Следете не

Спорт

Што ги очекува фудбалските обожаватели во Катар?

Објавено пред

на

Светското првенство на ФИФА започнува во недела и ќе се одржи од 20 ноември до 18 декември 2022 година во Катар. Дали сте еден од ретките среќници кои имаат можност да патуваат во оваа далечна земја за време на овој настан?

Во случај да сте или едноставно сакате да знаете различни интересни факти за дестинации ширум светот, споделуваме со вас неколку корисни информации за оваа далечна и многу богата земја.

Катар е: мал, богат и многу скап

Иако зафаќа само 11.571 квадратни километри на Арапскиот Полуостров, благодарение на големите нафтени ресурси, Катар е една од најбогатите земји во светот. Просечната плата е околу 4.000 евра, па не чуди што трошоците за живот се прилично високи. За литар бензин треба да потрошите само половина евро, но ќе треба да потрошите многу пари за други работи. Шолја капучино во ресторан чини околу 5,5 евра, кутија цигари околу 7, додека ручекот за две лица е околу 50 евра. За месечна кирија на гарсоњера во центарот на градот треба да одвоите околу 1.700 евра.

Алкохолот е забранет на повеќето места

Пијанството на јавни места во Катар се казнува со високи парични казни и затвор. Но, во пресрет на фудбалскиот шампионат, властите олабавија некои правила во однос на консумирањето алкохолни пијалоци. Алкохол не може да се купи во продавници, туку само во одредени ресторани, хотели и барови кои имаат посебна дозвола. Пред и по натпреварите – но не и за време на нив – ќе може да се купи пиво на стадионот на кој ќе се играат фудбалските натпревари. Во Доха ќе биде организирана специјална фан зона каде ќе се служи алкохол за оние над 21 година. Секогаш треба да носите пасош или друг официјален документ што може да ја докаже вашата возраст. Надлежните истакнаа дека цената на пивото ќе се движи од 10 до 20 евра за чаша.

Големо не за нелегалните дроги

Катар е една од најрестриктивните земји кога станува збор за нелегалните дроги. Забрането е поседување, продажба и употреба на канабис, па дури и некои лекови против болки и смирувачи кои не се издаваат на рецепт. Неуспехот да се почитуваат овие правила може да резултира со строги казни – од депортација до години зад решетки. Проверките на аеродромот ќе бидат исклучително детални, затоа однапред проверете што можете да понесете со себе, особено ако страдате од одредени здравствени состојби.

Јавното покажување на љубовта не е добра идеја

Иако во оваа земја е забрането соживот меѓу маж и жена кои не се во брак, невенчаните хетеросексуални парови сепак ќе можат да ја делат хотелската соба за време на Светското првенство. Сексот меѓу двајца хомосексуалци се казнува со затвор од една до три години. Не се препорачува јавно прикажување на наклонетост на улица, без разлика на брачниот статус и сексуалната ориентација.

Подгответе се за топло време

Светското првенство во Катар е првото во историјата кое не се одржува во мај, јуни или јули. Поради екстремно високите температури, настанот беше одложен за ноември и декември. Времето во овој дел од годината е попријатно, но сепак со високи температури – во просек меѓу 21 и 26 Целзиусови степени. Со цел да се олесни престојот на странците во земјата, локалните власти поставија климатизери на отворено – на улици, стадиони итн.

Што да облечете?

Веб-страниците за туризам во Катар сугерираат жените и мажите да покажат почит кон локалната култура и да избегнуваат облека што открива премногу кожа. Од посетителите се бара да изберат облека што ги покрива рамената и колената на јавни места, особено при посета на владини згради, трговски центри и слично. Од друга страна, во хотелите покрај базенот е вообичаено да се видат луѓе во оскудна облека како што се костими за капење.

Како треба да се однесувате?

Во Катар однесувајте се како што би сакале туристите да се однесуваат кога ќе дојдат кај нас. Бидете љубезни во сите ситуации, почитувајте ги културните разлики, не ширете лажни гласини за земјата на социјалните мрежи и зборувајте со почит за кралското семејство. Имајте предвид дека пцуењето и покажувањето среден прст, особено кога им се обраќате на полицајци или други владини службеници, може да резултира со одведување во полициска станица. Не се ракувајте со луѓе од спротивниот пол, освен ако прво не ви понудат рака. Избегнувајте фотографирање луѓе без претходна дозвола, како и фотографирање на воен персонал и верски места.

Спорт

ФФМ со официјална судиска анализа на 28-то коло во првата македонска фудбалска лига, упатуваат апел за почитување поддржувајќи ги напорите за подобрување на судењето преку конструктивен дијалог

Објавено пред

на

©porta.mk

Одборот на судии во рамки на Фудбалската федерација на Македонија остануваат цврсто посветени на транспарентноста и отчетноста како основни вредности во работењето со единствена цел – развој на фудбалски систем базиран на фер-плеј, објективност и професионалност.

