Lifestyle
Одржливиот бренд за облека „HOPE“ на кичевчанката Ангела М во денешниот разговор за Порта

„НОРЕ“ е брендот на кичевчанката Ангела M. која преку нејзините креации сака да ја покрене свеста за последиците од случувањата во модната индустрија. Таа во интервју за нашиот портал вели дека Модната индустрија е една од главните загадувачи на планетата, поради полиестерот (пластика) која се употребува за создавање облека, токсичните бои кои се користат за боење на облеката, масовното производство, милиони непродадени парчиња кои завршуваат во отпад или се спалуваат, и милиони купени парчиња облека облечени само еднаш и фрлени во отпат.
Само 1% од создадената облека се рециклира.
За да произведете една конвенционална памучна маица потребни се повеќе од 2500 литри вода. Таа вода најчесто се добива од блиските езера и реки, што предизвикува
осиромашување на околните екосистеми. За производство на една маичка од органски одгледуван памук се користи 90% помалку вода од околните расурси, бидејќи при неговото производство најчесто се користи дождовната вода. Одгледувањето на конвенционалниот памук фундаментално ги нарушува околните екосистеми, додека органските полиња се дом за многу животни како пчели, пеперутки и птици. На органските полиња има од 50% до 75% поголемо присуство на пчели.
Токсичните супстанции кои се користат при одгледувањето и преработката на конвенционалниот памук имаат катастрофално влијание врз земјоделците и луѓето вклучени во процесот на производство на облека.
Хемикалиите кои се вдушуваат или лесно навлегуваат преку кожата предизвикуваат рак, труење, астма, спонтан абортус или дефекти кај бебињата кои ќе се родат.
Според СЗО поради употреба на пестициди годишно умираат над 20,000 луѓе.
Хемиските средства кои се користат при производстово на конвенционалниот памук не влијаат штетно само врз луѓето кои ја произведуваат облеката, туку и врз нас самите. Памукот абсорбира околу 16% од пестицидите и заедно со боите кои се користат за обојување на метеријалот, кои при конвенционалното производство се исто така многу токсични, влегуваат во нашете тело, преку кожата (најголем огран на нашето тело), ја оштетуваат кожата и го загрозуваат нашето здравје.
Ви требаат ли повеќе причини за да преминете кон употреба на органски памук?
Конвенционално произведениот памук и неговата пониска цена се должат на застрашувачките услови за работа. Земјоделците работат со многу мала маржа и понекогаш не се во можност да ги покријат своите животни трошоци, што резултира со бесконечни долгови. Вработените се принудени да работат во нехигински услови, немаат заштитна опрема, бројот на работни часови е неподнослив, а да не заборавиме да споменеме дека детскиот труд не е исклучок.
Во последните 20 години, стапката на самоубиства кај фармерите за памук е премногу висока. На пример, само во 2013 година 11.772 земјоделци извршиле самоубиство во Индија, тоа се 44 земјоделци на ден. Друг пат кога купувате нов пар панталони, ако цената ви изгледа безобразно ниска, најте дека некој друг платил за нив. Ако маичката која ја носите чини 300 денари, што мислите колку се платени работниците кои се вклучени во производствениот процес (одгледување и берба, предење, ткаење, кроење, шиење).
Облеката од познатите брендови најчесто се шие во неразвиени земји, каде што жените имаат две опции за преживување – проституција или конфекција. Оние кои се одлучуваат за конфекција работат во нехигиенски услови, небезбедна работна средина, работата прекувремено (цел ден), а како надоместок за нивниот труд не ретко добиваат и помлку од еден долар на ден, сретства кои не се доволни за да се прехранат самите, а да не зборуваме за да прехранат едно семејство. Како последица на тоа детскиот труд исто така е многу честа појава, децата, заедно со нивните мајки работат во условите кои ги опишавме погоре.
Кичевчанката Ангела најпрво ја создаде колекцијата ENDANGERED која ја посфети на загрозените видови на животни.
За колекцијата Ангела го кажа следново: Земјата доживува уште едно истребување на животни, кое најмногу се должи на човечките активности, како што се уништување на живеалиштата на животните, нивна преголема експлоатација, климатските промени и загадувањето.
Модната индустрија е еден од главните загадувачи на животната средина, во глобални рамки. Последниците од неа се присутни кај сите видови на живот на планетава. Таа е задолжена во голема мерка за загадувањето на воздухот, водата, почвата и со тоа влијае врз сите живи суштества. Првата колекција наречена ENDANGERED е посветена на загрозените видови на животни, кои недолжни ја плаќаат цената на човековите постапки. Оние кои секојдневно се убивани или ги губат своите места за живеење, како последница на потребата за поголемо производство.
