Временска прогноза
Утрово ги имаме најновите и прецизни метео вести, услови за провејување снег до 1500 м.н.в, ова се деталите..

До сабота времето во Македонија ќе се задржи променливо облачно со сончеви периоди а ќе дува и слаб до умерен, особено денес и утре Долж Повардарието и во источните предели повремено засилен ветер од северен и од северозападен правец. Денес во западните предели ќе има услови за повремен слаб дожд, додека на планините над 1500 м.н.в ќе провејува слаб снег.
Температурите ќе се искачуваат во интервалот од 7 до 16 степени,а наутро истите на повеќе места ќе се спуштаат под нулата. Најстудено утро ќе имаме во сабота кога минималните температури ќе се спуштаат во интервалот од -6 до 2 степени.
Во Скопје и околината исто така времето ќе биде променливо облачно со сончеви периоди. Ќе дува повремено засилен ветер од северозападен правец. Наутро температурите ќе се спуштаат во интервалот од о до 3 степени, додека максималните дневни температури на воздухот ќе се искачуваат во интервалот помеѓу 10 и 12 степени.
Нов влажен и УШТЕ ПОСТУДЕН бран од север се очекува во недела особено доцна попладне и навечер, како и во текот на ноќта кон понеделник и во понеделник кога се очекуваат нови врнежи од дожд. На повисоките места и на планините ќе врне СНЕГ а снежната граница особено во западните и во северните предели локално ќе се спушти дури и под 1000 м.н.в, со што провејување на снег се очекува понекаде и во населените места.
На планинските места и скијачките центри се очекува ново формирање, како и зголемување на снежната покривка.
Автор: Славчо Попоски (Метеоаларм)
Временска прогноза
Од утре промена во атмосферата, најава за дестабилизација на времето кое носи нови врнежи од дожд и засилен ветер, ова се информациите…

Под влијание на влажна и на нестабилна воздушна маса која е поврзана со циклонска активност со центар над Џеновскиот залив, утре (сабота 30 август) како и во текот на ноќта кон недела (31 август) времето во Македонија ќе биде променливо и нестабилно на повеќе места со пороен дожд, грмежи и со засилен ветер. Локално ќе има услови и за појава на невреме, проследено со силен ветер и со услови за појава на град.
И во Скопје и околината во погоре споменатиот период времето ќе биде променливо и нестабилно со повремен пороен дожд, грмежи, засилен ветер и со услови за појава на невреме во делови од котлината. Утре (сабота 30 август) повремено ќе дува засилен ветер од јужен и од југозападен правец, додека во текот на ноќта кон недела (31 август) и особено во Повардарието ќе дува засилен ветер од северен правец.
Што се однесува до температурите, тие во недела (31 август) ќе бидат во опаѓање и максималните дневни температури во недела ќе се искачуваат во интервалот од 24 до 31 степен, што значи дека во недела (31 август) ќе бидеме под влијание на посвежа воздушна маса од север, пишува Славчо Попоски
Временска прогноза
Прекрасна вест, топлото време продолжува, додека на утро останува да биде посвежо

Под влијание на стабилна, сува и топла воздушна маса од југ, односно од Африка, од денес (среда 27 август) до петок (29 август) времето во Република Македонија ќе биде сончево и значително потопло преку ден со мала до умерена локална облачност. Ќе дува слаб до умерен ветер претежно од јужен правец.
Што се однесува до температурите, тие во најголем дел од Македонија ќе надминуваат 30 степени, а во Повардарието како и во југоисточните предели температурите локално ќе надминуваат и 35 степени. Во Скопје и околината исто така во погоре споменатиот период температурата ќе се искачува до околу или пак ќе надминува 35 степени, а времето ќе биде сончево со мала до умерена локална облачност и со слаб до умерен ветер претежно од јужен правец.
Наутро пак останува релативно свежо времето со минимални температури кои ќе се спуштаат во интервалот од 7 до 17 степени. Во Скопје и околината наутро температурата ќе се спушта во интервалот помеѓу 12 и 14 степени.
Да напоменам дека разликата помеѓу минималните утрински и максималните дневни температруи на воздухот во следните неколку денови ќе биде огромна (и за повеќе од 20 степени ќе биде разликата деновиве помеѓу истите). Токму поради ова, особено метеопатите ќе ја почувстуваат позначително оваа огромна разлика на температурите, тоа значи дека кај истите се можни поголеми здравствени проблеми.
Промена на времето проследна со развој на нестабилност, локален пороен дожд, грмежи, ветер и пад на температурите ќе имаме за време на викендот (сабота и недела 30/31 август) кога ќе има услови и за локална појава на невреме. Детална метео анализа околу оваа промена на времето следува во следните мои метео објави, утрово истакна метеорологот Славчо Попоски
Временска прогноза
Вечерашните температури се спуштија и до 10 степени, во следните часови се очекува понатамошно нивно опаѓање

Доцна вечерва во нашата држава имаме ведро и свежо време насекаде, претежно е тивко и без некој изразен ветер. Најсвежо оваа вечер е во Лазарополе каде се измерени само 10 степени. Од градовите пак најсвежо е во Охрид со измерени 13 степени.
На метеоролошката карта можете да ги видите температурите измерени во нашата Македонија доцна вечерва. Во следните часови очекувам понатамошно опаѓање на температурите на воздухот насекаде во Македонија, доцна вечерва информираше Славчо Попоски од Метеоаларм.
-
Кичево1 ден
(ФОТО) Денес во просториите на „РЕК Осломеј“ свечено беше одбележан 28 август, „Денот на рударите“
-
Хороскоп1 ден
Хороскоп за четврток (28 август)
-
Хороскоп12 часа
Хороскоп за петок (29 август)
-
Хроника20 часа
Во хотелска соба бил пронајден починат 69-годишник од Австралија
-
Автомобили2 дена
Nissan GT-R се пензионира по 18 години – крај на една ера
-
Магазин2 дена
Apple ќе ги открие новите модели на iPhone на 9 септември
-
Спорт22 часа
Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“
-
Временска прогноза3 часа
Од утре промена во атмосферата, најава за дестабилизација на времето кое носи нови врнежи од дожд и засилен ветер, ова се информациите…