Интегралното соопштение од Фудбалската федерација на Македонија ви го пренесуваме во целост и гласи:

– Потврдивме дека секој натпревар од Прва МФЛ се анализира со највисоко ниво на внимание од страна на контролорите на судење, како и од стручните тела на ФФМ, со што се обезбедува квалитетна и фер евалуација на судиските перформанси.

Во врска со натпреварот од 28. коло помеѓу ФК Шкупи и ФК Силекс истакнуваме дека при израмнувачкиот погодок за гостинската екипа во 62. минута постои прекршување на Правилата, иако ситуацијата е технички исклучително комплексна за проценка, но видео анализата укажува дека голот не требало да биде признаен поради офсајд прекршок од напаѓачот кој со минимален дел од телото е понапред од топката. Одговорноста за ваквата погрешна проценка на вториот помошен судија е препознаена и од контролорот на натпреварот Горан Спирковски од Прилеп со негативна оцена од 7.9.

Истовремено, на натпреварот меѓу ФК Воска и ФК Вардар, кој беше прекинат во 76. минута поради напуштање на теренот од страна на домашната екипа, посочуваме дека реакцијата беше заснована врз субјективно доживеан момент.

Видео материјалите од посочениот момент при постигнување на израмнувачкиот погодок за гостинската екипа не потврдуваат никакво прекршување на Правилата на фудбалската игра, ниту нивна погрешна интерпретација и оттука одлуката на судијата не може да биде оценета како погрешна проценка. Одлуката на ФК Воска да го напушти теренот претставува сериозен преседан, непрофесионален и крајно неодговорен чин, кој е во спротивност со духот на спортот, основните фудбалски принципи и фер-плеј вредностите кои ги застапуваме. Фудбалската игра подразбира почитување на процесите, институциите и правилата на играта, дури и во моменти на несогласување. Со самоволно прекинување на натпревар во професионално натпреварување како Прва МФЛ се испраќа порака која не е добредојдена, ниту на теренот, ниту надвор од него. Ваквиот однос мора јасно и недвосмислено да биде санкциониран.

Контролорскиот извештај за овој натпревар од страна на контролорот Џенан Хајдари од Скопје е со оценка 8.4 за целиот судиски тим.

Изминатиот викенд бевме сведоци и на реакција од страна на ФК Гостивар за дуелот со Струга Трим Љум. Станува збор за момент во 85. минута при резултат 0:1 за Гостивар. Во споменатиот момент не е направена никаква материјална повреда на натпреварот од страна на судиската четворка.

Контролорскиот извештај на контролорот Илиевски Зоранчо од Битола е со највисока оценка 8.5 за главниот судија и вториот асистент, а првиот асистент и четвртиот се оценети со 8.4 кои без ниту една грешка го водеа натпреварот.

Судиските одлуки како и секаде во светот се подложни на човечки фактор и можни ненамерни грешки. Она што е клучно е дека тие се предмет на системска анализа и се третираат со максимална сериозност. Исто така, не смееме да го игнорираме бројот на прецизни и исклучително тешки одлуки кои судиите ги носат успешно, што директно придонесува за регуларноста на натпреварите.

– Апелираме до сите фудбалски чинители, клубовите, играчите, навивачите и медиумите, да го почитуваат процесот и да ги поддржат напорите за подобрување на судењето преку конструктивен дијалог, а не преку избрзани заклучоци и јавен притисок.

Одборот на судии во рамки на Фудбалската федерација на Македонија ќе продолжи да работи транспарентно и одговорно, а секоја погрешна судиска проценка ќе биде третирана соодветно во рамки на процедурите. Единствено со принципиелност и истрајност може да изградиме здраво и фер фудбалско опкружување, за јавноста истакнаа од ФФМ.

Прочитај повеќе...

Спорт

ФФМ и DoubleTree by Hilton – Skopje го официјално партнери, Јандреоски: „Навистина ни е драго што го формализираме ова партнерство со хотел кој веќе е важен дел од нашите репрезентативни активности“

Објавено пред

на

Фудбалската федерација на Македонија (ФФМ) и DoubleTree by Hilton – Skopje го официјализираа своето ново партнерство кое претставува значаен чекор во унапредувањето на условите и поддршката за македонските фудбалски репрезентации.

Договорот за соработка постигнат од претседателот на ФФМ, Масар Омерагиќ и сопственикот на Double Tree by Hilton – Skopje, Ајдован Адемоски го потпишаа генералниот секретар на ФФМ, Леонид Јандреоски и генералниот директор на DoubleTree by Hilton Skopje, Ѓоре Велковски, потврдувајќи ја заедничката посветеност на градење долгорочна и продуктивна соработка.

