Утре (недела 22.12.2024) ќе имаме краткотрајно стабилизирање на времето со утрински температури кои речиси насекаде ќе бидат под нулата, студено ќе остане и во текот на денот и со повеќе сонце.

Почнувајќи од понеделник 23.12.2024 па во деновите потоа под влијание на длабок циклон со центар над Средоземјето кој ќе биде поврзан со многу ладен воздух од север, ќе имаме нови обилни врнежи кои ќе бидат најмногу од снег, а особено во Повардарието и во крајните југоисточни предели ќе бидат од дожд, повремено од дожд и снег.

На планините и на Скијачките центри ќе има дополнително и големо зголемување на снежната покривка, и таа вкупно би можела со новиот снег да изнесува и над половина, до речиси еден метар снег.

– Снежна покривка ќе се формира и во повеќето градови во Македонија и тоа со висина од 5 до 10 сантиметри, а во западните и во источните предели локално од 10 до 20 сантиметри, понекаде можно е и до околу, па  и над 30 сантиметри.  Сето ова ќе биде проследено со повремено засилен ветер од северен правец.

Што се однесува до Скопје и околината, со овој нов голем влажен и ладен бран ќе има врнежи од дожд и од снег, а се очекува и формирање на снежна покривка, особено на околните планини и во повисоките предели од котлината. Формирање на помала снежна покривка се очекува  и во делови од пониските предели од Скопската котлина. Повремено и во Скопскиот регион ќе дува засилен ветер од северен правец.

Што се однесува до температурите, тие во текот на наредната седмица наутро на многу места ќе бидат под нулата, додека дневните максимални температури, исто така ќе се движат на многу места само за некој степен над нулата, или до околу нулата, додека во некои места тие  и преку ден ќе останат под нулата, особено во оние повисоки населени места, планините, и секако Скијачките центри.

– Секако и да предупредам, со оглед на оваа настаната временска состојба, доколку од понеделник 23.12.2024, па во деновите потоа, поради очекуваните обилни врнежи од снег, препорачувам крајно да бидете внимателни особено вие возачите и тоа доколку патувате кон планинските превои каде секако ќе има многу снег и појава на голомразица. Исто така, на Скијачите им препорачувам да не се оддалечуваат од Скијачките центри, односно да не се движат кон поголеми надморски височини, и тоа поради намалената видливост која се очекува.

Исто така, од денес 21 декември (сабота) и официјално ни започнува Календарската Зима, и истата ќе си го покаже своето вистинско лице, и тоа како што доликува, информира Славчо Попоски

Почнувајќи од денес (петок) навечер, па се до 25 декември, територијата на Македонија ќе биде зафатена од длабок циклонски систем кој ќе биде со центар западно и југозападно од нас. Во исто време од север ќе се спушта многу поладен воздух кој значително ќе ги спушти температурите на воздухот.

Во ваква ситуација, ќе имаме чести и пообилни врнежи кои на пониските места ќе бидат најпрвин од дожд, а на повисоките места  и на планините ќе има врнежи од снег, каде на планините и на Скијачките центри снежната покривка значително ќе се зголеми. Утре (сабота), а особено од понеделник па во деновите потоа врнежи од снег ќе има и на повеќето пониски места (градови) па така  и на овие места ќе се формира снежна покривка. Исклучок ќе бидат градовите кои припаѓаат на југоистокот од Македонија, како и оние градови Долж Повардарието, каде многу мали се условите за формирање на снежна покривка и врнежите таму ќе бидат претежно од дожд или повремено од дожд и снег.

Во Скопје  и околината со овој ладен и влажен бран ќе има врнежи од дожд и снег, а од понеделник па во деновите потоа се очекува да се формира и помала снежна покривка. Позначителна снежна покривка ќе се формира на околните планини.

