Спорт
Нашата женска фудбалска репрезентација до 19 години на UEFA квалификациски турнир во Словенија

Женската репрезентација на Македонија до 19 години во Словенија ќе учествува на Уефа квалификациски турнир во периодот од 6 до 12 април.
Македонија се наоѓа во групата 2 од Б лигата, заедно со селекциите на Словенија, Лихтенштајн и Молдавија.
Првиот меч го играме против Лихтенштајн на 6. април со почеток од 17.30 часот, три дена подоцна ќе се сретнеме со Молдавија во 17.30 часот. Последната средба ја играме против домаќинот Словенија на 12. април, со почеток од 16.30 часот.
Сите три натпревари од квалификацискиот турнир ќе бидат одиграни на стадионот Портовал, во Ново Место.
Селeкторот на младата женска репрезентација на Македонија, Астрит Мерко за претстојниот квалификациски турнир, се одлучи да ги повика следните фудбалерки:
Голмани: Берна Кабакчи (Бергх, Холандија), Јана Луба Зврлевска (Скопје 2014);
Одбрана: Александра Јовановска (Борец), Ефимија Цунева (Тиверија), Едина Сулејмани (Асс Јунајтед), Ана Милчевска (Истатов 2015), Викторија Недева (Тиверија), Миа Головска (Скопје 2014), Сара Ефтинџиоска (Деспина), Дајана Ристовска (Каменица Саса);
Среден ред: Ера Стеблева (Асс Јунајтед), Радица Велкова (Тиверија), Ангела Зафироска (Деспина), Кристина Мојсоска (Асс Јунајтед);
Напад: Јехона Велиу (Грасхопер Клуб Цирих, Швајцарија), Теа Божиновска (Скопје 2014), Оливера Цоклеска (Асс Јунајтед), Бојана Петкова (СЦ Истатов 2015), Еда Далипи (Асс Јунајтед), Ивана Кузмановски (Лондон Сити, Англија), Лора Сулејмани (ПСЖ Парис, Франција)
Спорт
Просинечки најверојатно ќе биде сменет од селектор на Црна Гора, своето деби го започна со победи над Македонија и Белорусија

Роберт Просинечки повеќе нема да ја извршува функцијата селектор на фудбалската репрезентација на Црна Гора. На седницата на Извршниот одбор што ќе се одржи во петок, се очекува претседателот Дејан Савиќевиќ и раководството на Фудбалскиот сојуз официјално да ја потврдат одлуката за негова смена.
До завршување на квалификацискиот циклус, улогата на главен тренер ќе ја преземе Мирко Вучиниќ – првиот капитен во историјата на националниот тим, кој веќе подолг период е дел од стручниот штаб.
Просинечки беше седмиот селектор на Црна Гора по обновувањето на независноста, наследувајќи имиња како Зоран Филиповиќ, Златко Крањчар, Бранко Брновиќ, Љубиша Тумбаковиќ, Фарук Хаџибегиќ и Миодраг Радуловиќ.
Своето деби го имаше во март 2024 година со две победи во пријателски средби против Белорусија и Македонија во Анталија. Но, потоа следеше серија од седум порази – два во пријателски натпревари и пет во официјални – и само победата против Турција во Лигата на нации му го продолжи мандатот.
Во март оваа година Црна Гора запиша две тешки победи дома во квалификациите за Светското првенство, против Гибралтар и Фарските Острови. Сепак, новите порази – два од Чешка и еден од Хрватска – го запечатија неговото заминување.
Во вкупно 16 натпревари на клупата на Црна Гора, Просинечки оствари биланс од пет победи, едно реми и десет порази, пренесува српски „Журнал“
Спорт
(ФОТО) Кичевски „ФК Напредок“ ги наполни трибините со љубители на фудбалот, а играчите им возвратија со победа за почеток на сезоната

Недела, некогаш претпознатлив ден за фудбал на градскиот стадион во Кичево. Но денес за момент се чинеше дека токму го живееме тоа време, а зошто и да не го вратиме сјајот на тоа време?! Денес кичевчани покажаа дека љубовта кон фудбалот полека се враќа, а нашите момчиња тоа го крунисаа со одлично прикажана игра и победа од 3:1 против „ФК Вардар Брвеница“.
Речиси 80% полн капацитет на едната трибина и дел на другата со љубители на фудбалот уживаа во еден прекрасен ден со идеални услови за игра.
Серијата голови ја отвори Котески од 22м со еден маестрален шут уште во 33-та минута, веднаш потоа од далечина Калевски го искористи невниманието на гостинскиот голман и зголеми на 2:0. Третиот гол беше дело на Даутоски во 49-тата минута. За конечните 3:1 Спироски намали во финишот на мечот.
Натпреварот го водеа искусната тројка Марјан Стојаноски, Осман Зеќири и Никола Ѓорѓиевски.
– Можам да бидам задоволен од денешната игра на нашите момци. Активните тренинзи покажуваат резултати како на физичката подготвеност така и останатите битни работи кај фудбалерите. Ова е одличен резултат за почеток на првенството. Ја користам оваа прилика да им се заблагодарам на кичевчани кои дојдоа навистина во голем број и не бодреа до самиот финиш на мечот. Ве уверувам дека ќе ги искористиме сите можности за нашиот сон да се исполни – „Влез во елитната лига“ – за Порта.мк истакна Бобан Дујковиќ, тренер на „ФК Напредок“
Спорт
„ФК Напредок“ денес на домашен терен го игра првиот натпревар од новата сезона, ве повикуваме сите на градски како во старите добри времиња

Стартот во новата сезона во рамките на Трета лига Запад „Фудбалскиот Клуб НАПРЕДОК“ ќе ја започне на домашен терен,а за противник во првото коло ќе гостува екипата на „ФК Вардар Брвеница“.
Натпреварот ќе се одигра денес на Градскиот стадион во Кичево 14.09.2025 г.(недела) со почеток во 16:30 часот.
На сосема новиот и уреден изглед на трибините, ве повикуваме да му дадете максимална поддршка на „ФК Напредок“ како во старите добри времиња и заедно да уживаме во прикажаната игра.
-
Хороскоп2 дена
Хороскоп за среда (17 септември)
-
Кичево5 часа
Во недела на големиот празник рождество на Пресвета Богородица, во кичевско с.Другово ќе се осветува поставениот Крст
-
Хороскоп19 часа
Хороскоп за четврток (18 септември)
-
Музика1 ден
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Временска прогноза1 ден
Брз продор на ладен воздух од север, додека само утре услови за слаб локален дожд
-
Скопје7 часа
Малолетници на 12 и 14 годишна возраст од угостителски објект одзеле пари од вработени и побегнале, едниот се заканил со остар предмет
-
Временска прогноза9 часа
Следната седмица вистинска промена на времето
-
Магазин1 ден
Осум iOS 26 промени што мора да ги пробате