Спорт
Сејдини на состанок со градоначалникот на Прилеп, додека Управниот одбор одлучи за датумите на финалните натпревари од Купот на Македонија
Претседателот на Фудбалската федерација на Македонија, Муамед Сејдини заедно со потпретседателот Лазар Ракиџиев и членот на У.О. Марјан Стојкоски денеска во „Куќа на фудбалот“ оддржаа состанок со градоначалникот на Прилеп, Илија Јованоски.
На конструктивниот состанок во Фудбалската федерација на Македонија, претставниците на двете институции разговараа за понатамошна соработка која се однесува на идна поддршка на федерацијата поврзана со фудбалската инфраструктура во Прилеп.
Фудбалската федерација на Македонија во август лани со средства од „Хет-трик“ програмата на УЕФА го финансираше и целосно го заврши поставувањето на нова тревна подлога (тревни бусени) со модерен дренажен и систем за наводнување, а исто така, постави и целосно ново рефлекторско осветлување на стадионот „Гоце Делчев“ во Прилеп.
– Се радувам на продолжувањето на соработката со Фудбалската федерација на Македонија. Ние како општина сме исклучително задоволни од соработката со ФФМ. Раководството и Управниот одбор на федерацијата навистина прават големи напори стадионот во Прилеп да биде репрезентативен со целосна категоризација за одигрување меѓународни репрезентативни и клупски натпревари.
Ги прифаќаме и забелешките и сугестиите за потребата од квалитетно одржување на теренот и завршување на финалната фаза од работите во потрибинскиот простор за конечно стадионот да го добие својот вистински фудбалски лик.
Исто така, за нас е важни и реакциите од нашите сограѓани кои позитивно гледаат на целиот проект и сите заедно со нетрпение го очекуваме првиот натпревар на ФК Победа на новиот „Гоце Делчев“. Се разбира, заедно да ги бодриме кога ќе заврши пандемијата предизвикана од Ковид-19.
Заедно со ФФМ и ОФС Прилеп потврдивме дека ја подобруваме фудбалската инфраструктура и ќе продолжиме во таа насока. Оваа прилика ја користам и да упатам честитка до Муамед Сејдини и Управниот одбор за нивниот избор во ФФМ и да им посакам успешна работа во иднина, изјави градоначалникот на Прилеп, Илија Јованоски.
Притоа како што наведуваат од ФФМ на денешната седница на Управниот одбор на Фудбалската федерација на Македонија беа донесени следните одлуки:
У.О. на ФФМ донесе одлука финалето од Купот на Македонија во сениорска конкуренција да се одигра на 19. мај 2021. година на Националната арена „Тодор Проески“ во Скопје.
У.О. на ФФМ донесе одлука финалните натправари од Купот на Македонија во младински конкуренции да се одиграат на 25. и 27. мај 2021 година на тренинг центарот „Петар Милошевски“ во Скопје.
– Куп на Македонија (помлади пионери), 25. мај 2021. Т.Ц. „Петар Милошевски“, Скопје;
– Куп на Македонија (пионери), 25. мај 2021. Т.Ц. „Петар Милошевски“, Скопје;
– Куп на Македонија (кадети), 25. мај 2021. Т.Ц. „Петар Милошевски“, Скопје;
– Куп на Македонија (младинци), 25. мај 2021. Т.Ц. „Петар Милошевски“, Скопје;
Управниот одбор на ФФМ донесе одлука за започнување на активности за промена на вештачката трева на помошниот терен на стадионот во Ѓорче Петров;
Спорт
Ѓоковиќ: Српскиот „ас“ силно го посакува 25-иот „Грен слем“ и мисли само на победа, ништо друго.
Новак Ѓоковиќ, најдобриот светски тенисер силно ја посакува 25-тата. Грен слем титула во кариерата и тоа не го крие. Српскиот „ас“ во интервју за „CNN“ истакна дека мисли само на победи бидејќи таков му е менталитетот.
Можеби на почетокот на сезоната Новак Ѓоковиќ не делуваше премногу мотивирано, но светскиот рекет број еден дефинитивно е тоа, како што изгледа повеќе од било кога.
Српскиот ас во интервју за Си-Ен-Ен проговори како веќе се визуелизирал како победник на Ролан Гарос и затоа едвај чека да започне турнирот на париската земјена подлога, пренесува Спутник.
– „Само победа, ништо друго, таков е менталитетот. Визуелизацијата е важна, кога ќе видите дека успевате во неа, затоа се радувам и едвај чекам да започне турнирот. Секако дека знам дека не сум единствениот кој ја посакува таа титула и со нетрпение го чекам предизвикот“, изјави Новак.
