Автомобили
Колку навистина се „зелени“ електричните возила?

Кога возите, електричните автомобили не испуштаат штетни гасови во атмосферата и ако го погледневме само тој аспект, навистина немаше да се расправа дали тие се еколошки прифатливо решение. Меѓутоа, што е со самото нивно производство, создавањето на батерии и станици за полнење и кој е конечниот биланс во споредба со традиционалните возила на фосилни горива?
Производство на електрични возила
Како што пренесува порталот TheNextWeb, според истражувањето на Министерството за транспорт во Обединетото Кралство, електричните возила се еколошки поприфатлива опција во текот на нивниот животен век во споредба со традиционалните возила кои се напојуваат со мотори со внатрешно согорување фосилни горива.
За време на анализата на целиот животен циклус на овие два типа возила, опцијата која користи електричен погон ќе ослободи 65% помалку гасови кои произведуваат ефект на стаклена градина во атмосферата од традиционалните возила на бензин и дизел.
Треба да се напомене дека најголемиот дел од емисиите на штетни гасови за електричните возила се јавуваат при самото производство, дури 67%. Исто така, интересно е да се констатира дека при производството на електрични возила, според истражувањата од 2020 година, се произведуваат околу 50% повеќе штетни гасови во споредба со традиционалните возила, главно поради производството на батерии.

Фото: Unsplash
Сепак, треба да се напомене и дека со текот на времето, емисијата на штетни гасови во атмосферата при производство на електрични возила ќе се намалува поради процесот на рециклирање на постоечките батерии. Се проценува дека емисијата на стакленички гасови создадени за време на создавањето на електрични возила ќе биде еднаква на количината испуштена при производство на класични возила до 2050 година. Тогаш електричните автомобили навистина ќе станат најдобра опција за возење.
Нешто се премолчува
Во моментов, пак, не се зборува за мрежата за полнење и за изворите на електрична енергија кои ги напојуваат овие возила. Значи, електричното возило како електрично возило е апсолутно и без сомнение подобар избор за нашата планета ако се гледа како изолиран ентитет и ако не ја земеме предвид неопходноста од неговото напојување.
Но, тоа не би дало реална состојба и не е професионално да се креваат електрични возила до небо без да се истакнат постоечките проблеми за кои недоволно се зборува. Земете ги на пример Соединетите Американски Држави како една од земјите со најразвиена мрежа на станици за полнење на електрични возила. Според истражувањето на Управата за енергетски информации, во оваа земја само 12,2% од потрошената електрична енергија доаѓа од обновливи, еколошки извори. Останатите 87,8%… Можете да погодите.

Фото: Unsplash
Дали во таква ситуација навистина можеме да зборуваме за електричните возила како решение кое ќе ја спаси планетата од нас самите пред природата да реши да го притисне копчето за рестартирање? Не сме сигурни како можеме да го тврдиме тоа. Но, останува фактот дека електричните автомобили ќе стануваат се по „нежни“ за нашата планета како што одминува времето, а ни останува само да се надеваме дека човештвото ќе се сврти кон обновливите извори на енергија.
Која е иднината на електричните возила?
Иднината, барем што се однесува до самите производители на автомобили, никогаш не е подобра. На пример, Volvo планира целосно да го прекине производството на традиционални автомобили до 2030 година. Се развиваат и напредни батерии кои ќе овозможат подолги патувања со едно полнење и подобрена долговечност. Ќе се подобри и мрежата за полнење, станиците ќе станат пораспространети, а животот со електричен автомобил ќе биде многу полесен отколку што е сега.
Но, сето ова е жално доколку енергијата што се користи за напојување на електричните автомобили не престане да се произведува со согорување на јаглен и други тековни методи. Без барем делумна транзиција кон обновливите извори на енергија, нема да има еколошки возила.
Автомобили
РКЕ: Од полноќ поскапуваат горивата, ова е новата цена за литар источено гориво на малопродажните објекти