Повеќе прочитајте на официјалниот натпис од ФФМ, во продолжение ТУКА

Прочитај повеќе...

Спорт

Младата женска репрезентација на Македонија во фудбал до 16 години ја победи Бугарија во пенал рулетот, избраничките на Милеска со тоа остварија прва победа!

Објавено пред

на

©ФФМ

Женската репрезентација на Македонија до 16 години оствари победа над соодветната селекција на Бугарија по подобро изведување на пенали (4:2) во првото коло од Уефа развојниот турнир што се одржува во Албанија.

Натпреварот заврши 1:1, а во пенал серијата избраничките на селекторот Катерина Милеска беа многу посигурни и на крајот се радуваа на првата победа на развојниот турнир.

Селекцијата на Бугарија имаше предност од 1:0 во 47. минута, благодарение на голот на Емма Варбанов. Ана Марија Цветковска во 86. минута го израмни резултатот на 1:1.

Во пенал серијата, во нашата репрезентација погодија Розита Пецева, Ана Марија Цветковска, Тамара Лазеска и Елена Наумовска. Во селекцијата на Бугарија, прецизни од белата точка беа Зорнитса Коева и Јоанна Георгиева.

Вториот дуел од развојниот турнир го играме на 15. април против Грузија, во истиот термин, од 11:30 часот.

Македонија: Евгенија Велјановска, Лина Мицовска, Бесарта Фида, Розита Пецева, Елена Наумовска, Ана Марија Цветковска, Блехана Алиевска, Марија Велиновска, Елиза Ибрахими, Ема Наневска, Сара Димитровска

Селектор: Катерина Милеска

Извор: ФФМ

Прочитај повеќе...

Facebook

Последни објави

Македонија5 часа

МВР приведе лица кои се сомничат дека запалиле депонија во Демир Хисар

На 22.04.2025 во 13.30 часот полициски службеници од ОВР Демир Хисар ги лишиле од слобода С.Ф.(28) и А.С.(48), двајцата од...

Временска прогноза9 часа

Цела седмица честа појава на повремени врнежи од дожд, проследени со појава на грмежи

Под влијание на плитка фронтална долина која се наоѓа над југоисточна Европа, во нашата Република Македонија од денес (среда 23...

На денешен ден16 часа

На денешен ден – 23 април

1616.- Шпанскиот писател Мигел де Сервантес Сааведра (Мигел, Сервантес) умрел во Мадрид, на истиот ден како и Вилијам Шекспир во...

Хороскоп18 часа

Хороскоп за среда (23 април)

ОВЕН РАБОТА: Не барајте премногу од вашите соработници. Не е ден за многу заработка. Месечината во Шкорпија им дава поголема...

Култура22 часа

(ВИДЕО) Бигорски Манастир објави видео полно воскресенска радост

По повод најрадосниот христијански празник – Велигден, Бигорскиот Манастир објави прекрасно видео кое ја доловува живата, весела и блескава атмосфера...

Автомобили22 часа

(ВИДЕО) „Mercedes-Benz“ наскоро надоградува „steer-by-wire“ технологија која не бара механичка врска помеѓу волан и предни тркала

Започнува нова ера за купувачи на „Mercedes-Benz“. Компанијата ќе биде првиот германски производител на автомобили што ќе понуди сериско возило...

Спорт22 часа

ФФМ со официјална судиска анализа на 28-то коло во првата македонска фудбалска лига, упатуваат апел за почитување поддржувајќи ги напорите за подобрување на судењето преку конструктивен дијалог

Одборот на судии во рамки на Фудбалската федерација на Македонија остануваат цврсто посветени на транспарентноста и отчетноста како основни вредности...

Македонија23 часа

МВР апелира граѓаните да бидат внимателни и да не отвораат сомнителни пораки

Министерството за внатрешни работи ја известува јавноста дека до неколку граѓани и правни лица, од страна на сторители кои лажно...

Магазин1 ден

В сабота на сцена традиционалниот Велигденски концерт на КУД „Рацин“

Центарот за култура „Кочо Рацин“ ве поканува на традиционалниот Велигденски концерт со КУД „Рацин“ под покровителство на кореографите Антонио Стојчески...

Македонија1 ден

МВР: 2252 сообраќајни прекршоци во празничниот викенд, 1018 за брзо возење

Во текот на празничните денови (18-21.04.2025) продолжувајќи со континуираните сообраќајни контроли на патиштата низ земјава, полициските службеници од сите сектори...

НАЈЧИТАНИ