Спорт
Судиска комисија за одиграните натпревари од 14-то коло во ПМФЛ, Шкендија, Пелистер и Воска оштетени во одигрувањата..
Судиска комисија ги разгледа спорните моменти од 14. коло на ПРВА МФЛ и ги донесе следните заклучоци:
На натпреварот ФК Скопје – ФК Силекс одигран на 05.11.2022 година, анализирана е ситуацијата од 86. минута.
Главен судија: Александар Грујоски. Помошни судии: Куштрим Лика и Зоран Јанкулоски.
86. минута: ДОБРА ПРОЦЕНКА НА ГЛАВНИОТ СУДИЈА (доделен ЦРВЕН картон)
Играч од екипата на гостите беше во посед на топката и во очигледна шанса за гол (сам пред голман на гостите) на 25 метри од голот. На него од зад грб стартуваше неспортски претпоследниот играч од екипата на домаќините, спречувајќи го играчот да постигне гол.
Исправна одлука на главниот судија, доделен ЦРВЕН картон за играчот на домаќините за спречување очигледна шанса за гол.
На натпреварот ФК Шкендија – ФК Академија Пандев одигран на 06.11.2022 година, анализирани се ситуациите од 27, 43, 67 и 90+7 минута.
Главенсудија: Марјан Младеновски. Помошни судии: Слаѓан Марковски и Филип Ицковски.
27. минута: ДОБРА ПРОЦЕНКА НА ГЛАВНИОТ СУДИЈА (недосуден удар од 11 метри)
Играч од екипата на домаќините беше во посед на топката странично во шеснаесетникот на екипата на гостите, играч од екипата на гостите сакаше да ја избие топката, но дојде до минимален контакт на ногата на играчот од нападот и истиот падна.
Исправна одлука на главниот судија што дозволи играта да продолжи, бидејќи контактот беше минимален и недоволен за удар од 11 метри.
43. минута: ДОБРА ПРОЦЕНКА НА ГЛАВНИОТ СУДИЈА (недосуден удар од 11 метри)
ПОГРЕШНА ПРОЦЕНКА НА ГЛАВНИОТ СУДИЈА (недоделен ЦРВЕН картон)
Играч од екипата на гостите ја имаше топката во свој посед пред самата линија од шеснаесетникот на екипата на домаќините и беше во очигледна шанса за гол (сам пред голман), пред да влезе во шеснаесетникот беше турнат (од зад грб) од играч од одбраната на домаќините, играчот потоа од туркањето падна во шеснаесетникот на домаќините и судијата исправно досуди слободен удар.
Исправна одлука на главниот судија што не досуди удар од 11 метри, бидејќи прекршокот беше надвор од шеснаесетникот на домаќините.
Погрешна одлука на главниот судија околу доделување дисциплинска мерка, беше доделен жолт картон, а во оваа ситуација требаше да се додели ЦРВЕН картон за спречување очигледна шанса за гол (туркање), бидејќи играчот излегуваше сам пред голманот.
67. минута: ПОГРЕШНА ПРОЦЕНКА НА ВТОРИОТ ПОМОШЕН СУДИЈА (недосудено офсајд позиција)
Центрирана топка во шеснаесетникот на екипата на гостите, во моментот на центаршутот играч од екипата на домаќините беше во линија со претпоследниот играч на екипата на гостите и постигна гол.
Погрешна одлука на вториот помошен судија што досуди офсајд позиција, бидејќи играчот од екипата на домаќините во момент на додавање на топката од соиграчот се наоѓаше во дозволена позиција, голот требаше да биде признаен.
90+7 минута: ДОБРА ПРОЦЕНКА НА ГЛАВНИОТ СУДИЈА (доделен ЦРВЕН картон)
Во прекин на игра, играч на екипата на домаќините со тупаница во лице удри играч од екипата на гостите, играчот од ударот падна и потоа беше удрен со нога (насилнички) во пределот на телото.
Добра одлука на главниот судија, доделен ЦРВЕН картон на играчот од екипата на домаќините за насилничко однесување (удар со тупаница во пределот на лицето и удирање со нога во пределот на телото).
На натпреварот ФК Работнички – ФК Струга Трим Љум одигран на 06.11.2022 година, анализирана е ситуацијата од 72 минута.
Главен судија: Игор Стојчевски. Помошни судии: Драган Трпчевски и Душко Панов.