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 18.08.2025 година и со тоа малопродажната цена на ЕУРОСУПЕР БС-95 изнесува 75,00 ден/лит, додека малопродажната цена на ЕУРОСУПЕР БС-98 изнесува 77,00 ден/лит.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ 1), се зголемуваат за 0,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 18.08.2025 година и со тоа малопродажната цена на ЕУРОДИЗЕЛ (Д-Е V) изнесува 68,00 ден/лит, додека малопродажната цена на Екстра лесното масло за домаќинство на (ЕЛ-1) изнесува 67,50 ден/лит, предмалку известија од РКЕ.
Автомобили
Рекорден број автомобили во Германија – нови податоци за моторизацијата

На почетокот на годината, Германија забележа рекорден број на регистрирани патнички автомобили. Според податоците на германскиот завод за статистика Destatis, на 1 јануари биле регистрирани 49,3 милиони автомобили, што е највисока бројка досега.
Покрај тоа, забележана е и рекордна стапка на моторизација – 590 автомобили на 1.000 жители. Овој тренд постојано расте од 2008 година, што укажува на континуирано зголемување на бројот на автомобили во земјата.
Регионални разлики
• Највисока стапка е забележана во Сарланд со 646 автомобили на 1.000 жители.
• Потоа следат Рајнска област-Пфалц со 641 и Баварија со 635 автомобили.
• Најниски стапки имаат Берлин (334), Бремен (427) и Хамбург (435).
Годишни споредби
Во споредба со минатата година, стапката на моторизација се зголемила во повеќето покраини.
• Во Баварија таа останала непроменета.
• Намалување е забележано во Берлин, Бремен, Хамбург и Хесен. Во Хесен стапката се намалила минимално – од 623 на 622 автомобили на 1.000 жители.
Со овие бројки, Германија постави уште еден рекорд во вкупниот број на регистрирани патнички автомобили, потврдувајќи го статусот на земја со една од највисоките стапки на моторизација во Европа.
Извор: Blic
Автомобили
Фолксваген продаде 1,5 милиони електрични автомобили и најави поевтини модели

Фолксваген постигна нов историски успех во преминот кон електрична мобилност – електричниот автомобил со сериски број 1.500.000 од семејството ID беше свечено предаден во фабриката во Емден.
Станува збор за црн ID.7 Tourer Pro со домет до 606 километри. Првите модели ID беа испорачани во септември 2020 година, а само пет години подоцна Фолксваген е лидер во статистиката за регистрации на електрични возила – не само во Германија, туку и во цела Европа.
ID.7 Tourer во првата половина на 2025 година беше најпродаваниот електричен автомобил на германскиот пазар.
Фабриката во Емден – целосно електрична
Фолксваген инвестираше повеќе од една милијарда евра за да ја трансформира фабриката во Емден во ексклузивен погон за електрични автомобили. Заедно со фабриките во Цвикау и Дрезден, ова е единствената фабрика на VW во светот што е целосно посветена на електрични модели.
Нови, поевтини модели од ID семејството
Фолксваген најави дека наскоро ќе понуди и поевтини електрични автомобили за пошироката публика:
-
ID.2all – компактен модел со цена под 25.000 евра (очекуван во 2026 година)
-
ID.Every – основен модел за околу 20.000 евра (очекуван во 2027 година)
„Целта е јасна – електромобилноста мора да биде достапна за сите, прифатлива по цена, сигурна и одржлива,“ изјави Мартин Сандер од Фолксваген.
Извор: B92
-
Кичево7 часа
(ФОТО) Денес официјално промовиран првиот „Млекомат“ во Кичево, каде присуствуваше министерот за земјоделство, шумарство и водостопанство Цветан Трипуновски и Лазар Неданоски од МРФП
-
Кичево12 часа
Утрово на бул. „Ослободување“ во Кичево од автомобил бил удрен повозрасен пешак, веднаш интервенирала екипа на Брза Помош
-
Хороскоп22 часа
Дневен Хороскоп за понеделник (25 август)
-
Хороскоп2 дена
Хороскоп за недела (24 август)
-
Македонија1 ден
Во Куманово по пожар на сува трева, се зафатил плац со паркирани возила, камиони и автобуси
-
Македонија1 ден
Добра вест: До моментов само 3 активни пожари, состојбата со пожарите се смирува
-
Македонија10 часа
Се вози брзо: Во изминатото деноноќие лишени од слобода пет возачи за „безобѕирно управување со моторно возило“
-
Спорт23 часа
Маркез доминираше денес за големата награда на Унгарија на уникатната патека „Балатон Парк“