Следете не

Автомобили

Колку навистина се „зелени“ електричните возила?

Објавено пред

на

Фото: Unsplash

Кога возите, електричните автомобили не испуштаат штетни гасови во атмосферата и ако го погледневме само тој аспект, навистина немаше да се расправа дали тие се еколошки прифатливо решение. Меѓутоа, што е со самото нивно производство, создавањето на батерии и станици за полнење и кој е конечниот биланс во споредба со традиционалните возила на фосилни горива?

Производство на електрични возила

Како што пренесува порталот TheNextWeb, според истражувањето на Министерството за транспорт во Обединетото Кралство, електричните возила се еколошки поприфатлива опција во текот на нивниот животен век во споредба со традиционалните возила кои се напојуваат со мотори со внатрешно согорување фосилни горива.

За време на анализата на целиот животен циклус на овие два типа возила, опцијата која користи електричен погон ќе ослободи 65% помалку гасови кои произведуваат ефект на стаклена градина во атмосферата од традиционалните возила на бензин и дизел.

Треба да се напомене дека најголемиот дел од емисиите на штетни гасови за електричните возила се јавуваат при самото производство, дури 67%. Исто така, интересно е да се констатира дека при производството на електрични возила, според истражувањата од 2020 година, се произведуваат околу 50% повеќе штетни гасови во споредба со традиционалните возила, главно поради производството на батерии.

Фото: Unsplash

Фото: Unsplash

Сепак, треба да се напомене и дека со текот на времето, емисијата на штетни гасови во атмосферата при производство на електрични возила ќе се намалува поради процесот на рециклирање на постоечките батерии. Се проценува дека емисијата на стакленички гасови создадени за време на создавањето на електрични возила ќе биде еднаква на количината испуштена при производство на класични возила до 2050 година. Тогаш електричните автомобили навистина ќе станат најдобра опција за возење.

Нешто се премолчува

Во моментов, пак, не се зборува за мрежата за полнење и за изворите на електрична енергија кои ги напојуваат овие возила. Значи, електричното возило како електрично возило е апсолутно и без сомнение подобар избор за нашата планета ако се гледа како изолиран ентитет и ако не ја земеме предвид неопходноста од неговото напојување.

Но, тоа не би дало реална состојба и не е професионално да се креваат електрични возила до небо без да се истакнат постоечките проблеми за кои недоволно се зборува. Земете ги на пример Соединетите Американски Држави како една од земјите со најразвиена мрежа на станици за полнење на електрични возила. Според истражувањето на Управата за енергетски информации, во оваа земја само 12,2% од потрошената електрична енергија доаѓа од обновливи, еколошки извори. Останатите 87,8%… Можете да погодите.

Фото: Unsplash

Фото: Unsplash

Дали во таква ситуација навистина можеме да зборуваме за електричните возила како решение кое ќе ја спаси планетата од нас самите пред природата да реши да го притисне копчето за рестартирање? Не сме сигурни како можеме да го тврдиме тоа. Но, останува фактот дека електричните автомобили ќе стануваат се по „нежни“ за нашата планета како што одминува времето, а ни останува само да се надеваме дека човештвото ќе се сврти кон обновливите извори на енергија.

Која е иднината на електричните возила?

Иднината, барем што се однесува до самите производители на автомобили, никогаш не е подобра. На пример, Volvo планира целосно да го прекине производството на традиционални автомобили до 2030 година. Се развиваат и напредни батерии кои ќе овозможат подолги патувања со едно полнење и подобрена долговечност. Ќе се подобри и мрежата за полнење, станиците ќе станат пораспространети, а животот со електричен автомобил ќе биде многу полесен отколку што е сега.

Но, сето ова е жално доколку енергијата што се користи за напојување на електричните автомобили не престане да се произведува со согорување на јаглен и други тековни методи. Без барем делумна транзиција кон обновливите извори на енергија, нема да има еколошки возила.

Автомобили

(ВИДЕО) „Tuning Car Show“ во Прилеп доби нова димензија со видеата на тимот од „Autodonia“

Објавено пред

на

©porta.mk

Традиционалниот „Tuning Car Show“ во Прилеп дефинитивно е еден од најпрестижните манифестации за сите љубители на автомобилизмот. На 11-ти октомври традиционално се одржа и овогоднинешното издание под покровителство на Општина Прилеп и останатите спонзори.

Вообичаено забележителни се многу видеографи, доста компании кои овој настан знаат и умеат да го пренесат, но токму нас, впечатлив пренос на овој настан ни остави „Autodonia“. Неуморните дечки на чело со Nenad Kaevik. Дечкото е специјализиран за изработка на визуелно импресивни и високо функционални дигитални решенија. Вистински љубеник на автомобилизмот кој успева на секој битен настан да биде прв.

Во оваа прилика од нашиот медиум упатуваме честитка за успешна работа, а вие не чекате уште веднаш посетете го неговиот бизнис инстаграм профил ТУКА – верувајте има што да видите, за повеќе информации за неговата работа и портфолио погледнете ТУКА

Промо видео од „Tuning Car Show“ – Прилеп:

Прочитај повеќе...

Автомобили

Volvo го прекинува производството на моделот V90 — последниот примерок оди во музеј

Објавено пред

на

Фото: Remy Lovesy @ unsplash
Фото: Remy Lovesy @ unsplash

По девет години и речиси 250.000 произведени примероци, Volvo официјално го прекина производството на моделите V90 и V90 Cross Country. Со тоа, уште еден од најелегантните каравани на пазарот заминува во историјата.