72. минута: ДОБРА ПРОЦЕНКА НА ВТОРИОТ ПОМОШЕН СУДИЈА (недосудено офсајд позиција)
Играч од екипата на гостите беше во напад и ја додаде топката до свој соиграч кој во моментот на додавање беше во линија со претпоследниот играч од одбраната на домаќините, ја прими топката и постигна гол.
Исправна одлука на вториот помошен судија, голот е регуларен бидејќи во момент на додавање на топката од свој соиграч, играчот од екипата на гостите беше во дозволена позиција.
На останатите натпревари од ПРВА МФЛ немаше спорни ситуации за судиска анализа.
Судиска анализа на 11 коло од ВТОРА МФЛ за сезона 22/23
Судиска комисија ги разгледа спорните моменти од 11. коло на ВТОРА МФЛ и ги донесе следните заклучоци:
На натпреварот ФК Слога Виница – ФК Вардар одигран на 05.11.2022 година анализирани се ситуациите од 18, 43 и 55 минута.
Главен судија: Крумислав Ѓорѓиев. Помошен судија: Петар Новачев и Роберт Црвенов.
18. минута: ДОБРА ПРОЦЕНКА НА ГЛАВНИОТ СУДИЈА (недосуден удар од 11 метри)
Играч од екипата на домаќините беше во посед на топката во шеснаесетникот на екипата на гостите, сакајќи да ја додаде топката до соиграч истата го удри играчот од одбраната на гостите во рака, која му беше спуштена долу и во природна положба.
Исправна одлука на главниот судија што дозволи играта да продолжи, бидејќи во моментот кога топката го удри играчот во рака таа му беше во природна положба. Судијата беше одлично поставен и близу ситуацијата.
43. минута: ДОБРА ПРОЦЕНКА НА ГЛАВНИОТ СУДИЈА (досуден удар од 11 метри)
Играч од екипата на гостите беше во посед на топката пред шеснаесетникот и странично од голот на домаќините, играчот беше влечен од одбранбениот играч на домаќините пред шеснаесетникот, за влечењето да продолжи внатре во шеснаесетникот, играчот го изгуби поседот на топката и падна. Главниот судија е добро поставен и има целосна прегледност на ситуацијата.
Исправна одлука на главниот судија, досуден удар од 11 метри, иако влечењето започна надвор од шеснаесетникот, бидејќи продолжи и внатре, исправно е досуден удар од 11 метри.
55. минута: ДОБРА ПРОЦЕНКА НА ГЛАВНИОТ СУДИЈА (доделен втор жолт – ЦРВЕН)
Играч од екипата на гостите беше во посед на топка и во ветувачка акција, на него неспортски стартуваше играч од екипата на домаќините.
Исправна одлука на главниот судија, досуден слободен удар и доделен жолт картон за играчот на домаќините за спречување ветувачка акција и неспортски старт, бидекјки тоа му беше втор жолт на играчот, автоматски му беше доделен ЦРВЕН картон.
На натпреварот ФК Воска – ФК Кожуф одигран на 05.11.2022 година анализирани се ситуациите од 61. и 75. минута.
Главен судија: Дејан Младеновски. Помошен судија: Владимир Ѓошевски и Владимир Арсовски.
61. минута: ДОБРА ПРОЦЕНКА НА ГЛАВНИОТ СУДИЈА (досуден удар од 11 метри)
По изведен удар од агол за екипата на гостите, гостинскиот играч пред да ја удри топката со глава, играчот на домаќините му се подмести со телото и го повлече за дресот спречувајки го да ја удри со глава .
Исправна одлука на главниот судија, досуден удар од 11 метри и доделен жолт картон.
75. минута: ПОГРЕШНА ПРОЦЕНКА НА ГЛАВНИОТ СУДИЈА (недосуден удар од 11 метри)
Играч од екипата на домаќините беше во посед на топка странично во шеснаесетникот на гостите, истиот сакаше да ја центрира топката, меѓутоа играч од одбраната на гостите ја спречи топката играјќи ја со рака која му беше во неприродна положба (широко одвоена од тело).
Погрешна одлука на главниот судија, требаше да се досуди удар од 11 метри, бидејќи раката на играчот на гостите беше во неприродна положба (широко одвоена од тело). Во оваа ситуација главниот судија не е поставен добро и затоа не го гледа играњето со рака на одбранбениот играч.
На натпреварот ФК Караорман – ФК Пелистер одигран на 05.11.2022 година анализирани се ситуациите од 3, 16, 40 и 54 минута.
Главен судија: Стојанче Стојанов. Помошен судија: Христијан Џонов и Зоран Саздовски.