Колекцијата е изработена од органски одгледуван памук, а парчињата се во лимитиран број. Секое парче е рачно изработено, шиено и везено, со особена љубов, посфетеност и
внимание.
– Денес Ангела ја извади нејзината втора колекција наречена Soul Spectrum, која е сочинета од 9 парчиња на сукњи, секоја со уникатен дизајн, рачно изработена и врвно мајсторски рачно извезена со прекрасни мотиви.
Ви препорачуваме да го заследите профилот на Инстаграм, каде што можете да ја
погледнете новата колекција на hope.ethicalfashion
Lifestyle
Што се случува во вашето тело кога не пиете доволно вода?

Дехидрацијата може сериозно да влијае врз вашето здравје
Недоволниот внес на вода има многу пошироки последици од само чувство на жед. Дехидрацијата може негативно да влијае врз менталната јасност, физичките перформанси и дури и кардиоваскуларното здравје.
Како дехидрацијата влијае на мозокот и концентрацијата?
Истражувањата покажуваат дека дури и блага загуба на течности може да доведе до:
• Намалување на работната меморија
• Зголемено ниво на стрес
• Потешкотии во концентрацијата
Според д-р Навила Авал, важно е да се пие вода редовно во текот на денот, а не само кога сте жедни. Телото губи течности постојано, а кога волуменот на крвта се намалува, се намалува и протокот на крв во мозокот.
Последици по телото и дигестивниот систем
Недоволната хидратација може да:
• Го зголеми ризикот од мозочен удар
• Предизвика запек, бидејќи телото црпи повеќе вода од храната во цревата
• Доведе до сува и нееластична кожа, појава на брчки и други знаци на стареење
• Ја намали издржливоста, силата и физичките перформанси
Врска меѓу жедта и гладот
Често телото ја меша жедта со гладот, што доведува до прекумерно внесување храна. Соодветната хидратација може да помогне да се контролира апетитот и да се одржи здрав метаболизам.
Колку вода треба да пиете?
Препорачаната дневна количина е околу 2 до 2,5 литри вода, но ова може да варира зависно од:
• Возраст
• Пол
• Ниво на физичка активност
• Температура на околината
• Внес на кофеин и алкохол
Физички симптоми на дехидрација
• Сува или леплива уста
• Испукани усни
• Замор и пад на енергија
Д-р Надира истакнува дека заморот често е прв знак на дехидрација, но многумина го игнорираат. Кога телото нема доволно вода, мора да работи понапорно за да ги извршува секојдневните функции, што доведува до исцрпеност.
Пиењето доволно вода може да направи разлика – не само за телото, туку и за умот.
Извор: 24H
Lifestyle
Еве колку кафе можете да пиете на ден: „Ниту една шолја повеќе“

Кофеинот влијае на зголемениот пулс и крвниот притисок, а со тоа и на крвните садови и работата на срцето.
Големите количини на кафе, т.е., кофеин во подолг временски период неизбежно доведуваат до потенцијални срцеви проблеми и нарушувања.
Научното истражување на д-р Ненси Кагатар наведува дека редовното пиење повеќе од четири шолји кафе дневно може да го зголеми ризикот од фатални срцеви заболувања.
„Поради неговото влијание врз автономниот нервен систем, секојдневното консумирање кофеин може да ги стави инаку здравите поединци на ризик од хипертензија и други кардиоваскуларни проблеми“, рече авторката на студијата, д-р Ненси Кагатар.
Таа и тим од индиски научници дошле до овие заклучоци проучувајќи 92 луѓе со здрави срца.
Тие ги тестираа отчукувањата на срцето и крвниот притисок на секој поединец пред и по извршувањето на триминутната кардио вежба и забележаа демографија и употреба на кофеин, вклучително и дали испитаниците вообичаено пиеле кафе, чај или безалкохолни пијалоци.
Речиси 20 проценти од учесниците консумирале повеќе од 400 милиграми кофеин секој ден, што е еквивалент на два енергетски пијалоци, околу девет шолји црн чај или 11 кока кола.
Луѓето кои консумирале повеќе од 400 милиграми кофеин дневно имале значително поголема веројатност да имаат покачен крвен притисок и пулс дури и после вежбање.
„Зголемувањето на свеста за ризиците е клучно за подобрување на здравјето на срцето за секого“, вели Кагатара.
Големи количини на кофеин консумирале жени од урбани средини кои работеле во деловно опкружување.
Накратко, висок крвен притисок е безопасен, но постојаниот висок притисок ги оптоварува крвните садови и срцевите мускули.
