Свет
Корона вирус и Австрија: Целосно заклучување и задолжителна вакцинација од февруари

Само неколку дена по воведувањето на рестрикциите за невакцинираните лица, австриските власти одлучија од понеделник на 22 ноември да воведат ново национално заклучување, кое ќе биде на сила најмалку 10, а најмногу 20 дена.
Одлучено е и задолжителната вакцинација да се воведе од 1 февруари 2022 година.
„Имајќи ја предвид сериозноста на ситуацијата и стапката на зараза, федералната влада и премиерите на државите се согласија дека нема друг начин освен да воведат рестриктивни мерки за сите“, рече австрискиот канцелар Александар Шаленберг.
„Не сакаме петти бран“, додаде тој, објавувајќи ја одлуката што следеше рекорден ден во однос на бројот на новозаразени – повеќе од 15.000.
Австрија е првата земја во Европската унија која воведе целосно затворање оваа есен.
Националниот карантин значи дека Австријците ќе работат од дома, ќе бидат отворени само продавници со потребните намирници, а ќе работат само училишта за деца кои треба наставата да ја пратат во живо.
Шаленберг вели дека овие правила автоматски ќе завршат на 13 декември, а оттогаш „повеќе нема да важат за оние кои биле вакцинирани и оздравени од корона вирусот“.
Европскиот регионален директор на Светската здравствена организација Ханс Клуге предупреди дека ни претстои тешка зима.
За тоа ја обвини недоволната покриеност со вакцинација, заедно со „олабавувањето на превентивните мерки и ширењето на преносливата варијанта Делта“.
Австрија не е единствената европска земја која воведе мерки против невакцинираните.
Слично постапија Словачка, Чешка, Грција и Германија…
Со околу 66 отсто од вакцинираните, Австрија има една од најниските стапки на имунизација во Европа.
Во земја со околу 8,7 милиони жители, околу два милиони не се вакцинирани.
На некои не им се допаднаа мерките против невакцинираните, сметајќи дека тоа само ќе го продлабочи веќе постоечкиот јаз меѓу вакцинираните и невакцинираните.
Што рече австрискиот канцелар?
„Постои долго време консензус за избегнување на задолжителната вакцинација“, рече Шаленберг.
Но, нагласи тој, „противниците на вакцинацијата кои шират дезинформации се виновни за рекордните случаи на ковид во земјата“.
„Охрабрени од радикалните антивакцини, лажните вести, многумина не се вакцинирани. Резултатите се преполни единици за интензивна нега и огромно страдање.
„Затоа Владата донесе многу тешка одлука да воведе задолжителна вакцинација од 1 февруари“, рече тој.
Извор: Danas
Фото: Unsplash
Свет
„Google“ со сериозна инвестиција на центри за податоци и вештачка интелигенција во Велика Британија

Американската компанија Гугл денеска објави план за инвестиција од пет милијарди фунти (околу 5,78 милијарди евра) во Велика Британија во наредните две години. Средствата главно ќе бидат насочени кон развој на центри за податоци и истражување во областа на вештачката интелигенција (ВИ), а веста доаѓа непосредно пред посетата на американскиот претседател Доналд Трамп на Лондон.
Според соопштението на компанијата, инвестицијата ќе ги покрие капиталните трошоци, истражувањето и развојот, вклучувајќи ја и работата на Гугл ДипМајнд, британската лабораторија за ВИ во сопственост на технолошкиот гигант.
Како дел од оваа стратегија, денес беше пуштен во употреба нов центар за податоци во Волтам Крос, северен Лондон, во кој Гугл претходно вложи околу една милијарда долари (850 милиони евра).
Портпарол на компанијата за агенцијата АФП, кој сакаше да остане анонимен, изјави дека новата инвестиција ќе претставува надополнување на претходното финансирање.
Во меѓувреме, Велика Британија се подготвува за втората државна посета на Трамп, која ќе се одржи в среда и четврток. Првата официјална посета беше во 2019 година, за време на неговиот прв претседателски мандат. Според британските медиуми, Трамп ќе биде придружуван од делегација составена од високи претставници на технолошкиот и финансискиот сектор, а се очекуваат и нови инвестиции и потпишување на технолошки договор со Лондон.
Во пресрет на посетата, британската влада веќе најави дека американските банки вложуваат повеќе од една милијарда фунти во земјата, а во понеделник потврди и договор со САД за забрзување на процесот на одобрување и верификација на нуклеарни проекти.
Откако започна војната во Украина, Велика Британија значително ги засили напорите за намалување на зависноста од јаглеводородите, при што нуклеарната енергија стана стратешки приоритет. За време на посетата на Трамп, официјално ќе биде потпишано и новото партнерство меѓу Лондон и Вашингтон – „Атлантско партнерство за напредна нуклеарна енергија“, пренесе Бета.
Свет
Денес во Киргистан беше регистриран силен земјотрес

