Фудбалската федерација на Македонија на 21 и 22 ноември oрганизираше уште еден успешен семинар за футсал судии, кој го одржа футсал експертот на УЕФА, Педро Галан. Настанот, имаше за цел да ги подобри знаењата и вештините на футсал судиите низ целата земја. Со преку 25 учесници од различни региони, семинарот се фокусираше на клучните аспекти на судењето во мал фудбал, вклучувајќи ги најновите толкувања на Правилата на фудбалска игра, техниките за управување со играта, физичката подготвеност и одлучувањето под притисок.

Педро Галан, познат по својата експертиза и придонеси за футсал судиите на меѓународно ниво, одржа проникливи предавања и практични работилници, оставајќи трајно влијание врз сите присутни.

Овој семинар ја одразува посветеноста на ФФМ за развивање на судиските стандарди во Македонија, осигурувајќи дека нашите судии на натпреварот се опремени со знаење и алатки за настап на највисоко ниво. Вклучувањето на експерт на УЕФА ја покажува посветеноста на ФФМ за усогласување на националните судиски практики со европските стандарди.

Учесниците ја пофалија организацијата, содржината на семинарот и непроценливата можност за учење од еден од врвните експерти на УЕФА. Како продолжение на овој настан, ФФМ планира да организира понатамошни едукативни активности за поддршка на континуиран развој во футсал судиите.

Фудбалската федерација на Македонија упатува голема благодарност до Педро Галан, УЕФА и сите учесници што го направија овој семинар голем успех. Заедно, футсалот во Македонија го носиме на нови височини, истакнаа во соопштението за јавноста од Федерацијата.

Младата женска репрезентација на Македонија до 19 години во периодот од 27. ноември до 3. декември ќе учествува на Уефа квалификацискиот турнир што ќе се одржи во Португалија.

Нашата млада селекција се наоѓа во А лигата (2 рунда), каде за противници ќе ги има селекциите на Франција, Португалија и Словачка.

Првиот меч од квалификацискиот турнир го играме против Франција на 27. ноември.

Во второто коло не очекува натпревар против домаќинот, репрезентацијата на Португалија. Овој дуел на програмата е на 30. декември.

Во последното коло, играме против Словачка, на 3. декември.

Селекторот на женската репрезентација на Македонија до 19 години, Астрит Мерко за претстојните предизвици од квалификациите, се одлучи да ги повика следните фудбалерки:

ГОЛМАНИ:

Ведрана Комненова   Скопје

Белма Казимоска   Ас Јунајтед

ОДБРАНА:

Михаела Додевска   Скопје

Васка Василева   Каменица Саса

Кристина Крстева   Скопје

Слаѓана Ѓорѓиева   Тиверија Брера

Ива Јованоска   Љуботен

Ангела Димчова   Тиверија Брера

Стефанија Веселинова   Каменица Саса

Емилиа Блажевска

СРЕДЕН РЕД:

Сара Дика   Ас Јунајтед

Тамара Лазеска   Ас Јунајтед

Ива Јосифова   Тиверија Брера

Јехона Велиу

Зиза Аломеровиќ

НАПАД:

Ева Андонова   Каменица Саса

Јована Павловска   Ас Јунајтед

Елена Симјанова   Љуботен

Емили Митковска   Речица

Анастасија Илиевска   Топ Гол

Извор: ФФМ

На денешниот натпревар помеѓу екипите на „ФК Кичево“ и „Топ Гол“ во рамките на 10-то коло од Регионалната Пелагониско-Езерска лига за генерации 2010/11 заврши со резултат 3:0 за нашите момчиња од Кичево, службено добиен меч со причина.

Имено, како што истакнаа од управата на клубот, по извршување на идентификација на двете екипи од страна на судиите и делегатот утврдени се нерегуларности во гостинската екипа на „Топ Гол“ за официјално 3 играчи, по проверката не биле во записник, а учествувале на натпреварот, така што по проверка во „Comet/Комет“ системот на ФФМ утврдено е дека биле родени во 2009 година и се повозрасни.

– „ФК Кичево“ најостро го осудува ваквиот тип на нерегуларности, кои се долго време причина за губење на убавината на оваа игра, а сведоци сме на вакви настани секој фудбалски викенд во сите детски лиги низ фудбалските терени во Македонија. Фудбалот е игра која треба да сплотува и да ги учи децата на вистински вредности, а вакви настани можат само да ги оддалечат од тоа, истакна челниците на кичевскиот клуб.

– За таа цел, преку соопштението, апелираат и бараат брза реакција од Фудбалската федерација на Македонија.