3. минута: ПОГРЕШНА ПРОЦЕНКА НА ВТОРИОТ ПОМОШЕН СУДИЈА (недосудено офсајд позиција)
Играч од нападот на гостинската екипа додаде топка до свој соиграч кој во момент на додавање се наоѓаше позади претпоследниот играч од одбраната на домаќините, ја прими топката и постигна гол.
Погрешна одлука на вториот помошен судија што сигнализираше офсајд позиција , бидејќи играчот при додавање на топката од свој соиграч се наоѓаше во дозволена позиција, голот е регуларен и требаше да биде признат.
16. минута: ИСПРАВНА ПРОЦЕНКА НА ВТОРИОТ ПОМОШЕ СУДИЈА (недосудено офсајд позиција)
Играч од екипата на гостите додаде топка до соиграч, кој во моментот на додавање се наоѓаше во линија со претпоследниот играч од одбраната на домаќините, истиот ја поведе топката и ја додаде до друг соиграч кој постигна гол.
Исправна одлука на вториот помошен судија, голот е регуларен бидејќи играчот на гостите кога му беше додадена топката од соиграчот се наоѓаше во линија со претпоследниот играч од одбраната на домаќините.
40. минута: ИСПРАВНА ПРОЦЕНКА НА ГЛАВНИОТ СУДИЈА (досуден слободен удар над голман)
Центрирана топка во шеснаесетникот на домаќините, играч на гостите и голманот тргнаа на топката и играчот направи прекршок спречувајки го голманот да реагира, цела ситуација се одвиваше пред самата гол линија, каде голманот треба да е заштитен. Од оваа ситуација играчот на гостите постигна гол.
Исправна одлука на главниот судија, голот е поништен и досуден е слободен удар над голманот за екипата на домаќините.
54. минута: ДОБРА ПРОЦЕНКА НА ГЛАВНИОТ СУДИЈА (досудено офсајд позиција)
Играч на екипата на гостите беше во посед на топката во шеснаесетникот на домаќините, ја шутна топката кон голот на гостите и постигна гол. Меѓутоа во моментот кога ја шутна топката кон голот, имаше негов соиграч кој се наоѓаше во офсајд позиција, пред голманот на домаќините и сметаше во неговото видно поле.
Исправна одлука на главниот судија, голот е поништен, досудено е офсајд позиција бидејќи при шутот на играчот на гостите кон голот, негов соиграч се наоѓаше пред претпоследниот играч од одбраната на домаќините и пред голманот, сметајќи на неговото видно поле.
На натпреварот ФК Беласица – ФК Тетекс одигран на 05.11.2022 година, анализирана е ситуацијата од 49. минута.
Главен судија: Влатко Илиоски. Помошни судии: Марјан Смилковски и Борис Трајков.
49. минута: ДОБРА ПРОЦЕНКА НА ГЛАВНИОТ СУДИЈА (доделен втор жолт – ЦРВЕН картон)
Играч од екипата на домаќините додаде полувисока топка до соиграч на својата половина, играчот се наведна да ја удри топката со глава и во тој момент играч од екипата на гостите сакајќи да ја удри топката, невнимателно со коленото го удри играчот кој беше наведнат.
Исправна одлука на главниот судијата, досуден слободен удар за невнимателниот старт и доделен жолт картон, бидејќи тоа беше втор жолт картон за играчот на гостите, автоматски му беше доделен ЦРВЕН картон.
На натпреварот ФК Пехчево – ФК Борец одигран на 05.11.2022 година, анализирана е ситуацијата од 47. минута.
Главенсудија: Јосип Бартон .Помошни судии: Дарко Јовчевски и Идриз Идризи.
47. минута: ДОБРА ПРОЦЕНКА НА ГЛАВНИОТ СУДИЈА (доделен втор жолт – ЦРВЕН картон)
Играч на екипата на домаќините после свирнат прекин на играта, неспортски ја шутна топката.
Исправна одлука на главниот судија, доделен жолт картон за неспортски однос (шутирање топка после свирка), бидејќи тоа беше вторт жолт картон за играчот, автоматски му беше доделен ЦРВЕН картон.
На натпреварот ФК Беса – ФК Охрид одигран на 05.11.2022 година, анализирана е ситуацијата од 29. минута.
Главен судија: Доне Ристовски. Помошни судии: Стојан Костадинов и Михаил Џорлев.