Ова може да доведе до срцев удар, мозочен удар, проблеми со бубрезите, васкуларна деменција и проблеми со очите.
Хронично високиот пулс може да предизвика слични компликации.
Кофеинот е најкористената „дрога“ во светот. Работи со привремено блокирање на рецепторите во мозокот кои го регулираат спиењето, меморијата, вниманието и учењето, што го зголемува протокот на кислород во мозокот, го забрзува отчукувањата на срцето и ја подобрува концентрацијата, што заедно може да ви помогне да се чувствувате повнимателно.
Постарите истражувања ја поддржуваат идејата дека умереното консумирање на пијалоци со кофеин не е штетно и дека пиењето мала количина чај дневно помага за здравјето на цревата и го намалува ризикот од срцеви заболувања.
Некои истражувања исто така сугерираат дека консумирањето умерено количество кафе дневно може да им помогне на луѓето кои работат во канцеларии да живеат подолго.
Како заклучок, како и во случајот со енергетските пијалоци со висок процент на кофеин и шеќер, прекумерната употреба на кофеин во подолг временски период, во зависност од општата здравствена состојба на поединецот, може негативно да влијае на кардиоваскуларниот систем и здравјето на срцето.
Всушност, пиењето повеќе од 5.000 mg кофеин може да биде фатално, според Центарот за зависност и ментално здравје.
Извор: B92
Lifestyle
Најевтиниот трик за чистење на патики: Блескаат како нови со состојки што веќе ги имате дома
Ако мислите дека вашите омилени патики веќе нема спас, дајте им уште една шанса. Со едноставна домашна паста направена од само две состојки кои сигурно ги имате во кујната, нивниот бел ѓон ќе заблеска како нов. Белиот раб на патиката е онаа ситница што прави огромна разлика во изгледот, а решението не бара скапи препарати или професионално чистење.
Повеќето луѓе при чистење се фокусираат на платното или кожата, но вистинската борба се води на белиот гумен раб. Тој најбрзо се валка и најтешко се враќа во првобитната состојба. Токму затоа, комбинацијата од сода бикарбона и оцет е совршена за таа задача. Оваа природна паста создава лесна пенеста маса што ја разградува маснотијата, ги отстранува црните дамки и ја враќа белината, без потреба од силно триење и без хемикалии.
Потребни состојки:
• Алкохолен оцет
• Вода
• Сода бикарбона (додавајте додека не добиете густа паста)
• Стара четка за заби или мала четка
• Мека ткаенина или хартиени крпи
Постапка за чистење:
-
Во мал сад измешајте оцет и вода во сооднос 1:1 (на пример 50 мл оцет + 50 мл вода).
-
Додадете сода бикарбона постепено. Смесата ќе почне да се пени, но тоа е нормално и природно.
-
Продолжете со мешање додека не добиете густа, мазна паста (налик паста за заби).
-
Потопете ја четката и нежно тријте го белиот раб на патиките со кружни движења.
-
Оставете ја пастата да делува 5 минути ако имате време.
-
Избришете со влажна крпа и оставете ги патиките да се исушат природно.
Дополнителни совети за беспрекорни патики:
Ако нечистотијата е тврдоглава, направете ја пастата погуста и исчистете ја малку поцврсто, но нежно.
За почувствителни материјали (како мрежа), намалете ја количината на оцет — повеќе вода, помалку киселина.
Можете да го повторите процесот неколку недели за да ги одржувате вашите стапала секогаш чисти и вашиот стил полиран.
Извор: Nova
-
Хороскоп2 дена
Хороскоп за среда (23 април)
-
Кичево13 часа
Вчера во Кичево се одржа состанок на општинскиот кризен штаб за превенција и заштита од пожари на отворен простор
-
Хороскоп23 часа
Хороскоп за четврток (24 април)
-
Кичево7 часа
„ЕВН КЕЦ Кичево“ утре ќе работи на терен, следните кичевски улици и села ќе бидат без електродистрибуција во домаќинствата
-
Македонија8 часа
(ВИДЕО) Во 3 по полноќ го ограби верскиот храм „Успение на Пресвета Богородица“ во село Обршани, општина Кривогаштани
-
Кичево1 ден
Исполнети од радоста од Христовото Воскресение „Велигден“ бидете дел на Светол Источен Петок – „Балаклија“ во Манастир Пречиста кичевска – Христос Воскресе!
-
Култура11 часа
(ФОТО) Во с.Цер кичевско одбележани 120 години од смртта на Христо Узунов – симбол на револуционерната борба
-
Временска прогноза2 дена
Цела седмица честа појава на повремени врнежи од дожд, проследени со појава на грмежи