Спорт
Верстапен денеска победи за големата награда на Абу Даби, последната трка за овогодинешниот шампионат

Возачот на Ред Бул, Макс Верстапен денеска победи во Формула 1 трката за Големата награда на Абу Даби, последна во овогодинешниот шампионат. Верстапен ја постигна рекордната 19-та победа сезонава, 54-та во кариерата, а четврта во низа во Абу Даби. Тој е трет во историјата по бројот на победи, зад Луис Хамилтон кој има 103 и Михаел Шумахер кој има 91 победа.
Холанѓанецот ја освои третата последователна шампионска титула сезонава, а Ред Бул ја одбрани титулата во шампионатот за конструктори. Второто место го зазеде Шарл Леклер од Ферари, а трет возачот на Мерцедес Џорџ Расел. Серхио Перез беше казнет со пет секунди и трката ја заврши на четвртото место.
Возачите на Мекларен, Ландо Норис и Оскар Пјастри ги освоија петтото и шестото место, а седми беше Фернандо Алонсо од Астон Мартин. Возачот на Алфа Таури Јуки Цунода беше осми, Луис Хамилтон од Мерцедес беше деветти, а Ленс Строл од Астон Мартин беше 10-ти.
Второто место во конкуренција на конструктори го освои Мерцедес, со три бода повеќе од Ферари, а доколку Перес не добиеше казна од пет секунди, Ферари ќе беше втор во шампионатот.
Следната сезона во Формула 1 започнува на 2 март 2024 година со Големата награда на Бахреин.
Спорт
Србија официјално остана без „АТП“ турнирот

Турнирот „Белград Опен“, кој беше закажан за ноември 2025 година, е официјално откажан. И покрај големите напори и вложени ресурси, не беа исполнети условите за организација на настанот во предвидениот термин и формат. Поради тоа, организаторите решија да го откажат овогодинешното издание. Овој викенд се потврди веста дека годинашното издание на АТП турнирот нема да се одржи во Белград.
Од 2021 година, организаторите имаа успешно портфолио од девет професионални тениски турнири, меѓу кои пет АТП 250 настани, еден WTA 250, еден WTA 125, еден ATP Challenger 125, како и еден турнир под покровителство на ITF. Овие турнири привлекоа бројна домашна и меѓународна публика, позиционирајќи го Белград како важна дестинација на тениската мапа.
Дефинитивно ништа од АТП турнира у Београду. Нису могли да се обезбеде услови.
Једина прилика за уживо тенис у Србији биће Дејвис куп септембра у Нишу. pic.twitter.com/YgT6jrwHox— Стефан Милић (@StefanMilic00) August 4, 2025
Организаторите изразија гордост за сето досега постигнато и упатија благодарност до сите кои дадоа поддршка — партнери, спонзори и верната публика.
Тие нагласуваат дека остануваат посветени на развојот на тенисот во Србија и дека ќе продолжат да работат на создавање услови за враќање на професионалните турнири во Белград во иднина.
Планираниот турнир требаше да се одржи од 2 до 8 ноември во ОАКА Арената во Атина, каде што инаку настапува кошаркарскиот клуб Панатинаикос. Со оваа одлука, Белград останува без АТП турнир, што претставува значителен удар за тениската сцена во градот.
Посетата на Новак Ѓоковиќ на Атина во јуни се поврзува токму со испитување на можноста за организирање на турнир во Грција, со цел истиот да се премести од Белград.
Спорт
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер

Новата сезона во Првата македонска фудбалска лига започнува во петок, на 8 август, и веднаш носи возбудливи натпревари. Првото дерби ќе се одигра во Тетово, каде што Шкендија и Шкупи 1927 ќе се соочат од 17:00 часот. Ова е еден од најочекуваните дуели од првото коло, истакна Фудбалската федерација на Македонија.
Подоцна истиот ден, на Националната арена „Тодор Проески“ во Скопје, ќе се одржи уште еден голем натпревар – Вардар против Пелистер, со почеток од 20:00 часот.
Целосниот распоред на првото коло од сезоната 2025/26 изгледа вака:
Петок, 8 август:
- Шкендија – Шкупи 1927 | 17:00 | Тетово
- Вардар – Пелистер | 20:00 | Скопје
Сабота, 9 август:
- Башкими 1947 – Аресими 1973 | 17:30 | Куманово
- Струга Трим Лум – Македонија ЃП 1932 | 17:30 | Струга
Недела, 10 август:
- Тиквеш 1930 – Работнички | 17:30 | Кавадарци
Понеделник, 11 август:
- Силекс – АП Брера Струмица | 17:30 | Кратово
Фановите со нетрпение ја очекуваат новата сезона и возбудувањата што ги носи уште од првото коло.
Извор: ФФМ
Спорт
Германската Бундеслига воведува камери на судиите и јавни објаснувања за „VAR“

Германската фудбалска лига (DFL) воведува важни новини во начинот на користење на ВАР технологијата за претстојната сезона. Почнувајќи од 22 август, судиите во Бундеслигата ќе ги соопштуваат причините за сите ВАР одлуки јавно пред публиката. Истата практика ќе започне и во Втората лига од 17 октомври.
Дополнително, гледачите на стадионите и преку телевизија ќе добијат пристап до повеќе информации, вклучувајќи и снимки направени со камери поставени на телото на судиите. Оваа технологија, која досега се користеше само на ФИФА натпревари, сега е одобрена од Меѓународниот одбор за фудбалски правила (IFAB) и може да се користи и на домашни лиги ако организаторите го побараат тоа.
Со овие новини, судиите во Бундеслигата ќе ги објаснуваат своите одлуки директно пред публиката по консултација со ВАР и преглед на снимките, овозможувајќи поголема транспарентност и разбирање на судиските интервенции.
-
Кичево2 дена
Викендов во Кичево СВР Охрид и ОВР Кичево реализираа „Соседска патрола“
-
Хороскоп1 ден
Хороскоп за вторник (5 август)
-
Кичево2 дена
(ФОТО) Во с. Челопеци кичевско изгаснат бил избувнат пожар на стрниште речиси до живеалишта
-
Македонија2 дена
Предмалку земјотрес регистриран во западна Македонија, кај Тетово
-
Хороскоп11 часа
Хороскоп за среда (6 август)
-
Спорт2 дена
Србија официјално остана без „АТП“ турнирот
-
Македонија2 дена
ЦУК: До моментот поради невремето, не се пријавени материјални штети или повредени лица
-
Македонија21 час
ОВР Македонски Брод санкционира пијан возач, управувал возило со 2,39 промили среде бел ден