Најдобриот светски тенисер е свесен дека младите играчи како Карлос Алкараз и Јаник Синер се желни за титули, но тоа уште повеќе го мотивира.
– „Секако дека не сум единствениот кој сака да ја освои таа титула, но со нетрпение ја очекувам. Сакам да се натпреварувам со различни генерации. Влегуваат млади момци… сите се неверојатно гладни, спремни и брзи, ќе ја искористам мојата способност да се прилагодам за да им ја подготвам вистинската тактика. Разбирам што е потребно за да се остане на врвот и да се натпреварува со нив во борбата за титули“, изјави српскиот ас.
На крајот објасни дека нема многу време да размислува за победите и поразите кои се зад него, бидејќи секогаш има нов предизвик за него.
– „Многу е важно да живеете во моментот, да ја цените сегашноста, но во исто време да се сеќавате на минатото, вашиот пат и да ги цените луѓето кои ве опкружуваат. Секоја недела се случува нешто ново во тенисот и тоа треба да го цените и вие. Иако, повеќе ќе размислувам за тоа кога ќе ја завршам кариерата. Додека сте уште активни, размислувате само за следниот предизвик, следниот турнир. Имате можеби неколку дена во годината, можеби една недела да размислите што сте постигнале“, заклучи Ѓоковиќ.
Првиот светски рекет го прескокнува Мастерсот во Мадрид додека игра во Рим, кој е последната станица пред Ролан Гарос.
Извор: politis.rs
Спорт
КМФ „Форца 2015“ е освојувач на Купот на Македонија во футсал
Форца 2015 е освојувач на Купот на Македонија во футсал, по издвојуваната победа над тимот на Клими од Кавадарци, на финалниот натпревар одигран во спортскиот центар Гемиџии во Велес. Екипата на Форца 2015 во еден интересен натпревар успеа да слави победа со вкупен резултат од 6:2.
Зоран Левски го постигна првиот гол на средбата за предност на Форца 2015 од 1:0. Екипата на Клими брзо се вратија во игра и преку Мартин Никовиќ успеаа да го израмнат резултатот.
Во продолжението Форца ја наметна својата игра и успеа да постигне 5 голови за убедлива и сигурна предност. Стрелци на головите беа Харис Омеровиќ, Зоран Левески, Берат Рамадани, додека Иван Крстевски стрелаше два пати.
Голот за намалување на предноста и поставување на конечните 6:2 го постигна Димче Андов, истакнаа од ФФМ.
Спорт
Голем ден за македонскиот билиард, кичевчанец помеѓу шампионите
Во Софија Бугарија, покрај голема конкуренција на јуниорски играчи од 6 држави 🇲🇰🇧🇬🇷🇸🇲🇪🇧🇦🇺🇦 на пиедесталот во две категории се искачија 2 Македонски шампиони:
У-17 Андреј Ѓурчиновски 🇲🇰🏆
У-19 Блендијан Ќазими од Кичево 🇲🇰🏆
Огромни честитки и за финалистот во категорија У-17 Илија Димовски 🇲🇰🥈
Честитки до Македонските јуниорски натпреварувачи, нивните фамилии, нивните клубови и до сите што ги поддржуваат на нивниот веќе докажан шампионски пат!
Активностите во Македонскиот биљард покажуваат резултати, иднината на овој спорт е во сигурни раце.
Честитки и до организаторите на оваков тип на натпревари и се надеваме само овака да продолжи, покрај натпреварувања, да имаме и размена на искуства и дружења со сите наши соседи во регионот, истакна претседателот на Билиард федерацијата на Македонија, Дејан Сипковски.
Резултати од У-17 може да најдете ТУКА
Додека за У-19 резултатите исто така се запишани ТУКА
-
Хороскоп1 ден
Хороскоп за вторник (23 април)
-
Хороскоп11 часа
Хороскоп за среда (24 април)
-
Македонија2 дена
Од ноќеска бензинот со нова покачена цена, дизелот се намалува
-
Lifestyle2 дена
Колку долго можеме да ја чуваме мократа облека во машината за перење?
-
Магазин2 дена
Netflix налути многу корисници со еден потег, но се покажа како одлична одлука
-
Магазин23 часа
iPhone 16 може да остане без физички копчиња
-
Магазин23 часа
Meta се затвора во Турција
-
Спорт17 часа
КМФ „Форца 2015“ е освојувач на Купот на Македонија во футсал