Инаку, на планините  и на Скијачките центри локално се очекува снежна покривка со висина дури близу, поа дури и над 100 сантиметри нов снег, додека на пониските места (градовите), особено во источните предели таа ќе биде со висина од 5 до 10 сантиметри, а во западните предели таа ќе биде поголема, од 10 до 20 сантиметри, локално до околу, или над 30 сантиметри.

Сето ова ќе биде проследено со повремено засилен до силен ветер од северен правец (повремено и локално со брзина од на 65 км/час), па така особено на планинските места  и на Скијачките центри ќе има појава  и на снежни наноси. Апелирам, доколку во овој период планирате да патувате низ планинските превои, да бидете крајно внимателни како управувате со своите возила, и тоа поради очекуваните обилни врнежи од снег  и значителната снежна покривка.

Исто така Скијачите, да не се оддалечуваат од Скијачките центри, односно да не се движат на поголеми надморски височини, и тоа поради намалената видливост која се очекува.

Што се однесува до температурите, тие наутро на многу места ќе бидат под нулата, па така се очекува појава и на голомразица, а и максималните дневни температури на повеќе места ќе останат малку над нулата, или околу нулата, а понекаде тие и преку денот ќе останат под нулата.

Уште да напоменам дека за време на овој период локално ќе наврне големо количество на воден талог, особено во западните предели (над 50 литри на метар квадратен воден талог), информира Славчо Попоски

Под влијание на многу ладен циклон и низок воздушен притисок, секако поврзан со студена воздушна маса од север, а циклонскиот систем ќе биде со центар над Средоземјето, од утре попладне (20 Декември) па се до 24 Декември (Вторник) во Македонија ќе има пообилни врнежи, кои најпрво на пониските места ќе бидат од дожд, додека на повисоките места и на планините ќе врне снег, каде снежната покривка на планините и на Скијачките центри значително ќе се зголеми, и таа до 24 Декември во вечерните часови локално ќе изнесува близу 100 сантиметри, особено на оние поголеми надморски височини.

Поради веќе споменатиот продор на многу поладен воздух од север, од сабота, а особено во почетокот на следната седмица врнежи од снег ќе има во најголем дел од Македонија, и истите ќе бидат обилни, па така снежна покривка ќе се формира на многу пониски места (градови). Во источните предели ќе се формира снежна покривка со висина од 5 до 10 сантиметри, локално и повеќе, додека во западните предели таа ќе биде најголема и ќе биде со висина од 10 до 20 сантиметри, а понекаде  и над 30 сантиметри. Помала снежна покривка се очекува да се формира  и во Скопје и околината.

Сето ова ќе биде проследено со засилен повремено силен ветер од северен правец (повремено и локално со брзина од над 65 км/час).

Што се однесува до температурите, тие од овој викенд значително ќе опаднат, а дополнително опаѓање на температурите се очекува од понеделник па натаму и минималните температури на воздухот на многу места во Македонија ќе бидат под нулата, додека максималните температури исто така на многу места ќе се задржат до околу, понекаде и под нулата.

Да напоменам дека поради силниот ветер кој се очекува да дува, се очекува појава  и на снежни наноси, особено на повисоките  и на планинските места, како и на Скијачките центри.

Со оглед на ваквата временска состојба, доколку патувате кон планинските превои, препорачувам да бидете крајно внимателни како управувате со своите возила, и тоа поради очекуваните обилни снежни врнежи и големата снежна покривка која се очекува. Исто така Скијачите да не се оддалечуваат на поголеми надморски височини, за да не дојде до нивно исчезнување како што беше случајот пред неколку денови, кога неколку Скијачи за среќа беа успешно пронајдени на Скијачите центри поради нивното исчезнување.

Од овој голем снежен бран секако ќе биде зафатен најголем дел од регионот, па така конечно после многу години Католиците ќе имаат Бел Божик, односно Божик со снег, информира Славчо Попоски, кој да напоменеме е еден од најдобрите метеоролози во земјава и пошироко.