Известување во насока за дознавање на вистината и елиминирање на секакви сомнежи околу одстранувањето на 27 годишните врби од пред Домот на култура,  кои деновиве беа предмет на дискусија и нагаѓања на социјалните мрежи. Објаснувањето е следново:

Пред извесно време приметено беше сушење на гранки во горните слоеви на круната, при што беа повикани стручни лица кои со експертиза утврдија дека 27 годишните врби од типот Salix babylonica се навлезени во длабока старост (фенофаза на сенилност) и поодмината фаза на исушување.

Kако резултат на тоа и на неизвршување ни на санитарна ниту на редовна резидба на круната, едната се сруши на среќа без последици. Тоа беше воедно и предупредување да се преземат соодветни мерки со преостанатите две како би се елиминирал понатамошниот ризик од нивно паѓање и доведување во животна опасност на минувачите.

По извршената експертиза беше одлучено во најбрз можен рок и со цела потребна документација, да се одстранат и на нивно место да се посадат млади садници од ист вид, и со тоа да се задржи автентичноста на просторот на кој сме биле навикнати во минатото.

Автор: Club institute

Портпаролот на СВР Охрид г-дин Стефан Димоски ја извести јавноста дека вчера Нќна 15.04.2021 во 11:25 часот, Ш.Р. (43) од Кичево во полициската станица пријави дека неговиот татко А.Р. (73) од Кичево на улица „Гоце Делчев“ бил каснат од куче скитник.

Додека пред два дена на 14.04.2021 година во 20:10 часот во полициското одделение во кичевското село Зајас пријавен е пожар на кровна конструкција во куќа сопственост на Е.Џ. од истото село.

Пожарот, во кој нема повредени лица, бил изгаснат од Територијалната противпожарна единица од Кичево. Увид бил извршен.

Извор: Сектор за Внатрешни работи – Охрид