Кичево

Покана и распоред за главната Манастирска слава на Свештената Пречистанска Обител

Објавено пред

4 недели

на

септември 17, 2024

Од

Порта.мк

Во пресрет на главната манастирска слава на Свештената Пречистанска Обител, во спомен на раѓањето на Богомајката, нашата застапничка пред Бога, ја имаме честа да ве поканиме:

петок, 20ти септември

18:00ч. – празнична Вечерна богослужба, на која ќе началствува Неговото Високопреосвештенство Митрополитот Дебарско-кичевски г. Тимотеј, а ќе претстојат Митрополитот Повардарски г.Агатангел и секако нашиот највозљубен Старец и Епископ Антаниски – г.Партениј.
Во текот на богослужбата, една искушеничка( Душица) од нашето сестринство ќе биде вброена кон рамноангелскиот монашки чин.

сабота, 21 септември

7:00ч. – утрена богослужба.

8:45ч. – пречек на Архиереите: Митрополитот Дебарско-кичевски г. Тимотеј, Митрополитот Повардарски г. Агатангел, Митрополит г.Илија од Финска и Старецот и Епископ Антаниски г. Партениј.

9:00ч. – Света архиерејска Златоустова Литургија.

Потпирајќи се со цврста вера на Онаа Која е поширока од Небесата и Која Го роди Спасителот наш, ве очекуваме со голема радост заеднички да го прославиме роденденот на Мајката Божја и Мајката наша! Воедно, ќе учествуваме заеднички и во молитвите при чинот на монашкиот потстриг на нашата сестра. А за сето тоа да биде целосно исполнето со најубавото источно православно пеење, ќе помогнат нашите најдраги пријатели од Света Гора: архимандритите о. Матеј, о. Антипа, о. Херувим, монаси, псалти и други гости.

Преку нашиот медиум, ве посакуваме да го понесете со себе благословот од средбата со Чудотворната икона Богородица Крнинска, Пречистанските Светии Евнувиј, Пајсиј, Аверкиј, чесните мошти на Света Параскева и повторно да доживееме духовно и телесно исцеление и обновување!

Тагови:Porta.mk Манастирска Слава Пречиста Св.Богородица

Следно

(ФОТО) Вандализам во Кичево, непотребно оштетени сообраќајните знаци

Не пропуштај

Утре овие кичевски села поради работа на ЕВН ќе бидат без електрична енергија

Кичево

Денес е меѓународен ден на руралната жена, кичевчани горди на домаќинките од нашиот крај кои ја негуваат традицијата

Објавено пред

4 часа

на

октомври 15, 2024

Од

Порта.мк

©porta.mk

15 октомври – Меѓународен ден на руралната жена. Кичево е гордо што има рурални жени што ја негуваат традицијата и посветеност на животот на село.

Една од нив е г-ѓа Лилјана Ѓорѓиоска. Со нејзиното автентично име “Колибата на Лилјана” веќе неколку години умешно ја доловува убавината на селото и носи енергија и знаење.

– Не е залудно обележан овој ден. Вие сте инспирацијата на сите нас и пример како со труд и љубов можеме да создадеме позитивна промена во вашата заедница. Посакајте им се најдобро на руралните жени денес и секој ден, накратко за Порта.мк ни истакна Ѓорѓиоска

Прочитај повеќе...

Кичево

Утре во ЦК „Кочо Рацин“- Кичево ќе се одржи X-тата јубилејна младинска керамичка работилница

Објавено пред

6 дена

на

октомври 9, 2024

Од

Порта.мк

Утре четврток (10.10.2024год.) во фоајето при Центарот за култура „Кочо Рацин“- Кичево ќе се одржи X-та јубилејна Младинска керамичка работилница за изработка и дизајнирање на керамички производи создадена од учениците ОСУ „Мирко Милески“ со Проф.Мирослав Крстески (ментор), ОСУ „Дрита“ – Кичево со Проф.Валдета Ибиши (ментор), Проф. Филип Фидановски – керамичар од Скопје и Слободан Столески (грнчар).

Учесници во X-та Јубилејна Младинската керамичка работилница-Кичево 2024

Софија Белеска
Драгана Јанеска
Ана Петреска
Стефани Темелкоска
Матеа Калеска
Ана Марија Србиноска
Марија Божиноска
Емануела Стојкоски
Ана Марија Цветаноска
Петар Магденоски
Елона Руфати
Џула Јусуфи
Наиле Ристеми
Хајрије Ахмеди
Лике Бафтири

Почеток : 19:00 час.
Влезот е слободен

Прочитај повеќе...

Кичево

(ФОТО) Вечерва во преполна сала се одржа третиот по ред „Концерт на млади пијанисти“ во Кичево, аплауз и честитки до сите учесници, кои им претстои богата музичка кариера

Објавено пред

1 недела

на

октомври 8, 2024

Од

Порта.мк

©porta.mk

Вечерва во преполна сала кичевчани присуствуваа на третиот по ред „Концерт на млади пијанисти“ во покровителство на претседателот на Музичка Академија Кристина , проф м-р Костадиноска Кристина во соработка со НУЦК „Кочо Рацин“ Кичево.

Како што најавивме претходно учество на оваа манифестација зедоа вкупно 11 млади пијанисти од различни возрасти, со бројни први, втори и трети награди на меѓународни натпревари, тоа беа одлични дечиња на кои им претстои сигурно врвна музичка кариера: Јосифоска Јоана, Спахиу Ориола, Јолеска Бисера, Касијана Матеска, Јолеска Јана, Димитриеска Надја, Јосифоска Гордана, Емини Тарик, Дабески Давор, Бодеска Теона и Дамјаноска Дарија.

Од нашиот медиумски простор ја користиме оваа прилика да упатиме срдечни честитки за организацијата за прекрасниот настан, беше вистинско уживање да се биде дел. Во продолжение галерија од манифестацијата, видена преку нашиот објектив.

* Доколку сакате фотографија за себе, може да ја зачувате од официјалниот линк ТУКА

* Официјалниот инстаграм профил на Академијата ТУКА