Спорт
Судиите на 13-тото коло во првата македонска фудбалска лига супериорни во својата работа

Судиска комисија ги разгледа спорните моменти од 13. коло на ПРВА МФЛ и ги донесе следните заклучоци:
На натпреварот ФК Струга Т.Л. – ФК Брегалница одигран на 30.10.2022 година, анализирани се ситуациите од 24, 53 и 77 минута.
Главен судија: Благојче Ралевски; Помошни судии: Куштрим Лика и Зоран Јанкулоски;
24 минута: ДОБРА ПРОЦЕНКА НА ПРВИОТ ПОМОШЕН СУДИЈА (недосудено офсајд позиција)
Играч од нападот на гостите додаде топка до свој соиграч кој во моментот кога му е додадена топката се наоѓаше во линија со претпоследнниот играч од одбраната на домаќините, истиот играч ја прими топката и постигна гол.
Исправна одлука на првиот помошен судијата, голот е регуларен, бидејќи играчот од нападот на гостите при додавањето на топката од соиграчот беше во линија со претпоследниот играч од одбраната на домаќините.
53. минута: ДОБРА ПРОЦЕНКА НА ГЛАВНИОТ СУДИЈА (недосуден удар од 11 метри)
Играч од екипата на домаќините во шеснаесетникот на гостите сакаше да додаде топка до соиграч, но истата го удри играчот од одбраната во рака, која му беше спуштена до телото, во природна положба и мало растојание меѓу двата играча.
Исправна одлука на главниот судија, дозволи играта да продолжи, бидејќи топката кога го удри играчот во раката беше во природна положба, исто така судијата во оваа ситуација е одлично поставен и има добра прегледност.
77. минута: ДОБРА ПРОЦЕНКА НА ГЛАВНИОТ СУДИЈА (досуден удар од 11 метри),
ПОГРЕШНА ПРОЦЕНКА НА ГЛАВНИОТ СУДИЈА (недоделен црвен картон)
Играч од екипата на домаќините влегува странично во петерец сам пред голманот на гостите и во тој момент е турнат од гостински одбранбен играч од позади (во грбот) со рака, напаѓачот губи чекор и паѓа, главниот судија со двоумење, но оправдано досудува удар од 11 метри и доделува жолт картон.
Исправна одлука на главниот судија за досуден удар од 11 метри (туркање од зад грб), меѓутоа погрешна одлука на главниот судија за доделена дисциплинска мерка жолт картон. Во оваа ситуација судијата треба да додели ЦРВЕН картон на играчот на гостите за туркање, бидејки напаѓачот на домаќините се наоѓаше во очигледна шанса за гол (сам пред голман).
На натпреварот ФК Силекс – ФК Шкендија одигран на 30.10.2022 година, анализирана е ситуацијата од 81 минута.
Главен судија: Стојанче Трпчевски; Помошни судии: Драган Трпчевски и Душко Панов;
81. минута: ДОБРА ПРОЦЕНКА НА ГЛАВНИОТ СУДИЈА (доделен црвен картон)
На средина од теренот, играч од екипата на гостите со отворен ѓон директно во тело удира противнички играч.
Исправна одлука на главниот судија што додели директен црвен картон, бидејќи ваков груб старт врз противнички играч со отворен ѓон направен на било кој дел од теренот мора да се оквалификува со директен црвен картон.
На натпреварот ФК Академија Пандев – ФК Работнички одигран на 30.10.2022 година, анализирани се ситуациите во 19, 40, 51 и 74 минута.
Главен судија: Јован Качески; Помошни судии: Давор Цветаноски и Мартин Дејаноски;
19. минута: ДОБРА ПРОЦЕНКА НА ПРВИОТ ПОМОШЕН СУДИЈА (недосудено офсајд позиција)
Играч од нападот на гостите шутира кон голот на домаќините, во момент на шутот, соиграч на играчот што шутира се наоѓа во линија со претпоследниот одбранбен играч, натрчува на одбиена топка и постигнува регуларен гол.
Исправна одлука на првиот помошен судија кој е одлично поставен и концентриран, дозволува играта да продолжи и постигнатиот гол е регуларен.
40. минута: ДОБРА ПРОЦЕНКА НА ГЛАВНИОТ СУДИЈА (доделен втор жолт – црвен картон)
Централно пред клупите на гостинската екипа, домашен играч несмасно го презема целосно ризикот на својот старт кој со интезитет удира противнички играч во пределот на под коленото.
