Временска прогноза
Попоски со вонредни информации за времето, изразен студен бран носи снежни врнежи, некаде веќе се присутни..

Вечерва и во текот на ноќта врнежите од запад ќе се прошират насекаде и ќе бидат НАЈИНТЕНЗИВНИ во западните предели, каде локално ќе наврнат над 30 л/м2 воден талог. На повисоките планини ќе врне снег, додека локално ќе има услови и за појава на грмежи. Ќе дува и умерен до засилен, повремено на некои места и СИЛЕН ветер од јужен и од југозападен правец. Температурите вечерва и во текот на ноќта ќе се движат во интервалот од 4 до 10 степени.
Утре и понатаму ќе има повремени врнежи од дожд, додека на планините врнежите ќе преминуваат во снег. Ќе дува умерен до засилен ветер од западен и од југозападен правец. Температурите ќе се искачуваат во интервалот од 8 до 15 степени. Локално е можна појава на нестабилност, проследена со пороен дожд и грмежи.
Под влијание на СТУДЕН БРАН од север, во вторник ќе има врнежи од дожд и снег на повисоките места и на планините, каде ќе се формира снежна покривка, а на планините ЗНАЧИТЕЛНО ќе се зголеми. Услови за провејување на снег во вторник ќе има и на некои пониски места, особено во западните предели. Ќе дува и засилен ветер од северен и од северозападен правец, најизразен Долж Повардарието.
Температурите ќе бележат тенденција на ЗНАЧИТЕЛНО ОПАЃАЊЕ и ќе се искачуваат во интервалот од 0 до 9 степени во најтоплите предели.
Потоа поради разведрувањето во среда наутро ќе биде МНОГУ СТУДЕНО и минималните температури насекаде ќе се спуштат под нулата, односно истите ќе се спуштаат во интервалот од – 9 до 0 степени. На планинските места истите ќе се спуштаат и под – 10 степени.
И во Скоспкиот регион утре ќе има повремени локални врнежи од дожд со послаб интензитет, додека во вторник ќе дува засилен северен и северозападен ветер а температурите значително ќе се намалат, со што услови за локално провејување на снег ќе има и во Скопскиот регион. Температурите ќе се искачуваат до околу 13 степени, а од вторник истите ќе се спуштат на 6 степени. Во среда наутро ќе биде студено и минималната температура ќе се спушти до околу – 4 степени.
НАПОМЕНА: Со овој студен бран, доаѓа и првото поголемо количество на снег на скијачките центри, па затоа доколку сте лубители на скијањето и на снегот, искористете го ваквото време во текот на следниот период.
Автор: Славчо Попоски
Временска прогноза
Викенд метео вести: Еве какво време ни претстои денес и утре

Под влијание на стабилна и на посвежа воздушна маса од север, викендов (сабота и недела 28 и 29 јуни) во Македонија времето ќе биде стабилно, суво и сончево со мала до умерена локална облачност. Сепак ќе биде многу ветровито, односно, ќе дува засилен до повремено силен ветер од северен правец (повремено и локално со брзина од над 70 км/час.
И во Скопје и околината ќе имаме стабилно и сончево, но и малку посвежо време за викендов. Ќе дува засилен, повремено силен ветер од северен правец (во делови од котлината повремено со брзина од над 70 км/час).
Што се однесува до температурите, тие ќе бидат за околу 4/5 степени пониски за ра разлика од денешните и максималните дневни температури ќе се искачуваат во интервалот од 28 до 36 степени, во Скопскиот регион температурата ќе се искачи до околу 35 степени, утрово информираше Славчо Попоски
Временска прогноза
Доаѓа дожд према нашиот регион, ова се последните метео вести

Поради прилив на поладен воздух од север на висина, денес (петок 27 јуни) во попладневните и во вечерните часови во нашата Република Македонија атмосферата значително ќе се дестабилизира. Ќе се создаваат влажни фронтални бранови кои на повеќе места ќе условат развој на грмотевични конвективни облачни јадра од кои очекувам појава на поројни врнежи од дожд, грмежи и силен ветер (над 70 км/час).
Многу поголема нестабилност очекувам во северните, централните , источните и во југоисточните предели од нашата Македонија, па токму во овие предели локално очекувам појава и на бурно невреме проследено со обилен пороен дожд кој може да услови локални поројни поплавувања, олуен ветер, силни и чести електрични празнења, како и со појава на крупен град. Токму поради ова на граѓаните ги советувам да обратат голема внимателност.
И во делови од Скопскиот регион, денес (петок 27 јуни) во попладневните и во вечерните часови ќе биде нестабилно со пороен дожд, силен ветер (над 70 км/час) и со појава на грмежи. Можна е и појава на силно невреме.
Што се однесува до температурите тие повторно насекаде ќе бидат над 30 степени, на повеќе места тие ќе се искачат и до околу, па и над 35 степени, додека во Повардарието тие ќе достигнат до 40 степени. Меѓутоа, доцна попладне и навечер температурите ќе опаѓаат, со што од север ќе започне да ни се спушта посвежа воздушна маса, вели Славчо Попоски
Временска прогноза
Попоски: Од денес па натаму висок УВ индекс и температури до 40°C

Територијата на нашата Република Македонија од денес (понеделник 23 јуни па се до петок 27 јуни) ќе биде под влијание на засилен топол бран од Африка и истиот ќе услови многу топло и сончево време со мала локална облачност. Ќе дува слаб до умерен ветер од променлив правец.
Што се однесува до температурите тие ќе бидат многу високи, а особено високи температури ќр имаме од среда до петок кога максималните дневни ќе се искачуваат во интервалот од 32 до 40 степени.
Во Скопје температурата ќе се искачува до околу 39/40 степени, особено од среда до петок. И во Скопскиот регион ќе дува слаб до умерен ветер од променлив правец.
УВ ИНДЕКСОТ за време на овој засилен топол бран од Африка ќе има екстремно висока вредност и ќе изнесува коефициент 9. Токму поради ова апелирам граѓаните без потреба да не излегуваат во најтоплиот дел од денот, односно од 11 до 17 часот, но и да пијат повеќе течности.
– Барем одсега гледано, освежување на времето, пад на температурите, но и дестабилизирање на атмосферата ќе имаме во петок во попладневните и во вечерните часови кога ќе има појава на локална нестабилност со пороен дожд, грмежи, засилен ветер и можност за ново локално невреме, утрово информираше Славчо Попоски
-
Кичево2 дена
Предмалку случена сообраќајка во близина на с.Извор кичевско, правец Кичево-Охрид
-
Хороскоп2 дена
Хороскоп за сабота (28 јуни)
-
Хороскоп13 часа
Хороскоп за недела (29 јуни)
-
Временска прогноза2 дена
Доаѓа дожд према нашиот регион, ова се последните метео вести
-
Временска прогноза1 ден
Викенд метео вести: Еве какво време ни претстои денес и утре
-
Автомобили2 дена
Перу прва во светот со старосна граница за возачки дозволи: по 80-тата година нема обновување
-
Магазин2 дена
Дали е штетно батеријата да се полни неколку пати на ден?
-
Lifestyle2 дена
Палачинки со тиквички – брз, евтин и идеален летен оброк