Сѐ е полесно кога хуманоста е на високо ниво, а тоа сме го покажале многу пати, па немавме сомнеж дека и овој пат ќе се докаже. Имено на нашиот текст со иницијатива на Бибе од „Роденденски пињати“, подпомогнати од за место и време од секогаш хуманите свештеници од Кичевска парохија викендов се реализираше уште една успешна предновогодишна хуманитарна акција, каде збиравме основни намирници за домаќинство, јадење, средства за хигиена итн.

Како и секоја година, така и оваа ќе ги истакнеме нај хуманитарните луѓе и претпријатија кои ги заслужуваат сите почести:

• Нашите партнери (АТВА Маркети), „Joyson Safety Systems“, политичка партија „Левица“, „Нотар Кристина Петреска“, вработените во „АС маркет“, „Shehi од N.N Celiku“, „Маријана Ѓиноска“, „Бети Димоска“, „Лиле и Ќире“, „Оле и Боби“ и сите останати хумани граѓани кои несебично ни помогнаа да обезбедиме пакети со храна за 40 семејства.

Донациите ќе бидат предадени до семејствата во текот на денешниот ден. Уште еднаш упатуваме огромна благодарност до сите хумани срца, до сите добронамерници, до кичевската православна црква Св.Петар и Павле и сите кои на свој начин допринесоа за реализирање на овој мал но сепак битен настан.

Не заборавајте, рака што дава не се суши, а ние продолжуваме колку можеме да се најдеме на оние кои – она малку за нас, на нив им значи многу!