Исправна одлука на главниот судија што додели втор жолт (црвен картон) бидејќи за ваков непромислен старт на било кој дел од теренот мора да се додели жолт картон.
51. минута: ДОБРА ПРОЦЕНКА НА ГЛАВНИОТ СУДИЈА (недосуден удар од 11 метри)
Играч на домаќините е во посед на топката и влегува помеѓу два одбранбени играчи во шеснаесетникот на гостите, притоа сака да искористи минимален контакт и паѓа.
Исправна одлука на главниот судија кој се наоѓа во идеална позиција и не досудува удар од 11 метри и дозволува играта да продолжи.
74. минута: ДОБРА ПРОЦЕНКА НА ВТОРИОТ ПОМОШЕН СУДИЈА (недосудено офсајд позиција)
Играч од нападот на гостите шутира кон голот на домаќините, во момент на шутот, соиграч на играчот што шутира се наоѓа во линија со претпоследниот одбранбен играч, натрчува на одбиената топка од пречката и постигнува регуларен гол.
Исправна одлука на вториот помошен судија кој е одлично поставен и концентриран, дозволува играта да продолжи и постигнатиот гол е регуларен.
На натпреварот ФК Тиквеш – ФК Победа одигран на 30.10.2022 година, анализирана е ситуацијата од 39. минута.
Главен судија: Фуркан Идризи; Помошни судии: Мартин Петковски и Александар Ѓорѓески;
39. минута: ДОБРА ПРОЦЕНКА НА ПРВИОТ ПОМОШЕН СУДИЈА (досудено офсајд позиција)
Играч од нападот на домашните центрира од десната страна. Во момент на додавањето соиграч на играчот кој центрира се наоѓа понапред од претпоследниот играч и топката и постигнува гол.
Исправна одлука на првиот помошен судија, голот е исправно поништен и досудено офсајд позиција, бидејќи играчот од нападот во момент на додавање на топката од соиграчот се наоѓа понапред од претпоследниот играч од одбраната на гостите.
На натпреварот Македонија Ѓ.П. – ФК Шкупи немаше спорни ситуации за анализирање.
Судиска анализа на 10 коло од ВТОРА МФЛ за сезона 22/23
Судиска комисија ги разгледа спорните моменти од 10. коло на ВТОРА МФЛ и ги донесе следните заклучоци:
На натпреварот ФК Вардар – ФК Воска одигран на 29.10.2022 година, анализирана е ситуацијата од 76 минута.
Главен судија: Александар Ставрев; Помошен судија: Дејан Костадинов и Гоце Петрески;
76. минута: ДОБРА ПРОЦЕНКА НА ГЛАВНИОТ СУДИЈА (досуден удар од 11 метри)
Центрирана топка централно во шеснаесетникот на екипата на домаќините, голманот од домашните неспретно ја боксува топката и таа удира во рака на одбранбен играч која рака е одвоена од телото и е во неприродна положба (зголемен волумен на тело).
Исправна одлука на главниот судија, досуден удар од 11 метри.
На натпреварот ФК Детонит – ФК Локомотива Пехчево одигран на 29.10.2022 година, анализирани се ситуациите од 29, 30, 35 и 73 минута.
Главен судија: Марјан Стојановски; Помошен судија: Петар Степановски и Осман Зекири;
29. минута: ДОБРА ПРОЦЕНКА НА ГЛАВНИОТ СУДИЈА (недосуден удар од 11 метри)
Играч од екипата на гостите додаде топка во празно, на топката стартуваа два противнички играчи тело со тело, ремплање.
Исправна одлука на главниот судија, дозволи играта да продолжи, односно топката да излезе во корнер.
30. минута: ДОБРА ПРОЦЕНКА НА ГЛАВНИОТ СУДИЈА (досуден удар од 11 метри)
Центрирана топка од корнер централно во шеснаесетникот на домаќините, на топката скокаат два противнички играчи, во тој момент на играчот на гостинската екипа кој скока на топка со глава е направен прекршок (користење рака-лакт во дуел за топка) од домашен одбранбен играч.
Исправна одлука на главниот судија, досуден удар од 11 метри за неспортски направен прекршок (удар со рака-лакт) и исправно доделен жолт картон..
35. минута: ДОБРА ПРОЦЕНКА НА ГЛАВНИОТ СУДИЈА (недосуден удар од 11 метри)
Играч од домашната екипа продира по десна страна и влегува во шеснаесетникот на гостинската екипа. Врз него без интензитет стартува (блокира) гостински одбранбен играч со минимален контакт кој домашниот напаѓач умешно го искористува и преувеличува и паѓа.