29 минута: ДОБРА ПРОЦЕНКА НА ВТОРИОТ ПОМОШЕН СУДИЈА (досудено офсајд позиција)
Играч од екипата на домаќините додаде топка до соиграч, кој во моментот на додавањето се наоѓаше пред претпоследниот играч од одбраната на гостите и постигна гол.
Исправна одлука на вториот помошен судија, голот е поништен, досудено е офсајд позиција бидејќи играчот при додавање на топката од соиграчот се наоѓаше понапред од претпоследниот играч од одбраната на гостите.
Вчера во „Куќата на фудбалот“ се одржа работилница за финансиските критериуми во процесот на клупско лиценцирање, која беше организирана со цел да ги информира и едуцира сите вклучени субјекти во процесот на лиценцирање на клубови.
Работилницата се одржа во присуство на финансиски директори, сметководители и ревизори кои се дел од клубовите кои аплицираат за лиценца.
Целта на работилницата беше да се обезбедат детални информации и практични насоки за тоа како клубовите можат да ги исполнат финансиските критериуми потребни за успешна апликација за клупска лиценца. Присутните имаа можност да ги разгледаат најновите прописи и регулативи кои се однесуваат на финансиската стабилност, транспарентност и одржливост на клубовите.
Теми на работилницата беа:
Основи на финансиските критериуми за клупско лиценцирање:
Преглед на клучните финансиски стандарди што клубовите мора да ги исполнат, како што се ликвидност, профитабилност и одржлива финансиска структура
.Прописи за финансиски извештаи и документи:
Детален преглед на финансиските документи што се бараат при апликацијата за лиценца, вклучувајќи годишни извештаи, ревизии и други релевантни извештаи.
Преглед на најчести финансиски грешки и проблеми:
Анализа на најчестите грешки кои се појавуваат при подготовката на финансиските извештаи и како тие можат да се избегнат.
Презентација на системи за ревизија и контрола:
Како клубовите можат да воведат подобри процеси за финансиска контрола и ревизија за да ги задоволат барањата на лиценцирањето.
Работилницата се состоеше од теоретски дел, каде што учесниците беа запознаени со законските рамки и правилници, при што присутните имаа можност да дискутираат на овие теми. Оваа интерактивна форма овозможи поблиска комуникација помеѓу учесниците и експертите, што значително ја подобри размената на искуства и знаења.
Работилницата беше од големо значење за учесниците, кои добија практични совети и препораки за подобрување на финансиското управување во клубовите. Присутните се согласија дека најголемиот предизвик за клубовите е да ги исполнат финансиските критериуми, особено во периоди на економски предизвици.
Одделението за лиценцирање при ФФМ најави дека работилници од овој тип ќе продолжат и во иднина, со цел да се овозможи поддршка на клубовите кои аплицираат за клупска лиценца и размена на знаења и искуства, за јавноста истакнаа од Фудалската федерација на Македонија
Српскиот тенисер Новак Ѓоковиќ и натаму е на седмото место на АТП листата со 3.910 бодови, додека Италијанецот Јаник Синер е прв со 11.830 бодови. Германецот Александар Зверев е втор со 7.915 бодови, додека на третото место е Шпанецот Карлос Алкараз со 7.010 бодови.
Потоа следат Американецот Тејлор Фриц, Русинот Данил Медведев и Норвежанецот Каспер Руд. Рускиот тенисер Андреј Рубљев е осми тенисер во светот, а зад него се Австралиецот Алекс де Минор и Бугаринот Григор Димитров.
Како и кај другите српски тенисери, Миомир Кечмановиќ го задржа 54. место со 1.021 бод, додека Душан Лајовиќ е 81. светски играч со 710 поени. Хамад Меѓедовиќ е 114. тенисер во светот со 536 поени, додека Ласло Џере е на 115. позиција со 519 поени, пренесува danas.rs
Спорт
Гвардиола: „Се е полошо и полошо, неможам да најдам решение“ – По водството Манчестер Сити за две минути прими два гола и остана без бодови
Манчестер Сити и Пеп Гвардиола испуштија победа во градското дерби. „Сити“ водеше на „Етихад“ до 88. минута, за само две минути примија два гола и останаа без бодови: Манчестер Сити – Манчестер Јунајтед 1:2.
Шпанскиот тренер по мечот делуваше неутешно, а неговите играчи беа вознемирени, особено Матеус Нунес, виновникот за пеналот.
