најубава тераса, местото каде го има најдоброто кафе во градот.
Посетете ги уште веднаш, додека за сите оние кои ќе бидат на своите работни места, наскоро вашиот омилен донер ќе биде со сигурна и брза достава до вашата сакана дестинација.
Кликни ТУКА „Google Maps“ да те одведи до локацијата на „Kelly Doner“
Кичево
(ФОТО) Вандализам во Кичево, непотребно оштетени сообраќајните знаци
На 16.09.2024 во 15:40 часот во ОВР Кичево е пријавено оштетување со спреј во боја на 11 сообраќајни знаци кои се поставени покрај коловозната лента од улицата „Магистрален пат“ до „Битолска крстосница“ во близина на кичевското село Другово.
– Според членот 190 од Законот за безбедност во сообраќајот на патиштата „на сообраќајниот знак и на столбот на кој е поставен знакот, забрането е да се става нешто што не е во врска со значењето на сообраќајниот знак и забрането е неовластено поставување, преместување, отстранување и оштетување на сообраќајните знаци и на опремата на патот или измена на значењето на сообраќајните знаци“.
ОВР Кичево презема мерки за расчистување на настанот, по што ќе биде поднесена соодветна пријава, информира портпаролот на СВР Охрид, Стефан Димоски.
Кичево
Покана и распоред за главната Манастирска слава на Свештената Пречистанска Обител
Во пресрет на главната манастирска слава на Свештената Пречистанска Обител, во спомен на раѓањето на Богомајката, нашата застапничка пред Бога, ја имаме честа да ве поканиме:
петок, 20ти септември
18:00ч. – празнична Вечерна богослужба, на која ќе началствува Неговото Високопреосвештенство Митрополитот Дебарско-кичевски г. Тимотеј, а ќе претстојат Митрополитот Повардарски г.Агатангел и секако нашиот највозљубен Старец и Епископ Антаниски – г.Партениј.
Во текот на богослужбата, една искушеничка( Душица) од нашето сестринство ќе биде вброена кон рамноангелскиот монашки чин.
сабота, 21 септември
7:00ч. – утрена богослужба.
8:45ч. – пречек на Архиереите: Митрополитот Дебарско-кичевски г. Тимотеј, Митрополитот Повардарски г. Агатангел, Митрополит г.Илија од Финска и Старецот и Епископ Антаниски г. Партениј.
9:00ч. – Света архиерејска Златоустова Литургија.
Потпирајќи се со цврста вера на Онаа Која е поширока од Небесата и Која Го роди Спасителот наш, ве очекуваме со голема радост заеднички да го прославиме роденденот на Мајката Божја и Мајката наша! Воедно, ќе учествуваме заеднички и во молитвите при чинот на монашкиот потстриг на нашата сестра. А за сето тоа да биде целосно исполнето со најубавото источно православно пеење, ќе помогнат нашите најдраги пријатели од Света Гора: архимандритите о. Матеј, о. Антипа, о. Херувим, монаси, псалти и други гости.
Преку нашиот медиум, ве посакуваме да го понесете со себе благословот од средбата со Чудотворната икона Богородица Крнинска, Пречистанските Светии Евнувиј, Пајсиј, Аверкиј, чесните мошти на Света Параскева и повторно да доживееме духовно и телесно исцеление и обновување!
Кичево
Утре овие кичевски села поради работа на ЕВН ќе бидат без електрична енергија
Како што информираат од ЕВН за нашиот медиум, поради зафати на електродистрибутивната мрежа утре на ден 18.09 – среда, ЕВН КЕЦ Кичево ќе работи на терен, така што прекини во снабдување на електрична енергија ќе имаат домаќинствата на следните кичевски села:
* с.Извор, с.Кленоец, с.Попоец, с.Малкоец, с.Иванчишта, с.Душегубица, Луис Гемстон, Трансмет и ХПП Ехлоец (Од 08:30 до 15:00ч)
- Напомена: Времетраењето „од-до“ може да зависи од ефикасноста на работата.
-
Хороскоп2 дена
Хороскоп за вторник (17 септември)
-
Кичево1 ден
(ФОТО) Вандализам во Кичево, непотребно оштетени сообраќајните знаци
-
Кичево1 ден
Утре овие кичевски села поради работа на ЕВН ќе бидат без електрична енергија
-
Хороскоп17 часа
Хороскоп за среда (18 септември)
-
Кичево1 ден
Покана и распоред за главната Манастирска слава на Свештената Пречистанска Обител
-
Мобилни уреди24 часа
Пристигна „iOS 18“, до сега најголемата надградба во историјата на „iPhone“, овие уреди ќе ги добијат новостите кои ги носи новиот систем
-
Магазин1 ден
Австралија ја затвора 3G мрежата
-
Магазин1 ден
Amazon инвестира 8 милијарди фунти во центри за податоци во Велика Британија