Исправна одлука на главниот судија, дозволи играта да продолжи бидејќи контактот е мимимален и не доволен за да се досуди удар од 11 метри.
73. минута: ДОБРА ПРОЦЕНКА НА ГЛАВНИОТ СУДИЈА И ВТОРИОТ АСИСТЕНТ СУДИЈА (недосуден удар од 11 метри)
Домашен играч центрира топка од десната страна во близина на вториот асистент судија, топката го удира гостинскиот одбранбен играч во рака која е во неприродна положба и зголемува волумен на тело, но за цело тело се наоѓа надвор од шеснаесетникот.
Одлична соработка ГЛАВЕН – ВТОР АСИСТЕНТ и исправно досуден само слободен удар, бидејќи играњето со рака беше надвор од шеснаесетникот, а вториот асистент судија имаше одлична поставеност и прегледност за проценка на целата ситуација.
На натпреварот ФК Борец – ФК Караорман одигран на 29.10.2022 година, анализирана е ситуацијата од 13 минута.
Главен судија: Кирол Смоквоски; Помошен судија: Иле Мишески и Борис Трајков;
13 минута: ДОБРА ПРОЦЕНКА НА ГЛАВНИОТ СУДИЈА (недосуден удар од 11 метри)
Играч од нападот на гостинската екипа центрира топка по левата страна во шеснаесетникот, центрираната топка го удира одбранбен играч во рака која во моментот на контакт со топката се наоѓа во природна положба.
Исправна одлука на главниот судија, дозволи играта да продолжи бидејќи раката на играчот беше во природна положба и блиску до телото.
На натпреварот ФК Тетекс – ФК Слога В. одигран на 30.10.2022 година, анализирана е ситуацијата од 70 минута.
Главен судија: Дени Лековски; Помошни судии: Владимир Митревски и Николче Дрнковски;
70. минута: ДОБРА ПРОЦЕНКА НА ПРВИОТ ПОМОШЕН СУДИЈА (недосудено офсајд позиција)
Играч од нападот на гостите додаде топка до свој соиграч кој во моментот кога му е додадена топката се наоѓаше во линија со топката, истиот играч постигна гол кој е регуларен.
Исправна одлука на првиот помошен судијата, голот е регуларен бидејќи во момент на додавање на топката играчот од екипата на гостите се наоѓа во линија со топката и постигнатиот гол е регуларен.
На останатите натпревари од 2 МФЛ немаше спорни ситуации за судиска анализа.
Спорт
Првиот човек на ФФМ, Масар Омерагиќ ги претстави новите партнери – Гранд Ауто

Гранд Ауто, официјалниот застапник на Ford, Hyundai, MG Motor и Chery за Македонија постигнаа договор со Фудбалската Федерација на Македонија (ФФМ) за поддршка на Фудбалската федерација на Македонија и нашите национални репрезентации.
Ford и Hyundai, како докажани пријатели на спортот во светски рамки и нераскинлив дел од сите важни моменти од големите натпреварувања, Европски и Светски првенства, а пред почетокот на новиот квалификациски циклус на македонската репрезентација за мундијалот 2026 година, Гранд Ауто и ФФМ интензивно се подготвуваат за креирање на вистинска навивачка атмосфера и поддршка на нашите фудбалери на патот кон нов историски успех.
– „Ни претставува задоволство што денеска нашата репрезентација и ‘Куќата на фудбалот’ добиваат нов партнер во името на Гранд Ауто.
Нѐ радува тоа што едни од најпрепознатливите автомобилски брендови, стануваат дел од фудбалското семејство. Уште повеќе поради фактот што просечната старост на возилата во ФФМ до овој момент беше речиси 18 години и повеќе од двесте илјади минати километри. ФФМ никогаш досега немала партнер во име на официјален застапник на автомобилски бренд во овој обем, но тука сме да ги менуваме работите и во овие нецели два месеци, промените се случуваат.
– Правиме сѐ за да овозможиме најдобри услови за репрезентациите и нивната логистика, а оваа соработка е токму во таа насока. Верувам дека заеднички со Гранд Ауто ќе се радуваме на нови победи, ќе ја бодриме нашата репрезентација и ќе славиме за нови победи. Благодарност до сите во Гранд Ауто за поддршката и за тоа што верувате во подобра федерација и нови победи за македонската репрезентација, истакна претседателот на ФФМ, Масар Омерагиќ.
