Временска прогноза Кичево Случувања

УХМР во моментов известуваат за нестабилност на времето

Од УХМР известуваат дека на североистокот од земјава се развиваат неколку облачни нестабилни јадра кои во поголем дел се стационарни и во Крива Паланка, Кратово и Пробиштип условуваат пороен дожд, грмежи и засилен ветер. На Плачковица и Огражден во моментов има пороен дожд и грмежи.

Друга нестабилна облачност има над шарскиот регион така што наскоро пороен дожд и грмежи ќе има во тетовското подрачје.

Во Кичевско и Прилепско се развиваат нестабилни јадра кои во овие подрачја наскоро ќе дадат пороен дожд и грмежи. Според радарската слика овие јадра се релативно стационарни.