Кичево
На Китино Кале во Кичево ќе се разговара за културата и уметноста
На Китино Кале во Кичево на 28.10.2023 со почеток од 12:00 часот ќе започне панел дискусијата и DJ перформансот: „Култура и уметност: Елементите во животот“ во организација на Montparnasse, здружението за уметност, култура и креативни индустрии.
Montparnasse веќе неколку години функционираше како неформална група од Кичево, создавајќи проекти на повеќе локации низ Македонија во кои беа вклучени млади артисти, меѓу кои: Mario Mazzola во село Ехлоец (март 2023), Ivana Ultimusa, Spectromanski и Milan на Охридско Езеро (октомври 2022), Дарко Јованоски, Aco Sound и Spectromanski на планината Илиница, а покрај нив и Андреј Илиевски, Стефан Жупан, Bojan Punisher и Martin Looper имаат издадено свои DJ сетови на youtube каналот на Montparnasse.
Панел дискусијата и DJ перформансот ќе биде првиот организиран настан на Montparnasse откако неодамна стана здружение кое ќе допринесе во развивањето на свеста за создавање и поддржување на културата и уметноста – елементите во животот што според екипата на Montaparnasse ги прави луѓето поживи, поведри, ги тера да создаваат и допринесуваат, да имаат колективна одговорност, да дискутираат за фини нешта и да бидат креативни.
На панел дискусијата на овие теми ќе разговараат модераторот Дарко Јованоски – историчар на уметноста и панелистите: Марија Пејоска – графички дизајнер, дигитален маркетер и професор по англиски и германски јазик, Дарко Белевски – Раководител на одделение за локален економски развој, Општина Кичево и Златко Ѓелески – Писател, филмски критичар, режизер и радиоводител.
По разговорот, Александар Станкоски (Aco Sound) и Даниел Блажевски (Spectromanski) ќе бидат артистите кои ќе ги разиграат присутните во едно од најубавите места во Кичево – Китино Кале.

Настанот на 28.10 е бесплатен за присутните. Бидете таму. Ќе има фин разговор за работи кои се важни за сите нас.
Повеќе за настанот на: Facebook
Кичево
(ВИДЕО) На голема радост на дечињата, ООУ „Кузман Јосифоски-Питу“ – Кичево блесна во украсна новогодишна бајка
Во рамки на денешниот ден заврши и предновогодишното украсување на училиштето. Благодарение на наставниот колегиум и директорот, ова училишно катче навистина изгледа преубаво, на голема радост на дечињата.
– Кога се работи за нашите ученици, ама баш не претставува никаква тешкотија да се украсат училниците, главниот ходник и училишниот двор. Заедно со наставниот кадар кој морам да ги пофалам за нивната креативност успеавме да направиме едно вистинско новогодишно катче во пресрет на новата 2026-та година и божиќните празници. Ја користам оваа прилика да им се заблагодарам на сите кои придонесоа секако и на родителите кои се тука и постојано ни ја даваат максималната поддршка, на кратко истакна директорот на ООУ „Кузман Јосифоски-Питу“, г-дин Бошко Лазаровски
Во прилог ви го презентираме нивниот краток видео запис и некоја фотографија која ни испратија:
Кичево
Вчера вечер во кичевски угостителски објект бил нарушен јавниот ред и мир со физичка пресметка на четворица жители на град Кичево
На 11.12.2025 во 23:00 часот во ОВР Кичево е пријавено дека во угостителски објект, на ул. „Маршал Тито“ во Кичево бил нарушен јавниот ред и мир со физичка пресметка помеѓу Е.А. (34), С.А. (25), од една страна и Х.Џ. (22) и О.М. (42), од друга страна.
По целосно документирање на настанот, ќе биде поднесен соодветен поднесок, за јавноста соопшти портпаролот на СВР Охрид, Стефан Димоски
Кичево
Финишираат подготовките за овогодинешниот Хуманитарен „Божиќен Базар“ во Кичево, период на многу забава, радост и среќа
Месец јануари ќе започне долгоочекуваниот „Божиќен Базар“ 2026, кој функционира долго време поради неговиот карактер и хуманитарна мисија. Предмалку побаравме информација од организаторите на оваа величевствена манифестација која ќе трае од 2-ри јануари до 11-ти јануари, со исклучок на најголемите христијански празници Бадник и Божиќ.
Од она што сигурно се знае, оваа година распоредот ќе биде доста по комплетен за разлика од претходно, имено метежот до вашите сакани намирници нема да го има.
Влезот на просторот каде ќе се одржува Базарот ќе ве пречека гламурозна импровизирана и украсена Порта која ќе даде посебна магија на новогодишните и божиќните празници.
Покрај тоа, исто така и оваа година градскиот плоштад ќе ја краси најубавата 🎄 елка и најубавиот Божиќен украс „Витлеемската Пештера“ украси кои одамна ги красат овие најубави денови во нашиот град, а ќе имаме одлична програма и многу забава.
Благодарение на група граѓани кои несебично помагаат и допринесуваат и оваа година ќе блесне најдобриот спектакл во нашиот град, овој пат збогатен со многу изненадувања и богата трпеза, истакнаа организаторите преку нашиот медиум.
Повеќе информации околу базарот имавме објавено пред околу еден месец ТУКА
-
Кичево24 часаВчера вечер во кичевски угостителски објект бил нарушен јавниот ред и мир со физичка пресметка на четворица жители на град Кичево
-
Кичево1 денФинишираат подготовките за овогодинешниот Хуманитарен „Божиќен Базар“ во Кичево, период на многу забава, радост и среќа
-
Хороскоп15 часаХороскоп за сабота (13 декември)
-
Хороскоп2 денаХороскоп за петок (12 декември)
-
Кичево17 часа(ВИДЕО) На голема радост на дечињата, ООУ „Кузман Јосифоски-Питу“ – Кичево блесна во украсна новогодишна бајка
-
Кичево2 денаВо ОВР Кичево вчера било пријавено непознато лице, кое направило обид на сила да влезе во семејна куќа на постара жена
-
Спорт2 денаФФМ: Центарот за едукација објавува конкурс за лица кои ќе се стекнат со тренерски лиценци
-
Временска прогноза1 денЛадно на утро со температури под нулата