Повеќе проследете на официјалниот линк од ФФМ, ТУКА
Спорт
Младата женска фудбалска репрезентација до 17 години со „петарда“ против своите врснички од Молдавија, 5:0 за нашите девојки кои ветуваат одлична игра!

Млада женска репрезентација на Македонија до 17 години славеше убедлива победа со 5:0 против соодветната селекција на Молдавија во рамките на првото коло од квалификацискиот турнир ЕП кој се одржува во Скопје.
На тренинг центарот „Петар Милошевски”, избраничките на Катерина Милеска одиграа одличен меч во кој во целост го надиграа противникот и остварија сосема засллужено победа.
Накова го обележа овој натпревар во кој успеа да постигне три погодоци.
Резултатот го отвори најдобриот поединец на денешната средба, Настасја Накова во 29. минута. Истиот играч во 51. минута стрелаше за 2:0. Три минути подоцна, Калина Попески го постигна третиот погодок на денешната средба. Ева Величкова беше стрелец на четвртиот гол во 66. минута, а Настасја Накова во 77. минута го комплетираше хет трикот и ги постави конечните 5:0.
Квалификациски турнир во Скопје
Жени до 17 години
Македонија – Молдавија 5:0 (1:0)
МАКЕДОНИЈА: Евгенија Велјановска, Мила Панева (Тамара Лазеска 82′), Блехана Алиеска, Меланија Грозданова, Ева Величкова (Ноелле Митревски 70′), Настасја Накова, Теона Галабовска (Розита Пецева 82′), Калина Попески (Елена Наумовска 70′), Канита Емини, Ана Марија Цветкоска (Јована Каралиоска 46′), Андреа Коловска;
Селектор: Катерина Милеска;
На 12. март од 11.часот на тренинг центарот „Петар Милошевски” играме со Словенија.
Меѓусебната пресметка, Молдавија и Словенија ќе ја одиграат на 9. март, со почеток во 13. часот.
Извор: ФФМ
Спорт
Новото раководство на ФФМ со плодна работа уште на старт, конечно стартува онлајн платформа за продажба на влезници за претстојните натпревари на репрезентацијата

Фудбалската федерација на Македонија (ФФМ) официјално ја стави во употреба својата on-line платформа (eticket.ffm.mk) за продажба на влезници за натпреварите на македонската репрезентација.
Навивачите и сите поддржувачи на македонскиот национален тим ќе можат да купуваат билети директно преку нашата нова веб-платформа, (eticket.ffm.mk), овозможувајќи побрз, побезбеден и поедноставен начин за поддршка на нашата репрезентација и домашните фудбалски натпревари.
Во неколку чекори подгответе се за натпреварот:
1. Посетете ја платформата eticket.ffm.mk
2. Изберете натпревар
3. Одберете седиште
4. Извршете уплата
5. Преземете го дигиталниот билет
Со оваа платформа добивате: Безбедно и лесно купувањена билети, предвремен пристап до влезници, дигитални и мобилни опции за нарачка и купување на влезници и ажурирање во реално време за достапноста на билетите.
Електронската платформа eticket.ffm.mk е достапна на македонски, албански и англиски јазик. Посетете ја eticket.ffm.mk за повеќе информации и бидете дел од поинакво фудбалско искуство, истакна ФФМ преку своето интегрално соопштение за јавноста.
Имено, со претстојните новости новото раководство на Федерацијата на чело со г-дин Омерагиќ и тоа како се пушти во плодна работа во корист на љубителите на фудбалот и воопшто на македонскиот спорт. Според најавите, со подобностите од ваков тип тек се започнува – што реално е за сите почести.
Во меѓувреме познат е распоредот за третиот круг од првенството во Првата фудбалска лига
Напред Македонија!
-
Кичево21 час
Утре во Кичево се организира бесплатен преглед на очен притисок, бидете дел и спречете го „тивкиот убиец на видот“ – Глауком
-
Хороскоп1 ден
Хороскоп за понеделник (10 март)
-
Хороскоп8 часа
Хороскоп за вторник (11 март)
-
Македонија19 часа
Дизелот и бензинот со нова намалена цена за литар од ноќеска
-
Здравје и убавина2 дена
Дали сте знаеле за моќниот домашен еликсир против пролетната поленска кивавица?
-
Магазин19 часа
Како правилно да го полните вашиот iPhone за подолг век на батеријата
-
Гејминг19 часа
Подгответе го паричникот – GTA VI може да чини 100 долари
-
На денешен ден1 ден
10 март – На денешен ден