Спорт
Нашиот најтрофеен клуб „ФК Вардар“ ќе игра во првата Македонска фудбалска лига
Вардар ќе игра во Прва МФЛ во следната натпреварувачка сезона. Нашиот најтрофеен клуб убедливо со 3:0 славеше во бараж натпреварот против Скопје за место во Прва МФЛ.
На стадионот во Кавадарци, Вардар заслужено се радуваше на пласманот во најдобрата конкуренција откако со два гола на Размоски и еден на капитенот Глишиќ го победи досегашниот прволигаш, Скопје.
Првиот погодок се случи во 4. минута по центаршут на Глишиќ и мешаница во петерецот на Скопје, топката заврши кај Размоски кој умешно ја смести во мрежата на Ефремов.
Негативата од еден гол, Скопје се обиде, но не успеа резултатски да ја стигне и поради црвениот картон на Тодоров пред крајот на првото полувреме. Фудбалерот на Скопје поради неспортски однос (фрли факел кон публиката, откако навивачите на Вардар направија кореографија со пиротехника) заработи црвен картон и исклучување.
Во 50. минута, 2:0 за Вардар. Размоски по втор пат го совлада Ефремов откако доби топка од Десниќ, а ја искористи и лошата интервенција на голманот и одбраната на Скопје. Конечниот резултат Вардар – Скопје 3:0 го постави Дарко Глишиќ во 59. минута, откако беше прецизен по досуден слободен удар за Вардар на шеснаесеттина метри од противничкиот гол.
Спорт
Косовската репрезентација ја чека високи казни поради напуштање на теренот против Романија, тие и покрај поканата на судијата – одбиле да се вратат на терен
Репрезентацијата на Косово може да претрпи огромни последици поради напуштањето на теренот на натпреварот против Романија во Букурешт (0:0). Тие не се вратија ниту откако беа поканети од судијата и делегатите.
Некои романски медиуми открија дека играчите ќе добијат високи казни.
– Ексклузивни извори од УЕФА потврдија дека фудбалерите на Косово ќе бидат казнети со парични казни и суспензии за нивните гестови и провокации што доведоа до хаос во Букурешт. За потсетување, натпреварот беше прекинат од Косово, на три минути до крајот.
Резултатот беше 0:0 кога го напуштија теренот – објавија романските медиуми.
Спорт
Сејдини поднесе оставка од претседател на ФФМ, УО закажа вонредно изборно собрание за 22-ри декември
Предмалку првиот човек на Фудбалската федерација на Македонија се истакна на социјалните мрежи дека поднел оставка од столчето претседател, односно Управниот одбор на вонредната седница ја прифатил оставката на Сејдини, така што за 22-ри декември експресно закажал вонредно изборно собрание за нов престедател за Фудбалската федерација на Македонија, додека Сејдини ќе остане на функцијата до истото.
– На Вонредното изборно Собрание на ФФМ на 22.12.2024 ќе се констатира оставката на актуелниот претседател на ФФМ, Муамед Сејдини и ќе се избере претседател на Фудбалската федерација на Македонија – истакнаа од Фудбалската федерација на Македонија
Кичевчанецот Сејдини е претседател во ФФМ од 2018-та година по Илчо Ѓорѓиевски, додека во неговиот мандат четири години беше втор човек на федерацијата. Во неговиот мандат кој регуларно истекува во март 2025-та, нашата селекција бележи големи натпреварувања, односно пласман на Европското првенство. Низ годините, може да се забележат бројни инфраструктурни проекти во соработка со УЕФА и ФИФА, обновување стадиони, трибини, поставување нов тревник, осветлувања, второто место во квалификациската група за Светското првенство и незаборавната победа над Италија во Палермо, успесите во Лигата на нации со премин во Лига Б.
Во неговото интегрално обраќање преку социјалните мрежи тој истакна: Благодарност до сите кои придонесоа за досегашните успеси, фудбалерите, селекторите, клубовите, инвеститорите, администрацијата, Управниот Одбор и секој љубител на фудбалот, со целосна верба во иднината на Федерацијата и македонскиот фудбал, иште еднаш од срце ви благодарам.
Спорт
(ВИДЕО) Миовски донесе нова победа на Македонија, овој пат против Ф.Острови – нов рекорд на нашата селекција без примен гол
Македонија со триумф против Ф.Острови ја „бетонира“ првата позиција во својата група воедно и се пласира во Лигата Б за понатамошниот циклус во Лигата на нации. Минимално, но доволно за среќа, стрелец беше Миовски Бојан кој во 62-та минута по грешката на одбранбениот играч од гостинската селекција прецизно биеше и погоди.
⚽️GOAL | 🇲🇰 North Macedonia 1-0 Faroe Islands 🇫🇴 | Bojan Miovski pic.twitter.com/AvM99JN8ul
— Goals Xtra (@GoalsXtra) November 17, 2024
– Целта е постигната, задоволни сме за се што направивме до сега во Лигата на нации, бидејќи завршивме на првото место. Среќни сме и горди, заслужено дојдовме до овој рекорд за нашата репрезентација, додека во тимот моментално владее одлична атмосфера, и се надевам дека така и ќе остане, истакна Миовски на прес конференцијата по завршетокот од натпреварот.
– Знаевме дека ќе биде тежок натпревар, Фарски тоа го покажа и претходно, но секоја чест за момците, ги заслужуваат сите почести. Резултатот на нашата напорна работа е видлив, имаме тим со голем потенцијал, работиме на негово подмладување. Апелирам и ја користам оваа прилика да упатам позив до надлежните за теренот, овие играчи мора да играат во најдобрите услови, навистина тоа го заслужуваат, тука доаѓаат големи репрезентации, изјави Благоја Милевски, по завршувањето на мечот.
Инаку, покрај пласманот во Лига Б, што е историско постигнување, Столе Димитриевски уште еднаш ја сочува мрежата мирна, а со 16 бода Македонија се наметнува сериозно и во разигрувањето за мундијалски бараж за СП 2026.
Момци, честитки!
-
Спорт1 ден
(ФОТО) Во дерби мечот против „Еврогол“ од Прилеп, ФК Кичево денес оствари важна победа во одлично прикажана игра
-
Хороскоп1 ден
Хороскоп за понеделник (18 ноември)
-
Временска прогноза1 ден
Суво и стабилно до вторник, од среда нов влажен воздушен бран кој ќе донесе повремени врнежи од дожд, додека на планините снег
-
Временска прогноза24 часа
Попоски доцна вечерва издаде уште едно метео предупредување за силен ветер, на планинските места тој ќе достигне брзина до 100 км/ч
-
Хороскоп35 минути
Хороскоп за вторник (19 ноември)
-
Спорт1 ден
Сејдини поднесе оставка од претседател на ФФМ, УО закажа вонредно изборно собрание за 22-ри декември
-
Спорт1 ден
(ВИДЕО) Миовски донесе нова победа на Македонија, овој пат против Ф.Острови – нов рекорд на нашата селекција без примен гол
-
Магазин12 часа
Време е да ја смените лозинката ако ја препознаете на списокот