Mercedes-Maybach ја потврди премиерата на целосно електричниот теренец Mercedes-Maybach EQS 680 за 17 април и саемот во Шангај.

Станува збор за луксузна верзија на теренецот Mercedes EQS, а заедно со кратката најава доаѓа и тизер слика.

Визуелните промени во споредба со стандардниот теренец на Mercedes EQS ќе вклучуваат препознатлива предна табла и значка Maybach, малку редизајнирани браници, различни алуминиумски тркала и повеќе сјајни детали за каросеријата.

Од внатрешната страна, луксузниот теренец се очекува да има четири седишта, со инфозабавен систем за патниците одзади, заедно со луксуз како што се преклопни маси и мини-фрижидер. Дополнително, Maybach ќе користи премиум материјали и ќе понуди бројни опции за персонализација за да ја оправда повисоката цена.

Името Mercedes-Maybach EQS 680 SUV навестува дека ќе биде помоќен од моделот EQS 580 4Matic SUV што моментално го нуди Mercedes. Последниот има два електромотори со 400 kW/543 КС и 857 Nm вртежен момент, како и батерија од 108,4 kWh која е доволна за автономија од 459 km.

Во моментов, единствената позната спецификација на верзијата со брендот Maybach е привремената комбинирана потрошувачка од 24,4-22,5 kWh/100 km што следи по официјалното соопштение, пишува колегата Иван Митиќ од најдобриот Autoblog.rs

Министрите за енергетика на земјите членки на Европската унија денеска одобрија закон според кој од 2035 година ќе биде стопирана продажбата на автомобили со емисија на јаглерод диоксид (CO2) во рамките на Европската унија, откако Германија доби изземање за автомобилите кои користат е-горива.

Според Ројтерс, новите автомобили продадени од 2035 година мора да имаат нула емисија на CO2, а оние што се продаваат од 2030 до 2035 година мора да имаат најмалку 55 отсто помали емисии од оние од 2021 година.

Дополнително, Европската комисија се обврза да предложи дополнителни правила кои овозможуваат континуирана продажба на нови автомобили со внатрешно согорување кои користат само таканаречени е-горива по 2035 година.

Извор: Tanjug.rs / Novosti.rs

За време на пандемијата на коронавирус, градските власти на Ванкувер ја започнаа кампањата „Slow Street“. Идејата се заснова на две бетонски бариери кои ги стеснуваат патиштата и го насочуваат возачот да помине меѓу нив со намалена брзина.

Властите ширум светот прават се за да ја ограничат брзината на градските патишта, а овој систем во Канада е еден од новитетите. Сепак, не е сигурно дали овој проект е најдобриот што би можеле да го смислат сообраќајните експерти.

Локалната новинарка Џил Бенет неодамна се пожали на Twitter дека бариерите водат до чести несреќи. Таа објави и фотографија од Dodge Durango заглавен на една од овие бариери.

Бетонските бариери се наоѓаат на улици каде што има чести сообраќајни несреќи или проблеми со брзината, особено кога таквите патишта се вкрстуваат со други патишта. Во Ванкувер се поставени дури 42 бариери.

Но, не сите размислуваат како Бенет. Имено, многумина го поддржуваат овој проект.

Hey @CityofVancouver⁩ this is second incident I’ve seen caused by these useless ‘slow street’ barricades installed last month. They don’t slow down traffic; they cause crashes and traffic chaos. pic.twitter.com/A4xZOwMCGi

— Jill Bennett (@jillreports) March 23, 2023