Спорт
На повидок занимлива трка на Ф1 денес, Верстапен ќе стартува од 15-то место, Перез на водечката позиција..

Актуелниот шампион и лидер во пласманот во Формула 1, Макс Верстапен имаше кошмарни квалификации во пресрет на Големата награда на Саудиска Арабија, бидејќи ќе стартува само од 15-та позиција. Холанѓанецот доминираше на тренинзите во Џеда, но поради дефект на автомобилот мораше да се паркира во гаражата веќе во вториот дел од квалификациите и потоа да го гледа својот колега Серхио Перез од Ред Бул како заслужено доаѓа до „пол“ позицијата пред утрешната трка (18 часа).
Шарл Леклер го имаше второто најдобро време во квалификациите, но и возачот на Ред Бул има многу за што да се грижи. Откако не ја заврши трката во Бахреин, поради замена на една од компонентите на погонската единица, тој мора да се врати десет места назад, што значи дека покрај Перез ќе стартува и неверојатниот Фернандо Алонсо од Астон Мартин.
Следуваат Џорџ Расел (Мерцедес), Карлос Саинц (Ферари), Ленс Строл (Астон Мартин), Естебан Окон (Алпина), Луис Хамилтон (Мерцедес), Оскар Пјастре (Мекларен) и Пјер Гасли (Алпина). Најголемото изненадување секако е младиот Пјастре кој го надмина Ландо Норис, првиот возач на тимот кој ги заврши квалификациите веќе во првиот круг бидејќи повторно имаше проблеми со болидот, како што беше случајот во првиот викенд.
Погледнете ги најдобрите времиња на квалификациите за Големата награда на Саудиска Арабија со потсетување дека десетте возачи зад Шарл Леклер се искачуваат по една позиција.
Who expected this order in qualifying? 🙃#SaudiArabianGP #F1 pic.twitter.com/giPmt1pMkn
— Formula 1 (@F1) March 18, 2023
Спорт
ФК „Вардар Неготино“ утре на градски во Кичево спрема навивачка инвазија

Утре од 17:00 часот се играат бараж натпреварите во третата Македонска фудбалска лига за влез во Втората лига, додека распоредот на мечеви е следен:
ЗФК Новаци 2005 – ГФК Вардар Неготино (Градски стадион Кичево);
ГФК Осогово Кочани – ФК Тетекс 1953 (стадион „Борис Трајковски”, Скопје);
ФК Башкими 1947 – ФК Влазерими 1977 (Градски стадион Тетово);
Од она што најмногу нè фасцинира е тоа што според извори од верните навивачи до кои дојдовме се спрема вистинска навивачка инвазија на мечот Вардар Неготино – Новаци, онаква каква што Кичево одамна ја поседуваше со својот матичен клуб ФК Напредок.
– За нас овој меч е нешто свето, иако одамна заслужувавме да сме дел од втората Македонска лига, несреќно на удари од белата точка не успеавме, но што е тоа е, еве доаѓаме на нов предизвик, со голем ентузијазам и желба за победа – за нашиот портал вели Арсовски, еден од постојаните фоторепортери и навивач на групата „Винари Неготино“.
Спорт
Фудбалската федерација на Македонија го одржа редовното генерално собрание пред претставници на ФИФА и УЕФА

