Спорт
Младата репрезентација во фудбал до 18 години на Македонија вчера се поправи со заслужена победа над Црна Гора

Младата репрезентација на Македонија до 18 години вчера на стадионот Тополица, во Бар го одигра вториот контролен натпревар против соодветната селекција на Црна Гора.
Избраниците на селекторот Вујадин Станојковиќ издвојуваа заслужена победа со 2:1.
Домаќинот прв поведе со 1:0 преку Вујишиќ во 29. минута. Македонија со голот на Ристовски 10 минути подоцна го израмни резултат. Матески со гол во последната минута од натпреварот и донесе победа на Македонија.
Нашите млади фудбалери за разлика од првиот меч одигран помеѓу овие две селекции, одиграа многу поквалитетно и сосема заслужено издвојуваа победа.
Македонија: Спаско Ахтаров, Андреј Велков, Анес Мелиќи, Никола Манојлов, Давид Ристовски, Алији Аљтин, Бојан Ивчески, Никола Стојковси, Милот Синани, Невем Костадинов, Веби Ислами;
Селектор: Вујадин Станојковиќ;
Спорт
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер

Новата сезона во Првата македонска фудбалска лига започнува во петок, на 8 август, и веднаш носи возбудливи натпревари. Првото дерби ќе се одигра во Тетово, каде што Шкендија и Шкупи 1927 ќе се соочат од 17:00 часот. Ова е еден од најочекуваните дуели од првото коло, истакна Фудбалската федерација на Македонија.
Подоцна истиот ден, на Националната арена „Тодор Проески“ во Скопје, ќе се одржи уште еден голем натпревар – Вардар против Пелистер, со почеток од 20:00 часот.
Целосниот распоред на првото коло од сезоната 2025/26 изгледа вака:
Петок, 8 август:
- Шкендија – Шкупи 1927 | 17:00 | Тетово
- Вардар – Пелистер | 20:00 | Скопје
Сабота, 9 август:
- Башкими 1947 – Аресими 1973 | 17:30 | Куманово
- Струга Трим Лум – Македонија ЃП 1932 | 17:30 | Струга
Недела, 10 август:
- Тиквеш 1930 – Работнички | 17:30 | Кавадарци
Понеделник, 11 август:
- Силекс – АП Брера Струмица | 17:30 | Кратово
Фановите со нетрпение ја очекуваат новата сезона и возбудувањата што ги носи уште од првото коло.
Извор: ФФМ
Спорт
Германската Бундеслига воведува камери на судиите и јавни објаснувања за „VAR“

Германската фудбалска лига (DFL) воведува важни новини во начинот на користење на ВАР технологијата за претстојната сезона. Почнувајќи од 22 август, судиите во Бундеслигата ќе ги соопштуваат причините за сите ВАР одлуки јавно пред публиката. Истата практика ќе започне и во Втората лига од 17 октомври.
Дополнително, гледачите на стадионите и преку телевизија ќе добијат пристап до повеќе информации, вклучувајќи и снимки направени со камери поставени на телото на судиите. Оваа технологија, која досега се користеше само на ФИФА натпревари, сега е одобрена од Меѓународниот одбор за фудбалски правила (IFAB) и може да се користи и на домашни лиги ако организаторите го побараат тоа.
Со овие новини, судиите во Бундеслигата ќе ги објаснуваат своите одлуки директно пред публиката по консултација со ВАР и преглед на снимките, овозможувајќи поголема транспарентност и разбирање на судиските интервенции.
Спорт
(ВИДЕО) ФФМ пушти во употреба нов фудбалски терен во населба Илинден

Фудбалската федерација на Македонија (ФФМ) во општина Илинден го пушти во употреба новиот терен со вештачка трева, проект реализиран од програмата Форвард на ФИФА во соработка со Општина Илинден.
– „ФФМ ќе продолжи да инвестира во вакви инфраструктурни проекти ширум државата. Овие инвестиции се за младите, за клубовите и за развојот на македонскиот фудбал,“ истакна претседателот на ФФМ, Масар Омерагиќ.
Официјалното видео од ФФМ може да го прегледате ТУКА
Нека е со среќа!
-
Хроника4 часа
ЖАЛНА ВЕСТ: Душко Чифлиганец ја загуби битката за својот живот откако настрада во фатална сообраќајна незгода на мотоциклистичка трка во Чешка
-
Хороскоп1 ден
Хороскоп за недела (3 август)
-
Кичево1 ден
(ФОТО) Вчера официјално заврши дводневниот музички настан во Кичево, каде домашните музички имиња беа дел од одличните гала вечери!
-
Македонија11 часа
СВР Охрид истакна детали за приведувањето на српскиот пејач
-
Македонија2 дена
Запленета поголема количина брендирана стока без документација, лишено од слобода едно лице
-
Хороскоп60 минути
Хороскоп за недела (4 август)
-
Спорт9 часа
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер
-
Lifestyle14 часа
Како да ослабете без вежбање? Еве 13 начини