Следете не

Автомобили

Му здодеал екранот на допир – инсталирал дугмиња на Tesla (ВИДЕО)

Објавено пред

на

Многу возачи би ја поздравиле ваквата модификација.

Иако на прв поглед изгледа како технолошки чекор наназад, идејата на овој Кинез има смисла од аспект на ергономијата, како и безбедноста при возење. Имено, се повеќе се слушаат гласовите на возачите, експертите, но и шефовите на автомобилските компании, кои предупредуваат на проблемот со прекумерната дигитализација во возилата и поставување на сите контроли на екраните чувствителни на допир.

На овој начин станува се покомплицирано, но и поризично да се прилагодат, на пример, контролите за „клима“ и вентилација додека возите.

Пристапот на Tesla кога станува збор за внатрешноста на возилото е да се приклони кон минимализмот што е можно повеќе, намалувајќи го бројот на копчиња и контроли на минимум и усвојувајќи поедноставен изглед на внатрешноста на автомобилот.

Иако многу клиенти го ценат ова, има и такви кои го изразуваат своето незадоволство секој пат кога Tesla ќе отстрани традиционален елемент од кабината, како што е замена на стебленцата на трепкачите со копчиња на воланот на редизајнираниот Model 3.

Луѓето се претежно поделени околу тоа – тие или го сакаат или мразат пристапот, а оние од втората категорија можат слободно да изберат одредени електрични возила кои имаат потрадиционален ентериер. Но, што правите ако навистина ви се допаѓа вашата Tesla, но не сакате да го користите централниот екран на допир за пристап до речиси секоја функција на возилото?

Еден кинески сопственик кој сака физички контроли ги презеде работите во свои раце и ја модифицираше внатрешноста на неговиот Model X за да се смести панел од копчиња кои обезбедуваат побрз пристап до некои од основните функции на возилото.

Во видео споделено на социјалната мрежа X од @ray4tesla, можеме да видиме дека панелот поставен веднаш под екранот на допир изгледа нешто слично на она што Mercedes-Benz го користеше кај седаните од претходната генерација.

Има вкупно 12 команди и сите изгледаат функционални. Некои од нив служат како кратенки до одредени сегменти од менито на возилото, додека други копчиња претставуваат директни команди, како што се оние за отворање на задната врата, прилагодување на предните седишта или преклопување на страничните ретровизори.

Автомобили

Генијален трик за заштеда на гориво: Сè зависи од едно копче во автомобилот

Објавено пред

на

Во деновите кога температурите достигнуваат и над 40 степени, клима уредите во автомобилите работат со полна моќност. Ова, за жал, значи и значително зголемување на потрошувачката на гориво, што се одразува на вашиот буџет.
Но, постои едноставен и генијален трик кој може да ви помогне да заштедите гориво додека уживате во пријатно разладена кабина.

Клучот е во рециркулацијата на воздухот – еве како функционира
Клима уредот во автомобилот може да лади на два начина: внесувајќи воздух однадвор или рециркулирајќи го воздухот кој веќе е во кабината. Кога климата зема топол воздух однадвор, троши повеќе енергија за да го излади. Од друга страна, со рециркулација, системот го користи веќе изладениот воздух, што значи дека се потребни многу помалку ресурси за одржување на пријатна температура.

Рециркулацијата заштедува гориво до 15%
Со притискање на копчето за рециркулација на воздухот, климата работи поефикасно, бидејќи воздухот во кабината е веќе постуден. Ова може да ја намали потрошувачката на гориво за 10 до 15 проценти, што значи реална заштеда на месечно ниво.

Совет од експертите е оваа функција да ја активирате веднаш штом ќе влезете во автомобилот, особено во најжешките делови од денот. На подолги патувања повремено вклучете свеж воздух однадвор за подобра циркулација, но најголем дел од времето оставете ја рециркулацијата вклучена.

Извор: Telegraf

Прочитај повеќе...

Автомобили

Најдобрите и најлошите автомобили за 2025 според корисниците

Објавено пред

на

Фото: John Matychuk @ unsplash

Работата на моторот, квалитетот на системот, дизајнот на ентериерот и карактеристиките на возилото се само дел од аспектите кои ги оценија сопствениците на новите сериски автомобили од 2025 година. Истражувањето за почетниот квалитет на возилата откри кои модели се најдобри, а кои најчесто разочараа.

Модерните автомобили – повеќе од превоз
Денес автомобилите не се купуваат само поради моторот, перформансите или цената. Тие се симбол на статус, исполнување на соништата и награда за успехот. Но и покрај тоа што од новите автомобили се очекува беспрекорно функционирање, истражувањето на JD Power покажа дека дефекти се појавуваат уште во првите месеци од користење.

Автомобилите со највисок квалитет
• На врвот е Lexus – 166 дефекти на 100 возила.
• Следи Nissan – 169 дефекти.
• Во топ 5 се и Hyundai (173 дефекти), Jaguar (175 дефекти) и Chevrolet (178 дефекти).

Интересно, германските марки, кои важат за најсигурни, не се најдоа на врвот.

Просекот и годинава подобрен
Во истражувањето учествувале 92.694 испитаници од САД и Европа. Просекот за возилата од 2025 година е 192 дефекти на 100 автомобили, што е подобрување во однос на лани (194 дефекти). Блиску до просекот се Porsche (188 дефекти) и Ford (193 дефекти).

