Спорт
Мрме: Последниот меч во репрезентативниот дрес на Гранде Пандев е дополнителен мотив

Игор Ангеловски, селекторот на македонскиот национален тим, на официјалната прес-конференција во Амстердам му се заблагодари на Горан Пандев, и нагласи дека неговиот последен меч треба да биде мотив плус за добар резултат на националниот тим.
Селекторот истакна дека после ЕУРО ќе разговара со челницте на ФФМ за евентуално нов договор.
„Мојот договор завршува до крајот на месецов. Сакам да искажам едно огромно благодарам до Горан Пандев и сите момци што овозможија настап на големо натпреварување. Запишавме историја за македонскиот фудбал и го постигнавме најголемиот успех, и горд сум на тоа. За иднината ќе разговараме после Евроското првенство“, кажа Ангеловски.
Ангеловски рече дека не се согласува со пишувањата дека имало импровизации со составот, и дека можеби нешто ќе менува, но сигурно е дека Горан Пандев ќе игра утре во Амстердам, и дека фудбалерите за негово збогум ќе дадат се од себе за добар резултат.
„Не можам да се согласам дека сме имале импровизации со составот. Со Ристовски како стопер или Николов на десната страна ја победивме Германија, одигравме нерешено со Италија, реми со Словенија, и уште многу позитивни резултат. Со Холандија можеби ќе менуваме нешто. Со најавата за повлекување на Горан од репрезенатцијата, имаме мотив плус за позитивен резултат. Горан чувствуваше повреда на мечот со Украина, но го одигра со две инјекции, не тренираше, но утре ќе игра. И верувам дека сите ќе играат за него“, вели Ангеловски.
Спорт
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер

Новата сезона во Првата македонска фудбалска лига започнува во петок, на 8 август, и веднаш носи возбудливи натпревари. Првото дерби ќе се одигра во Тетово, каде што Шкендија и Шкупи 1927 ќе се соочат од 17:00 часот. Ова е еден од најочекуваните дуели од првото коло, истакна Фудбалската федерација на Македонија.
Подоцна истиот ден, на Националната арена „Тодор Проески“ во Скопје, ќе се одржи уште еден голем натпревар – Вардар против Пелистер, со почеток од 20:00 часот.
Целосниот распоред на првото коло од сезоната 2025/26 изгледа вака:
Петок, 8 август:
- Шкендија – Шкупи 1927 | 17:00 | Тетово
- Вардар – Пелистер | 20:00 | Скопје
Сабота, 9 август:
- Башкими 1947 – Аресими 1973 | 17:30 | Куманово
- Струга Трим Лум – Македонија ЃП 1932 | 17:30 | Струга
Недела, 10 август:
- Тиквеш 1930 – Работнички | 17:30 | Кавадарци
Понеделник, 11 август:
- Силекс – АП Брера Струмица | 17:30 | Кратово
Фановите со нетрпение ја очекуваат новата сезона и возбудувањата што ги носи уште од првото коло.
Извор: ФФМ
Спорт
Германската Бундеслига воведува камери на судиите и јавни објаснувања за „VAR“

Германската фудбалска лига (DFL) воведува важни новини во начинот на користење на ВАР технологијата за претстојната сезона. Почнувајќи од 22 август, судиите во Бундеслигата ќе ги соопштуваат причините за сите ВАР одлуки јавно пред публиката. Истата практика ќе започне и во Втората лига од 17 октомври.
Дополнително, гледачите на стадионите и преку телевизија ќе добијат пристап до повеќе информации, вклучувајќи и снимки направени со камери поставени на телото на судиите. Оваа технологија, која досега се користеше само на ФИФА натпревари, сега е одобрена од Меѓународниот одбор за фудбалски правила (IFAB) и може да се користи и на домашни лиги ако организаторите го побараат тоа.
Со овие новини, судиите во Бундеслигата ќе ги објаснуваат своите одлуки директно пред публиката по консултација со ВАР и преглед на снимките, овозможувајќи поголема транспарентност и разбирање на судиските интервенции.
Спорт
(ВИДЕО) ФФМ пушти во употреба нов фудбалски терен во населба Илинден

Фудбалската федерација на Македонија (ФФМ) во општина Илинден го пушти во употреба новиот терен со вештачка трева, проект реализиран од програмата Форвард на ФИФА во соработка со Општина Илинден.
– „ФФМ ќе продолжи да инвестира во вакви инфраструктурни проекти ширум државата. Овие инвестиции се за младите, за клубовите и за развојот на македонскиот фудбал,“ истакна претседателот на ФФМ, Масар Омерагиќ.
Официјалното видео од ФФМ може да го прегледате ТУКА
Нека е со среќа!
-
Хроника8 часа
ЖАЛНА ВЕСТ: Душко Чифлиганец ја загуби битката за својот живот откако настрада во фатална сообраќајна незгода на мотоциклистичка трка во Чешка
-
Хороскоп1 ден
Хороскоп за недела (3 август)
-
Кичево1 ден
(ФОТО) Вчера официјално заврши дводневниот музички настан во Кичево, каде домашните музички имиња беа дел од одличните гала вечери!
-
Македонија16 часа
СВР Охрид истакна детали за приведувањето на српскиот пејач
-
Македонија2 дена
Запленета поголема количина брендирана стока без документација, лишено од слобода едно лице
-
Хороскоп5 часа
Хороскоп за недела (4 август)
-
Спорт14 часа
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер
-
Lifestyle18 часа
Како да ослабете без вежбање? Еве 13 начини