На 23.11.2025 во 22:10 часот во ОВР Кичево е пријавено дека на детското одделение при Општата болница во Кичево во тешка здравствена состојба било донесено бебе родено 2024 година, кое и покрај пружената медицинска помош и направената реанимација, починало.

Медицинските лица констатирале смрт без траги на насилство, а по наредба на јавен обвинител телото е дадено на обдукција, за медиумите утрово соопшти портпаролот на СВР Охрид, г-дин Стефан Димоски

– На одделот за детски болести при нашата Општа Болница вчера околу 22ч е донесено 20-месечно бебе, во многу тешка здравствена состојба. Во агонија, во мнолентност, со централна и периферна цијаноза. Веднаш по приемот дежурниот лекар ги направил сите потребни тераписки модалитети што можат да се дадат, направена е реанимација, меѓутоа за жал бебето по кратко време починало во одделението, за медиумите истакна директорката на Општата Болница, г-ѓа Маја Цветановска-Трајкоска

Две лица го загубија животот, а уште петмина се повредени во тешка сообраќајна несреќа што попладнево се случи во близина на Плетвар, на патниот правец Прилеп – Росоман, информира Основното јавно обвинителство Прилеп.

Според првичните информации, несреќата се случила при обид за претекнување, кога дошло до судир меѓу две возила што се движеле во иста насока. Едно од загинатите лица е возачот на едното возило.

На местото на настанот увид извршил дежурен јавен обвинител, кој издал наредби за собирање траги и докази, како и за изработка на сообраќајно и машинско вештачење на возилата. Врз телата на починатите ќе биде извршена обдукција, а кај преживеаниот возач ќе се испитува дали имал присуство на алкохол или други психоактивни супстанции.

Од обвинителството нагласуваат дека се преземаат сите неопходни мерки за целосно утврдување на причините за тешката несреќа во која животот го загубија две лица, а петмина се здобија со сериозни повреди.

Д-р Ненад Лазаров ТУКА на социјалните мрежи објави дека бил сведок на трагичниот настан, каде своевремено и помагал. За јавноста тој истакна и упати порака за поголемо внимание во сообраќајот, бидејќи она што го видел и бил сведок – не го видел за својата 15 годишна кариера како Доктор.

Сите молитви се кон останатите учесници во сообраќајката, да останат живи и здрави.

На 14.10.2025 во СВР Скопје е пријавено дека во Основен граѓански суд Скопје починал З.Д., кој бил сведок на судење. Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, известува МВР.