Во Киргистан денеска е регистриран земјотрес со јачина од 4,1 степени според Рихтеровата скала, информира Европско-медитеранскиот сеизмолошки центар. Потресот бил лоциран на околу 12 километри југоисточно од главниот град Бишкек, на длабочина од приближно 12 километри.
Очевидци сведочат дека земјата се тресела околу две до три минути, пренесе ТАСС.
Досега нема информации за повредени лица или материјални оштетувања.
Свет
(ВИДЕО) „Ден на жалост“ во Португалија по страшната трагедија каде од шините излета жичара и одзеде најмалце 15 животи, неофицијално има и странци

Португалија денеска тагува по трагедијата што го потресе главниот град Лисабон, откако 15 лица ги загубија животите, а најмалку 18 завршија во болница по излетувањето од шините на историската жичница „Глорија“. Петмина од повредените се во критична состојба, соопштија службите за итни интервенции.
Несреќата се случила вчера околу 18 часот по локално време, на ридската траса која ја поврзува централниот плоштад Рестаурадорес со познатиот кварт Баиро Алто. Властите потврдија дека меѓу загинатите има и странски туристи, но нивната националност сè уште не е официјално објавена.
Градоначалникот на Лисабон, Карлос Моедас, по посетата на повредените во болница изјави дека градот минува низ „еден од најтешките моменти во поновата историја“. Претседателот Марсело Ребело де Соуза, пак, упати сочувство до семејствата и најави дека државата ќе ја утврди целосната одговорност за трагедијата.
#ALERTA Se descarriló el Funicular de Lisboa, el Elevador da Glória, que realiza un recorrido por la zona vieja; obligado al viajar a Portugal. Al menos 15 muertos y 18 heridos. Con mas de 100 años de historia, no le daba mantenimiento el municipio. Turistas, muchas víctimas pic.twitter.com/7ou9NYCppb
— Víctor Sánchez Baños (@vsanchezbanos) September 3, 2025
Истрагата за причините е во тек и во неа се вклучени повеќе институции – управувачката компанија „Карис“, Националниот орган за безбедност во сообраќајот и криминалната полиција. Од „Карис“ тврдат дека жичницата редовно била подложувана на инспекции, но очевидци изјавиле дека пред судирот со зграда на стрмната улица најверојатно дошло до дефект на сопирачките.
На снимки споделени на социјалните мрежи се гледа целосно превртено и оштетено возило во препознатливата жолта боја, а сведоци раскажуваат дека неколку патници биле извлечени од урнатините со помош на спасувачките екипи.
Жичницата „Глорија“, која работи веќе 140 години, е еден од симболите на Лисабон и претставува омилена атракција за туристите.
Трагедијата предизвика и меѓународни реакции. Претседателката на Европската комисија, Урсула фон дер Лајен, и шпанскиот премиер Педро Санчез испратија пораки на поддршка и солидарност со португалскиот народ.
-
Кичево7 часа
Во недела на големиот празник рождество на Пресвета Богородица, во кичевско с.Другово ќе се осветува поставениот Крст
-
Хороскоп2 дена
Хороскоп за среда (17 септември)
-
Хороскоп20 часа
Хороскоп за четврток (18 септември)
-
Музика1 ден
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Временска прогноза1 ден
Брз продор на ладен воздух од север, додека само утре услови за слаб локален дожд
-
Скопје9 часа
Малолетници на 12 и 14 годишна возраст од угостителски објект одзеле пари од вработени и побегнале, едниот се заканил со остар предмет
-
Временска прогноза11 часа
Следната седмица вистинска промена на времето
-
Магазин1 ден
Осум iOS 26 промени што мора да ги пробате