Фудбалската федерација на Македонија го одржа Редовното Генерално Собрание. На Редовното Генерално Собрание во Скопје, присутните делегати го усвоија извештајот на претседателот и Управниот одбор на ФФМ за 2022. година.
Највисокото тело на федерацијата ја усвои завршната сметка за минатата година и буџетот на федерацијата за идната година, а беше усвоен извештајот на независниот ревизор. Делегатите на Собранието едногласно ги усвои извештајот од Администрацијата на ФФМ за исполнување на стратегискиот план 2021-2025, а беше усвоена и Стратегијата за социјална одржливост.
Работниот дел од денешното Редовно Собрание на ФФМ го следеа претставници на УЕФА и ФИФА. Денис Бастари, претставник на одделот за Национални асоцијации ја претставуваше УЕФА, додека Елкан Мамадов и Лоренцо Каваљари беа претставници на ФИФА.
Муамед Сејдини – претседател на ФФМ:
„Во изминатите години успеавме да реализираме голем број на проекти и би сакал да се заблагодарам на сите во фудбалското семејство кои дадоа свој придонес. Овој тим е синоним за успех и надеж.
За федерацијата и понатаму стратешки важно е вложувањето во инфраструктурата. До сега вложувавме во терени насекаде низ Македонија, но она што е важно да се нагласи е дека во наредниот период ќе работиме на подобрување на условите и на нашиот тренинг центарот „Петар Милошевски“.
Со Управниот одбор ќе ја донесеме најдобрата одлука и мислам дека во наредниот период ќе можеме и поконкретно да зборуваме за тоа. Поентата не е само да се фотографираме, туку да ги покажеме конкретните чекори кои ги преземаме. Преку стратешки и проектен пристап, се подобрува фудбалската инфраструктура насекаде низ државата, градиме и уредуваме нови и постоечки стадиони, трибини и услови за тренинг.
Наша обврска е да создадеме максимални услови за нашите фудбалери и стручниот штаб на сите репрезентативни селекции. Да се чувствуваат комотно во нивната работа и да бидат секогаш најдобри на теренот како што и го покажуваат тоа и постојано го докажуваат.
Наша визија е пласман на големите натпреварувања да биде нормална работа и да станеме редовен учесник на истите. Успехот поставува нови стандарди на работа и професионалност, а тоа е и главна мотивација за новите генерации што доаѓааат.
На стара слава не се живее, имаме план и програма и одиме чекор по чекор. Нашата програма за работа е квалитетно осмислена и ја следи федерацијата во однос на целите и тоа што треба и што може да се направи. Во однос на тоа имаме голема поддршка и помош од УЕФА и ФИФА за што сме бескрајно благодарни.
Не бегаме од предизвиците кои се пред нас, напротив, подготвени сме и се радуваме на новите искушенија“.
Елкан Мамадов – претставник на ФИФА:
„Сакам да ве поздравам во име на нашиот претседател Џани Инфантино и генералната секретарка Фатма Самура. Ова е шанса да ја посочам одличната соработка на ФФМ со ФИФА, рефлектирана во насока на развојот на фудбалот и заедничката работа ќе продолжи да носи бенефит за вашата убава земја. ФФМ успешно спроведува програми што ги нуди ФИФА, а посебно ФИФА Форвард – програмата и драго ми е што средствата се користат ефикасно, а најмногу за клучната компонента – инфраструктурата. ФИФА почна трет циклус со ФИФА Форвард и со нетрпение ја чекаме соработката, а немаме сомнеж дека средствата ќе се искористат ефикасно и паметно, сѐ со цел за развој на фудбалот. Честитки за посветеноста и напорната работа, а ФИФА ќе продолжи да ве поддржува“.
Денис Бастари – претсатавник на УЕФА
„Европскиот фудбал се соочи со многу големи предизвици и во изминатата година, но покажавме солидарност и поддршка едни за други. Сплотеноста и солидарноста е клучот за надминување на сите потешкотии. Треба да продолжиме да го развиваме фудбалот, а со зголемениот обем на хет-трик програмата на УЕФА ние ќе продолжиме да го поддржуваме фудбалот и да инвестираме насекаде низ Европа. Фондот за хет-трик го зголемивме за 21 осто и сакам да посочам дека ќе продолжиме со успешните проекти, а многу сме среќни затоа што со ФФМ ќе продолжиме по истите патеки и во иднина. Фудбалот да го одржиме на ова атрактивно ниво. Вие ја имате нашата поддршка на тој пат“.
Спорт
Македонија до 18 поразена од Србија во Стара Пазова

Младата репрезентација на Македонија до 18 години го одигра предвидениот контролен натпревар против соодветната селекција на Србија.
На натпреварот кој беше одигран во Стара Пазова, избраниците на селекторот Тони Јакимовски беа поразени со 3:0.
Селекцијата на Србија сите голови ги постигна во првиот дел.
Бубањ во 27. минута го отвори резултатот на мечот. Во 32. минута Милошевиќ погодува за предност од 2:0. Во 39. минута, Бубањ го постигнува својот втор гол и ги поставува конечните 3:0.
Македонија: Петар Јакимов, Ѓорѓи Џеков, Абиола Бамијоко, Марко Стојилевски, Даниел Марковски, Лорик Каба Јакупи, Теодор Николовски, Зани Назифи, Мартин Ѓорѓиевски, Валон Алији, Хакија Цаноски;
Селектор: Тони Јакимовски;
-
Хороскоп1 ден
Хороскоп за сабота (27 мај)
-
Кичево1 ден
Во Кичево стартува „Мобилна амбуланта“ со гинеколози кои ќе вршат бесплатни гинеколошки прегледи кај жените, ова се сите информации..
-
Временска прогноза2 дена
Какво време нè очекува денес и периодот пред нас?
-
Временска прогноза8 часа
Временска прогноза за следните 10 дена, за стабилно време ќе почекаме..
-
Хороскоп3 часа
Хороскоп за недела (28 мај)
-
Lifestyle2 дена
Која крвна група најмногу ја сакаат комарците?
-
Магазин2 дена
Телефонот што многумина го чекаат би можел да пристигне порано – еве зошто
-
Спорт8 часа
ФК „Вардар Неготино“ утре на градски во Кичево спрема навивачка инвазија