Временска прогноза
Попоски истакна најнови метео вести, снег до 1000 н.м.в.

Под влијание на циклонска активност од запад, до крајот на денов и во текот на ноќта ќе продолжат врнежите од дожд кои ја зафатија нашата држава. Локално истите ќе бидат ПОИНТЕНЗИВНИ (околу 20 л/м2 воден талог). На планините ќе има врнежи од СНЕГ.
Кон крајот на денов и вечерва поради продор на СТУДЕНА воздушн а маса од север ќе започне да дува ЗАСИЛЕН, повремено СИЛЕН ветер од северен правец (Долж Повардарието повремено и локално ќе достигнува брзина од над 70 км час).
Температурите ЗНАЧИТЕЛНО ќе се намалат и врнежите од дожд ќе преминат во врнежи од снег и на надморска височина од околу, локално и некаде под 1000 метри.
На планините и тоа особено на запад и на северозапад ќе се формира снежна покривка од околу 20 цм, додека помала снежна покривка ќе се формира и на местата со надморска височина од околу 1000, локално и под 1000 метри (до околу 10 цм). Во текот на ноќта која што ни следува, како и утре локално провејување на снег ќе има понекаде и на пониските места (градовите), особено во северните и во западните предели.
Потоа од петок, па за време на викендот следува период на стабилно и суво време со ниски утрински температури кој речиси насекаде ќе се спуштаат под нулата (се очекува појава на мраз). Максималните температури особено за викендот ќе бележат тенденција на ЗНАЧИТЕЛЕН и БРЗ пораст, па сево ова негативно ќе влијае врз метеопатите, каде се можни ЗНАЧИТЕЛНИ здравствени проблеми, па најдобро истите да се обратат кај својот матичен лекар за совет, но и редовно да ја земаат препишаната терапија од истиот.
Инаку утре ќе биде релативно ЗИМСКИ ден со потпросечни температури на воздухот и истите ќе се искачуваат во интервалот помеѓу 3 и 10 степени, но поради СИЛНИОТ ветер кој се очекува температурите ќе се чувствуваат како да се пониски од реално измерените.
Во Скопје и околината очекуваме слично време, со врнежи од дожд до крајот на денешниот ден а ќе започне да дува и ЗАСИЛЕН северен ветер кој ќе услови ЗНАЧИТЕЛНО намалување на температурите, истакна Славчо Попоски.
Временска прогноза
Пред нас многу сонце и значително потопло време, сѐ враќаат летните температури

Под влијание на стабилна, сува и топла воздушна маса од југ, односно од Африка, од четврток (7 август) па се до следниот петок (15 август) времето во нашата Република Македонија ќе биде стабилно, суво и сончево, повремено со мала локална облачност. Ќе биде и значително потопло со максимални дневни температури кои ќе се искачуваат во интервалот од 31 до 38 степени.
Во Скопје максималната дневна температура во погоре споменатиот период ќе се искачува до околу 36/37 степени.
Сепак и покрај ова, ќе дува ветер од источен и од североисточен правец, и повремено тој ќе засилува на интензитет.
Пред нас е многу стабилно, суво и повторно значително потопло време, што значи дека убави летни денови ќе имаме и понатаму, се до средината на овој месец, секако, гледано според моменталните излези на прогностичките модели, информира Славчо Попоски
Временска прогноза
Најава за пороен дожд од утре, температурите би се спуштиле за половина од достигнатиот максимум од минатата седмица

Под влијание на фронтална долина со поладен воздух на висина, во Македонија следува променливо и нестабилно време со локална појава на пороен дожд, грмежи и засилен ветер.
– Денес (вторник 29 јули) повремено ќе дува засилен ветер, во западните предели од западен, а долж Повардарието од северен правец.
Нестабилно на повеќе места со врнежи од дожд, грмежи и засилен ветер, локално во форма на невреме со силен ветер и со услови за појава на град ќе биде во текот на утрешната ноќ (среда кон четврток 30/31 јули) како и во четврток (31 јули) во текот на денот.
Локално ќе има пообилни врнежи па така локално ќе наврнат над 15 литри дожд на метар квадратен.
И во Скопскиот регион за време на погоре споменатиот период ќе биде нестабилно со повремен локален дожд, услови за појава на грмежи како и со повремено засилен ветер од северен правец. Поголеми услови за нестабилност со пороен дожд, грмежи, засилен ветер и со услови за појава на краткотрајно невреме ќе има во четврток (31 јули).
Што се однесува до температурите, тие наутро ќе се спуштаат во интервалот од 13 до 23 степени, додека максималните дневни температури на воздухот кај нас ќе се искачуваат во интервалот од 27 до 35 степени.
Во Скопје наутро температурата ќе се спушта до околу 20 степени, а максималната дневна температура на воздухот ќе се искачува во интервалот помеѓу 30 и 32 степени.
– Апелирам во случај на појава на невреме и на електрични празнења во следниот период, да се избегнува претстој на отворен простор и под осамени дрвја.
Исто така, во случај на појава на силен ветер граѓаните да ги заштитат слоите автомобили, односно, истите да не ги ставаат во близина на дрвјата, особено оние дрвја кои се осамени, истакна Славчо Попоски
Временска прогноза
Сепак летните температури ќе попуштат, еве кога ќе имаме заладување

Од понеделник (28 јули) во нашата Република Македонија, и тоа поради продор на значително посвеж воздух од север, ќе имаме значително освежување на времето, проследено со повремено засилен ветер од северен правец и пад на температурите на воздухот и за повеќе од 10 степени во споредба од оние кои ги имаме сега.
Од понеделник (28 јули) на многу места низ нашата Македонија температурите ќе бидат под 30 степени, а само во Повардарието и во југоисточните предели тие ќе бидат за неколку степени над 30 степени, што значи дека ќе имаме многу пријатно време, односно посвежо време.
Уште посвежо пак ќе биде во ноќните и во утринските часови кога минималните температури во нашата Македонија ќе се спуштаат во интервалот од 9 до 19 степени во Повардарието, односно во најтоплите предели од Македонија.
Исто така, следната седмица локално и повремено ќе има развој на нестабилност, проследена со пороен дожд, грмежи и засилен ветер во зоната на нестабилност, а не се исклучува можноста и за локална појава на краткотрајно невреме со силен ветер и со појава на град, информира Славчо Попоски
-
Хороскоп2 дена
Хороскоп за четврток (7 август)
-
Хороскоп15 часа
Хороскоп за петок (8 август)
-
Спорт2 дена
Одлични вести: ВАР системот стана реалност во македонскиот фудбал
-
Македонија22 часа
МВР изрече условна казна затвор и депортирање на германец поради говор на омраза, пред натпреварот Шкендија-Карабах
-
Македонија18 часа
РЦ Запад во координација со СВР Охрид санкционираа албански државјанки без регулиран престој
-
Lifestyle1 ден
Пет додатоци во исхраната што никогаш не треба да ги земате со кафе
-
Култура2 часа
Денеска се слави Преподобната маченичка Параскева, позната меѓународот како Св.Петка
-
Автомобили1 ден
Mercedes G-класата собори рекорд: произведен 600.000 примерок