Спорт
(ВИДЕО) Моќно: Македонија до 21 година ја победи Шведска во гости, додека во соблекувалната ечеше победничка атмосфера со „Бисер Балкански“

Младата репрезентација на Македонија до 21 година одигра фантастично во Јенчепинг и успеа да издвојува многу битна победа против домаќинот, силната селекција на Шведска во рамките на првото коло од групата Ц, од квалификациите за пласман на Европското првенство во Словачка 2025.
Избраниците на селекторот Драги Канатларовски одиграа тактички совршено, компактно и не и дозволија на репрезентацијата на Шведска премногу простор за игра. Противникот нема решение за одличната поставеност на нашите фудбалери, на крајот Македонија сосема заслужено успеа да слави минимална победа од 1:0.
Единствениот погодок на денешната средба беше Иван Николов, кој успеа да погоди рано уште во 7. минута.
За издвојување е и фантастичното издание на нашиот голман Марко Алчевски, кој на денешната средба имаше неколку извонредни одбрани, со кои успеа да го зачува нашиот гол.
Во вториот меч од квалификациите, во вторник, на 12 септември, Македонија ја пречекува репрезентацијата на Холандија. Натпреварот ќе се одигра на тренинг центарот „Петар Милошевски”, со почеток во 15:30 часот.
Македонија: Марко Алчевски, Стефан Деспотовски, Андреј Стојчевски, Решат Рамадани, Методи Максимов, Иван Николов, Лука Станковски, Хамза Рамани, Бехар Фета, Берат Калкан, Марио Илиевски
Резерви: Луан Абази, Матеј Ангелов, Ване Крстевски, Виктор Крстевски, Иван Николоски, Марио Ричков, Мартин Талаков, Димитар Тодоровски, Алекс Златков
Селектор: Драги Канатларовски
Додека во соблекувалната владееше победничка атмосфера со безвременскиот Македонски хит Бисер Балкански
Спорт
Кичевски ФК Напредок како во старите добри времиња, 4 погодоци против ФК Скендербегу на градски!

ФК Напредок во досегашниот дел од првенството одигра 3 и оствари 3 одлични победи.
Уште една одлична фудбалска претстава на нашите фудбалери предводени од шефот на стручниот штаб Бобан Дујковиќ.
Овој пат надиграна беше екипата на ФК Скендебегу со резултат 4:1 (2:0).
Стрелци на головите беа: О.Исмаили 1:0 во 14′,Н.Калевски 2:0 во 33′,М.Котевски 3:0 во 55′,А.Османи 3:1 во 66′ и за конечни 4:1 А.Божиноски во 83′.
Благодарност до публиката која е присутна во сè поголем број.
Одиме напред
Спорт
Милевски го истакна составот за квалификациските натпреварувања за СП, со Белгија и Казахстан, Ќамили и Митровски повредени, додека во составот се враќа Бабунски

А репрезентацијата на Македонија влегува во завршната етапа од квалификациите за Светското првенство 2026, кое ќе се одржи во САД, Канада и Мексико.
Во октомври националниот тим ќе одигра два решавачки натпревари – прво гостувањето против Белгија во Гент, а потоа и средбата со Казахстан во Скопје, како најава за ноемвриската завршница на квалификацискиот циклус.
Селекторот Благоја Милевски го соопшти списокот на играчи, без поголеми изненадувања. Поради повреди отпаднаа Лирим Ќамили и Димитар Митровски, додека во составот се враќа Давид Бабунски од редовите на Вардар.
Милевски се одлучи да ги повика следните фудбалери:
Голмани: Столе Димитриевски (Валенсија, Шпанија), Дејан Илиев (УТА Арад, Романија), Дамјан Шишковски (Борац Бања Лука, БиХ), Игор Алексовски (Фљамуртари, Албанија)
Одбрана: Висар Муслиу (Сент Тројден, Белгија), Никола Серафимов (Левски Софија, Бугарија), Езѓан Алиоски (Лугано, Швајцарија), Ѓоко Зајков (Ајман, ОАЕ), Андреј Стојчевски (Словачко, Чешка), Дарко Велковски (Зрињски, БиХ), Стефан Деспотовски (ОФК Београд, Србија), Бојан Илиевски (Струга Трим Лум), Стефан Ашковски (Раднички Ниш, Србија)
Среден ред: Енис Барди (Коњаспор, Турција), Јани Атанасов (Лариса, Грција), Елиф Елмас (Наполи, Италија), Исник Алими (Далиан Јингбо, Кина), Лука Станковски (Раднички Крагуевац, Србија), Тихомир Костадинов (Сигма Оломуц, Чешка), Решат Рамадани (Шкендија)
Напад: Бојан Миовски (Глазгов Ренџерс, Шкотска), Милан Ристовски (Бохемианс 1905, Чешка), Дарко Чурлинов (Кочаелиспор, Турција), Александар Трајковски, Давид Бабунски (Вардар), Елмин Растодер (Тун, Швајцарија)
Извор: ФФМ
Спорт
(ФОТО) ФФМ донираше компјутери во ОУ „Аврам Писевски“ од с.Бардовци, малите дела носат големи промени!

Во насока на општествена одговорност и поддршка на одржливите практики, Фудбалската федерација на Македонија (ФФМ) во понеделникот донираше компјутери на основното училиште „Аврам Писевски“ во село Бардовци. Станува збор за техничка опрема која претходно беше во употреба во Федерацијата, а сега добива нова улога во образованието.
Оваа акција е усогласена со принципите на циркуларната економија што ги промовира УЕФА – Reduce, Reuse, Recycle, Recover – при што веќе користената опрема повторно се става во функција, обезбедувајќи им подобри можности за учење и дигитален развој на учениците.
Со вакви чекори се постигнуваат три цели: Заштита на животната средина преку намалување на електронскиот отпад, унапредување на наставниот процес преку подобра техничка поддршка и поттикнување на дигиталната писменост кај младите.
ФФМ е уверена дека малите дела носат големи промени. Заедно можеме да се грижиме за природата и за генерациите што доаѓаат – затоа што вистинската игра е за иднината!
Извор: ФФМ
-
Кичево2 дена
Кичевските бербери на состанок одлучија да ги поскапат нивните услуги
-
Кичево1 ден
Ноќеска „ТППЕ Кичево“ со полни раце работа, спречен поголем пожар во населба „Девеана“
-
Македонија1 ден
Прилеп: Традицијата продолжува, на 11-ти октомври на „Авто слалом“, кичевчанецот Кристијан Бојоски во нов поход кон пиедесталот на награди!
-
Хороскоп2 дена
Хороскоп за среда (8 октомври)
-
Хороскоп15 часа
Хороскоп за четврток (9 октомври)
-
Хроника2 дена
По долга и тешка болест почина познатиот пејач – Халид Бешлиќ
-
Кичево47 минути
В сабота на градскиот плоштад во Кичево – „Хуманитарен Базар“ на здружението на родители на деца со посебни потреби, ќе се продаваат артикли, ракотворби и храна
-
Хроника24 часа
Во Битола на „Партизанска“ удрен пешак со своето куче. На пешакот му се констатирани тешки телесни повреди, додека кучето било усмртено