Спорт
Расел за прв пат го отвори победоносниот Шампањ

Возачот на Мерцедес дебитираше во кариерата на Големата награда на Бразил. Британецот Џорџ Расел најбрзо заврши возбудлива трка, со неколку судири, на познатиот „Интерлагос“ и со право на 24 години доби можност да го отвори својот прв триумфален шампањ во Ф1.
Луис Хамилтон се потруди уште повеќе да ја разубави првата прослава на Мерцедес во сезоната, бидејќи седумкратниот шампион на „најбрзиот циркус“ ја мина целта веднаш по својот тимски колега.
Третото место му припадна на Карлос Саинц Јуниор од Ферари, а бодови освоија уште Шарл Леклер, Фернандо Алонсо, Макс Верстапен, Серхио Перез, Естебан Окон, Валтери Ботас и Ленс Строл.
Бранителот на титулата, Маркс Верстапен, веќе ја обезбеди втората титула за најбрз возач (болид) на планетата, бидејќи има 429 бодови пред последната трка сезонава, Големата награда на Абу Даби следниот викенд.
Односно недостижна предност пред Леклер и Перес, со по 290 поени. Во конкуренција на конструктори Ред Бул е прв со 719 бодови, пред Фераи со 524 и Мерцедес кој има 505.
Спорт
(ВИДЕО) Барселона ја совлада Севиља благодарение на автоголот на Рамоз и се врати на првото место во Примера

Фудбалерите на Барселона ја совладаа Севиља со 1:0 на отворањето на 8.коло од Примера. Единствениот гол на натпреварот беше постигнат во вториот дел, а тоа всушност беше автогол на стоперот на гостинскиот тим Серхио Рамос во 76. минута.
Барселона имаше поголем посед и напаѓаше во текот на целиот натпревар, но тие напади често беа залудни.
Во првото полувреме Жоао Феликс ја пропушти најдобрата прилика кога од добра позиција ја погоди гредата, а во вториот дел по ударот со глава на Ламина Џамал, топката косо удри во ногата на Рамос и заврши зад Орјан Ниланд. .
По овој натпревар Барселона се врати на првото место на табелата во Примера, иако има натпревар повеќе од првите вицешампиони Жирона и Реал Мадрид кои играат меѓу себе во дербито на колото во сабота од 18:30 часот на стадионот „Монтилви“ во Каталонија.
Највозбудливите моменти може да ги прегледате во продолжение:
Спорт
Извлечени паровите за воведното коло на новата натпреварувачка сезона во футсал

Од „Куќа на фудбалот“ за медиумите истакнаа дека е реализирано извлекувањето и со тоа беше одреден распоредот на мечеви за натпреварувачката сезона 2023/24 во Првата македонска футсал лига.
Паровите за воведното коло на новата натпреварувачка сезона во футсал се:
- КМФ ОВЧЕ ПОЛЕ 2013 – КМФ КАРАДАКУ
- КМФ ШКУПИ 1927 – КМФ ОСОГОВО 2022
- КМФ ЦРНА РЕКА – КМФ ФОРЦА 2015
- КМФ КЛИМИ – КМФ БУТЕЛ 2020
- КМФ ЖЕЛЕЗАРЕЦ – КМФ КЕГИ МОБИ
Во продолжение, распоредот на натпревари за сезоната 2023/2024 може да ги проследите на официјалниот линк ТУКА
Спорт
На денешната седница на Управниот одбор при ФФМ одлучено да продолжи поддршката на училишниот спорт за најмладите како и формирање на совет за едукација на тренери

На денешната седница на Управен одбор на Фудбалската федерација на Македонија беа донесени следните одлуки:
– У.О. на ФФМ го донесе Правилникот за работа на Центарот за едукација за тренери при Фудбалската федерација на Македонија;
– У.О. на ФФМ донесе одлука за формирање на наставен совет на Центарот за едукација за тренери, а највисокото тело на ФФМ, исто така донесе одлука, проф. д-р Небојша Марковски да ја извршува функцијата директор на Центарот за едукација на тренери и во следните четири години.
– У.О. на ФФМ донесе одлука, Фудбалската федерација на Македонија да продолжи со поддршка (финансиска и логистичка) на проектот „Фудбал сега – фудбал насекаде“, заедно со Федерацијата за училишен спорт. Во проектот се опфатени 80 основни училишта во Македонија и повеќе од 6000 деца од второ до петто одделение кои тренираат фудбал во текот на целата школска година.
– У.О. на ФФМ донесе одлука, Фудбалската федерација на Македонија да продолжи да дава поддршка за проектот „Училишен фудбал за девојчиња“ со Федерацијата за училишен спорт. Во проектот „Училишен фудбал за девојчиња“ се вклучени 30 основни училишта во Македонија и повеќе од 600 девојчиња од четврто и петто одделение.
-
Хороскоп1 ден
Месечен Хороскоп (октомври 2023)
-
Временска прогноза13 часа
Месечна метео анализа за октомври, потопло и со помалку врнежи од дожд
-
Хороскоп4 часа
Хороскоп за понеделник (2 октомври)
-
Скопје2 дена
Посебен режим на сообраќај во недела во град Скопје поради одржување на „Скопски маратон 2023“
-
Македонија2 дена
(ФОТО) Превентивни активности на МВР за безбедна ловна сезона, заштита од пожари и безбедност во сообраќајот
-
Скопје6 часа
(ФОТО) Во машка конкуренција кенијецот Серем се закити со прво место, додека 11.000 тркачи од 45 земји беа дел од овогодинешниот „Скопски маратон 2023“