Временска прогноза
Ќе се дише, од денес нема повеќе екстремно високи температури, утрата посвежи..

Продолжува стабилното, суво и претежно сончево време во Македонија, само во понеделник во попладневните часови ќе има појава на локална и краткотрајна нестабилност, проследена со пороен дожд, грмежи и засилен ветер.
Сепак утринските температури ќе бидат многу пониски од изминатите утрини и тие ќе се спуштаат во интервалот од 10 до 17 степени, но утре изутрина во Малешевијата таа ќе се спушти и под 10 степени.
Максималните дневни температури на воздухот пак во следните денови ќе бележат тенденција на пораст, но тие нема да бидат екстремно високи и ќе се искачуваат во интервалот од 27 до 36 степени.
Во Скопје и околината исто така продолжува стабилното, суво и сончево време. Исклучок ќе биде понеделник попладне, кога во делови од котлината ќе има услови за краткотрајна нестабилност, проследена со пороен дожд, грмежи и засилен ветер. Наутро температурата ќе биде значително пониска за разлика од изминатите утрини и таа ќе се спушта во интервалот од 12 до 16 степени, додека максималната ќе се искачува во интервалот помеѓу 32 и 36 степени.
Ув индексот во следните денови ќе има многу висока вредност (вредност 9), што значи малку ќе биде понизок за разлика од изминатите денови, кога тој имаше екстремно висока вредност 10.
На самиот почеток од следната седмица, во регионот повторно се очекуваат нови временски непогоди и опасно време, а во почетокот од август од Арктикот кон европа би можело да се спушти нов студен бран и со себе да донесе интензивни врнежи од снег во Алскиот регион, но и големо невреме на Балканот.
Автор на текст: Славчо Попоски
Временска прогноза
Продолжениот викенд стабилно и суво, студено ќе биде на утро и во вечерните часови

За време на овој продолжен празничен викенд во Македонија ќе има стабилизирање на временската состојба. Ќе има повеќе сонце, но останува студено, особено во ноќните и во утринските часови.
Наутро температурите ќе се спуштаат во интервалот од -5 до 1 степен, со што речиси насекаде низ државава ќе има појава на мраз. Максималните дневни температури на воздухот пак ќе се искачуваат во интервалот од 4 до 10 степени. Да напоменеме дека ќе дува и слаб до умерен ветер од променлив правец.
Слаби врнежи од дожд на ниските места (градовите) и слаб снег на повисоките места и на планините и тоа особено во северозападните предели од државава ќе има во недела доцна попладне и рано навечер.
Во Скопје и околината ќе имаме претежно стабилно и суво време со повеќе сонце. Наутро температурата ќе се спушта во интервалот помеѓу -3 и -1 степен, а максималната температура ќе се спушта во интервалот помеѓу 5 и 8 степени, за ПортаМк пишува Славчо Попоски.
Временска прогноза
На пат студен бран од север, дождот ќе премине во снег кој истиот најпрво ќе се спушти до 1000 метри надморска височина

Врнежите кои повторно ќе започнат од следните часови во Македонија, и тоа поради продорот на уште постуден воздух од север, ќе преминуваат во снег и на местата со надморска височина од под 1000 метри, па така врнежи од снег ќе има и во повисоките населени места низ Македонија.
Провејување на снег ќе има понекаде и во градовите, особено во западните и во северозападните предели. На повисоките места и планините, како и на Скијачките центри ќе дојде до формирање на нова снежна покривка со висина од 5 до 10 сантиметри, понекаде може таа да биде и поголема.
Сето ова ќе биде проследено со засилен ветер од северен и од северозападен правец, најизразен Долж Повардарието.
Во Скопје и околината провејување на снег се очекува на околните планини, како и во повисоките предели од котлината. Ќе дува и умерен до засилен ветер од северен правец.
- НАПОМЕНА: Поради ниските температури кои се очекуваат, се очекува појава на мраз, што значи возачите особено доколку се движат кон планинските превои и Скијачките центри да бидат крајно внимателни.
Во петок, како и за време на викендот ќе имаме релативно стабилно и суво време, што значи дека ќе одмориме од многу променливото време и врнежите, но наутро ќе биде уште постудено и температурите речиси насекаде ќе се спуштаат под нулата, што значи дека ќе имаме појава на мраз.
Најстудено преку ден ќе биде во петок и тоа со максимални дневни температури кој ќе се искачуваат во интервалот само од 1 до 8 степени. Во деновите од викендот ќе биде малку потопло преку ден, но и понатаму со негативни температури наутро, за порта.мк вели Славчо Попоски
Временска прогноза
Студеното време зема интензитет, од четврток најава за нови снежни врнежи и на пониските места

Во Македонија во следните денови ќе имаме многу променливо и значително постудено време. Ќе бидеме и под влијание на влажен воздушен бран од запад и од југозапад и истиот ќе условува повремени локални врнежи од дожд на пониските места (градовите), додека на планините над 1500 метри надморска височина врнежите ќе бидат од снег.
Поради понатамошно спуштање на студена воздушна маса од север, во четврток попладне и во вечерните часови врнежи од снег ќе има и на местата со надморска височина од под 1000 метри, особено во западните и во северните предели од државава. Тогаш ќе дојде до формирање на нова снежна покривка на планините и на повисоките места, а мала снежна покривка можно е да се формира понекаде и на местата со надморска височина од под 1000 метри.
Во четврток попладне и навечер ќе дува засилен ветер од северен и од северозападен правец, особено Долж Повардарието.
Во Скопје и околината ќе имаме слично време, односно значително постудено со локален дожд, а на околните планини особено во четврток попладне и навечер ќе има врнежи од снег. Тогаш можно е провејување на снег и во повисоките предели од котлината, кога ќе дува и засилен ветер од северен правец.
Што се однесува до температурите, тие наутро ќе се спуштаат во интервалот од -2 до 6 степени, а од петок тие на повеќе места ќе се спуштаат под нулата. Максималните дневни температури на воздухот пак ќе се искачуваат во интервалот од 4 до 10 степени, вели Славчо Попоски
-
Хороскоп1 ден
Хороскоп за петок (8 декември)
-
Кичево4 часа
Вчера во сообраќајни контроли на подрачјето од СВР Охрид во Кичево најмногу санкции за возачи кои возеле побрзо од дозволеното
-
Временска прогноза11 часа
Продолжениот викенд стабилно и суво, студено ќе биде на утро и во вечерните часови
-
Спорт1 ден
Фудбалската федерација на Македонија истакна дека поради честите судиски грешки во иднина ќе воведе „ВАР“
-
Кичево1 ден
(ФОТО) Внесете ја новогодишната магија во вашиот дом со новогодишните украси од „АТВА Маркети“
-
Култура17 часа
Денес го празнуваме Свети Климент Охридски, наш најголем просветител и учител.
-
Хороскоп28 минути
Хороскоп за сабота (9 декември)
-
На денешен ден2 дена
На денешен ден – 7 декември