Класата на каравани веќе подолго време полека исчезнува, заменета со SUV модели кои доминираат во продажбата. Според порталот Carscoops, шведскиот производител Volvo Cars го стави крајот на производството на V90 и неговата надградена верзија V90 Cross Country по речиси една деценија на пазарот. Иако оваа одлука беше најавувана веќе неколку години, за многу љубители на класичните каравани ова е тажен момент.

Volvo го лансираше V90 во 2016 година, а дизајнот доби суптилно освежување во 2020 година. И денес, моделот изгледа модерно и префинето, со типичен скандинавски стил. Во текот на својот животен циклус, V90 понуди богата палета на мотори — од 2.0-литарски турбодизел со 148 коњски сили, до турбополнет и компресорски бензинец со 316 КС, па сè до plug-in хибрид со импресивни 455 КС.

Вкупно беа произведени околу 250.000 примероци, а последниот V90 нема да биде ставен во продажба. Наместо тоа, Volvo го додаде во својата колекција Heritage, каде ќе биде изложен во музејот „Светот на Volvo“ (World of Volvo) во Гетеборг. Таму ќе стои рамо до рамо со легендарни модели како Volvo 145, Volvo 960 и Amazon P220.

Судбината на V90 беше неизвесна веќе подолго време. Кон средината на 2023 година, Volvo објави дека ќе ја прекине продажбата на моделите V90, S90, S60 и V60 на британскиот пазар, во рамките на транзицијата кон SUV возила. Сепак, помалку од една година подоцна, поради зголемената побарувачка, компанијата повторно ги врати V60 и V90 во продажба во Велика Британија.

Со престанокот на производството на V90, моделот V60 останува единствениот караван во понудата на Volvo. Но, бидејќи сегашната генерација е на пазарот од 2018 година, не е сигурно колку долго ќе опстои. Се шпекулира дека Volvo би можел целосно да се збогува со караваните по моделската 2026 година, завршувајќи една славна ера што го направи брендот светски препознатлив.

Извор: BUG

Прочитај повеќе...

Автомобили

(ФОТО) Кичево и Бојоски денеска со високо трето место на „авто слалом“ во Прилеп по повод 11-ти Октомври

Објавено пред

на

©porta.mk

Нашиот кичевчанец Кристијан Бојоски го освои високото трето место во класа над 1600 cм³, и четврто место во друга класа на „Авто слалом“ трката денес по повод 11-ти Октомври традиционално во Прилеп – во организација на Авто мото клуб „Автомото Класика“ – Прилеп

Кристијан Бојоски (трето место)

Кристијан Бојоски (трето место)

Повеќе фотографии од овој настан може да download-ирате во продолжение ТУКА, во следните чекори „View content“ > Download (icon). Во оваа прилика им благодариме за официјалната покана до Порта.мк на „Автомото Класика“, се гледаме до година.

И на крај пред претставување на галеријата, оваа прилика ја користиме да го поздравиме со топло добредојде во тимот „Авто шлеп“ – Лони Кичево кој од денес на сите интернационални и домашни натпреварувања ќе го вози модифицираното возило на Кристијан Бојоски!

Мал дел фотографии:

Прочитај повеќе...

Facebook

Последни објави

Технологија55 минути

„Google Wallet“ добива нова функција која ќе го олесни користењето на дигиталните пропусници, картички за лојалност и билети

„Google Wallet“ добива нова функција која им овозможува на корисниците поедноставно користење на нивните дигитални пропусници, картички за лојалност, билети...

Здравје и убавина3 часа

Овие овошја едноставно се клучот за одмор на вашите црева во организмот

Многу луѓе кога ќе тргнат на одмор се соочуваат со непријатности во дигестивниот систем. Промената на климата, исхраната и околината...

Македонија10 часа

18 години без нашата поп икона Тоше Проески, кој загина на денешен ден – утрото на кобниот 16.10.2007

Цели 18 години без нашата поп икона Тоше Проески, кој загина на денешен ден – кобниот 16.10.2007. Тодор „Тоше“ Проески...

Хороскоп13 часа

Хороскоп за четврток (16 октомври)

ОВЕН Пријател или роднина на Овните може да предложи пократко патување, но периодов не ви е дозволено ниту да одите...

Автомобили16 часа

(ВИДЕО) „Tuning Car Show“ во Прилеп доби нова димензија со видеата на тимот од „Autodonia“

Традиционалниот „Tuning Car Show“ во Прилеп дефинитивно е еден од најпрестижните манифестации за сите љубители на автомобилизмот. На 11-ти октомври...

Хроника22 часа

Почина лице кое било сведок на судење во Основниот граѓански суд – Скопје

На 14.10.2025 во СВР Скопје е пријавено дека во Основен граѓански суд Скопје починал З.Д., кој бил сведок на судење....

Фото: Lars Blankers @ unsplash Фото: Lars Blankers @ unsplash
Храна1 ден

Совет од експерти: Како правилно да складирате компири во текот на есента

Есента е сезона на вкусни, топли јадења – чорби, супи, печено месо и разни гарнитури – а компирите се неизбежна...

Фото: Shutter Speed @ unsplash Фото: Shutter Speed @ unsplash
Магазин1 ден

Instagram тестира нов изглед на апликацијата со нови табови за Reels и пораки

Instagram започна тестирање на нов изглед на својата апликација, кој веќе е достапен за дел од корисниците. Промената засега е...

Хороскоп1 ден

Хороскоп за среда (15 октомври)

ОВЕН Оние од вас кои планираат пократко патување денес можеби ќе бидат задоволни, особено ако се работи за семејна посета....

Временска прогноза1 ден

Доаѓа нов бран на дождови на планините снег, и тоа над 2000 нмв – ова се најновите метео вести

Под влијание на поголем влажен воздушен бран од Медитеранот, во текот на ноќта среда кон четврток (15/16 октомври) во четврток...

НАЈЧИТАНИ