– „За жал, оваа година пречесто почнаа да ни се случуваат вакви работи. Не бевме добри во начинот на кој игравме. Порано се се одвиваше така глатко, сега се мачиме од разни причини. Ова е голем пораз. Вложивме сè и натпреварот беше речиси затворен. Тешко е да се прифати дека на крајот примивме два гола и загубивме. Ова не е вина на еден играч. Ова е дефинитивно тешка сезона за нас“, изјави Пеп Гвардиола.
Сегашната статистика е катастрофална. Дури осум порази во последните 11 натпревари во сите натпреварувања.
– „Немавме толку порази во претходните две сезони заедно. Мора да се браниме подобро. Загубивме премногу натпревари. Тешко е, но мораме да продолжиме понатаму и да се обидеме да најдеме решение“.
Новинарите прашаа дали овој пораз од градскиот ривал му бил еден од најтешките на клупата на Сити. Добија негативен одговор.
– „Мислам дека во овие девет години не беше најтешкиот пораз. Поразите се многу потешки во Лигата на шампионите. Но, во моментов ни требаат резултати за да ни се подигне духот. Сè е полошо и полошо. Морам да најдам решение. Досега не сум успеал и тоа е вистината“.
Сити остана на петтото место со 27 удари. Во следното коло гостува Астон Вила.
Табела:
Хороскоп за четврток (19 декември)
ОВЕН Доаѓа време во кое ќе успеете да остварите успех на работно поле. Конечно ќе бидете задоволни со својата работа....
Јапонската ракета „Каирос“ откажа неколку минути по полетувањето
Јапонската компанија Space One ја истражува причината за неуспехот на ракетата Kairos, која абортираше по десет минути поради нејзиниот автономен...
Вчера во ФФМ се одржа работилница за финансиски критериуми во клупско лиценцирање
Вчера во „Куќата на фудбалот“ се одржа работилница за финансиските критериуми во процесот на клупско лиценцирање, која беше организирана со...
Пред нас е големиот празник Св.Никола, светоцот заштитник на децата, сиромашните и работниците, за многу години најчестата слава во македонските домови!
Православните христијани во Македонија од утре го празнуваат Свети Никола Чудотворец, светецот заштитник на децата, морепловците, девојките, сиромашните, учениците, пекарите,...
МВР: Преземени дисциплински мерки за полициски службеници од ГП „Долно Блаце“
Во врска со преминувањето на државната граница на Граничниот премин „Долно Блаце“ од страна на А.Г. иако имал активна мерка...
Дедо Мраз пристигна во Кичево, на голема радост на најмилите
Токму така, секој ден со почеток од 12:00 до 20:00ч, во недела од 12:00 до 19:00ч, на радост на најмилите,...
(ФОТО+ВИДЕО) Во акцијата во Арачиново пронајдено оружје, ранец и други предмети
На 18.12.2024 околу 01.30 часот од страна на полициски службеници од Единицата за брзо распоредување и Единицата за недозволена трговија...
Lamborghini го одложи првиот електричен модел до 2029 година
Иако Lamborghini со ентузијазам го промовира својот хибриден суперспортски автомобил Revuelta, нивниот прв целосно електричен модел, Lanzador, нема да биде...
Еве колку ќе чинат Redmi Note 14 телефоните во Европа
Серијата Redmi Note 14 веќе е достапна на пазарите во Кина и Индија, а наскоро ќе пристигне и во Европа....
Threads ја тестира функцијата за закажување објави
Мета ја тестира функцијата за закажување објави на социјалната мрежа Threads, која им овозможува на корисниците подобра контрола во планирањето...
-
Хороскоп1 денХороскоп за среда (18 декември)
-
Кичево1 денКичево се спрема за најубавите празнични денови од годината, плоштадот ќе биде украсен со најубавата „Витлеемската Пештера“ и огромна елка со многу подароци и лампиони
-
Кичево1 денСоопштение од кичевската црква Св.Петар и Павле по повод благословување и осветување на славските колачи за големиот ден Св.Николај Мирликијски
-
Кичево9 часа
Дедо Мраз пристигна во Кичево, на голема радост на најмилите
-
Временска прогноза1 денЕве какво време не очекува викендот пред нас
-
Хороскоп1 час
Хороскоп за четврток (19 декември)
-
Автомобили1 денПо нивното автомобилско стратешко партнерство, дали производителите на автомобили „Honda“ и „Nissan“ ќе се спојат?
-
Култура6 часа
Пред нас е големиот празник Св.Никола, светоцот заштитник на децата, сиромашните и работниците, за многу години најчестата слава во македонските домови!