Германските автомобили под очекувањата
BMW – 196 дефекти (најдобар меѓу „германците“).
Mercedes – 210 дефекти.
Audi – на дното со 269 дефекти на 100 возила.

Овие резултати изненадија многумина кои германските автомобили ги сметаат за синоним за квалитет.

Прочитај повеќе...

Автомобили

Дали би направиле место за резервно тркало?

Објавено пред

на

Фото: Nazim Zafri @ unsplash

Сè почесто се поставува прашањето: зошто новите автомобили речиси и да немаат резервно тркало и дали треба да се вратиме на старата добра навика да го носиме во багажникот?

Производителите на автомобили се одлучуваат да го отстранат резервното тркало за да заштедат простор и трошоци. Ова, секако, често разочарува кога ќе се најдете со дупната гума, а комплетот за поправка не помага.

Дупната гума – стара мака во ново време
Нема ништо полошо од тоа да дупнете гума токму кога брзате. Без разлика дали сте пред куќа или на автопат среде ноќ, проблемот е ист. Иако живееме во 2025 година, ваквите ситуации не исчезнаа.

Еден сопственик на Tesla го сподели своето искуство на Reddit, откако неколкупати за кратко време му дупнаа гумите. Откако сфати дека комплетот за поправка е практично за еднократна употреба, реши да носи вистинско резервно тркало во багажникот. Иако му одзема простор, мирот и сигурноста му се поважни.

Зошто резервните тркала исчезнаа?
Сè повеќе производители се решаваат да понудат само комплети за поправка – шише со заптивна смеса и мал компресор. Тие заштедуваат тежина и простор, но се ефикасни само во ограничени ситуации.

• Ако дупката е преголема, смесата не помага.
• Ако оштетувањето е на страничниот ѕид на гумата, решенија нема.
• Ако гумата се одвои од бандажот – заборавете.

Без резервно тркало, многумина мораат да чекаат влечна служба, наместо за неколку минути повторно да бидат на пат.

Дали вреди да се жртвува просторот?
Од друга страна, возењето без резервно тркало носи предности:
• помалку тежина
• повеќе простор
• побрзо решение, ако заптивната смеса заврши работа

Па што велите вие? Би оставиле дел од багажникот за резервно тркало или се чувствувате безбедно со комплет за поправка и услуга за влечење?

Споделете го вашето мислење – дали некогаш немањето резервна гума ви донело нервози или непланирани трошоци?

Извор: B92

Прочитај повеќе...

Facebook

Последни објави

Хороскоп9 часа

Хороскоп за вторник (8 јули)

ОВЕН Можеби се занимавате со некој вид на докажување на работното место како пред себе така и пред другите. Можни...

Скопје10 часа

Лишен од слобода скопјанец, подметнал пожар во Ѓорче Петров

Вечерва (07.07.2025) полициски службеници од СВР Скопје на територија на Ѓорче Петров го лишија од слобода Д. Н. (57) од...

Спорт11 часа

(ВИДЕО) Екипата на „Рибник-Добреноец“ го освои првото место на традиционалниот турнир во мал фудбал по повод „Иванден“ с.Староец

Денес беше завршниот ден на големиот турнир во с.Староец Кичево по повод Иванден. По одиграните натпревари кои завшрија со следните...

Македонија13 часа

ТППЕ Кичево сеуште дејствуваат во Самоков, до моментов 8 активни пожари ширум Македонија

Екипа на ТППЕ Кичево на барање на Општина Македонски Брод со сите расположливи средства сеуште се борат со огнената стихија...

Спорт14 часа

Класата е вечна! Ѓоковиќ го победи Де Минаур и обезбеди четвртфинале со италијанскиот „ас“ Коболи!

Српскиот тенисер Новак Ѓоковиќ избори пласман во четвртфиналето на Вимблдон, откако во осминафиналето го победи Австралиецот Алекс де Минаур со...

Македонија15 часа

Поради пожар целосно е прекинат сообраќајот кон Стенковец-ГП Блаце, во двата правци, а затворен е и граничниот премин Блаце.

Министерството за внатрешни работи ја известува јавноста дека поради ширењето на пожарот во близина на Блаце, целосно е прекинат сообраќајот...

Македонија16 часа

Земјотрес почувствуван денеска, епицентарот бил во подрачјето на Валандово

Телеметриската сеизмолошка мрежа на Македонија, преку сеизмолошките станици инсталирани ширум нашата територија и одржувани од Сеизмолошката опсерваторија при Природно-математичкиот факултет...

Македонија19 часа

РЦ Запад и Капетанија викендов спроведоа засилени акциски мерки согласно законот за внатрешна пловидба

Викендов (05/06/07), полициски службеници од Полициската станица за граничен надзор „Охридско езеро“ при регионалниот центар „Запад“, како и инспектори од...

Македонија20 часа

Цената на бензините се намалува, додека на дизелот се покачува

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/лит, во однос на малопродажните цени утврдени...

Кичево20 часа

Нова самопослужна автоперална „Fi-Go“ во Кичево: Брзо, практично и достапно решение за чисто возило

Љубителите на чисти и уредни автомобили во Кичево отсега имаат нова, модерна опција за миење и одржување на своето возило....

НАЈЧИТАНИ