Автомобили
Volkswagen ќе мора да опстои до 2026 година без нови електрични модели

Во следниот период, Volkswagen е принуден да ја продава постојната EV технологија на нови клиенти, што претставува голем предизвик.
Поминаа повеќе од четири години откако Volkswagen ги лансираше целосно електричните модели ID.3 и ID.4. При нивното пристигнување, многумина веруваа дека овие два модели би можеле сериозно да ѝ конкурираат на Tesla.
Сепак, ситуацијата не се разви како што се очекуваше. Во 2025 година Volkswagen се соочува со уште една тешка година за своите електрични возила.
Без нови електрични модели до 2026 година
Слично како и во 2024 година, Volkswagen нема да претстави нови електрични модели во 2025 година. Последниот дополнителен модел во нивната електрична линија беше ID.7, кој дебитираше во третиот квартал од 2023 година.
Следниот голем чекор за Volkswagen ќе биде ID.2, долгоочекуван модел кој се очекува да се појави на одредени пазари дури во 2026 година. Овој модел, со планирана цена под 25.000 евра, ќе нуди простор сличен на Golf, но со компактни димензии како Polo.
„Во следната година, VW е принуден да продава стара технологија на нови клиенти,“ изјави германскиот автомобилски аналитичар Матијас Шмит за Bloomberg.
Проблеми на клучните пазари
Volkswagen веќе се соочува со значителни предизвици на пазарите во САД, Европа и Кина:
- Во Европа, кратењето на субвенциите, особено во Германија, ја намали побарувачката.
- Во Кина, еден од најважните пазари за долгорочната стратегија на VW, компанијата губи терен од локалните ривали, кои нудат поевтини и иновативни електрични возила.
Дури и луксузните модели како Audi Q8 e-tron и Porsche Taycan не успеваат да постигнат значителен успех на пазарот, каде доминираат попристапни електрични автомобили од кинески брендови.
Нова стратегија за Кина
Клучен дел од планот на Volkswagen за освојување на кинескиот пазар е новото партнерство со Xpeng.
Двете компании работат на заедничка електрична и електронска (E&E) платформа, која ќе биде основа за сите електрични возила произведени од VW во Кина.
Првите модели од ова партнерство ќе бидат лансирани во 2026 година и ќе вклучуваат два модели од средната класа, од кои едниот ќе биде SUV.
Volkswagen има за цел да ја зголеми годишната продажба во Кина од 2,93 милиони возила во 2023 година на 4 милиони до 2030 година.
Изјава од Volkswagen
„Воведувањето на нови модели е едно решение, но подеднакво е важно да се задржи нашата широка палета,“ изјави портпаролот на VW, Стефан Фосвинкел.
„Во последните години вложивме многу труд и развивме навистина добри модели со високо ниво на квалитет и напреден софтвер.“
Извор: B92
Автомобили
(ВИДЕО) „Tuning Car Show“ во Прилеп доби нова димензија со видеата на тимот од „Autodonia“

Традиционалниот „Tuning Car Show“ во Прилеп дефинитивно е еден од најпрестижните манифестации за сите љубители на автомобилизмот. На 11-ти октомври традиционално се одржа и овогоднинешното издание под покровителство на Општина Прилеп и останатите спонзори.
Вообичаено забележителни се многу видеографи, доста компании кои овој настан знаат и умеат да го пренесат, но токму нас, впечатлив пренос на овој настан ни остави „Autodonia“. Неуморните дечки на чело со Nenad Kaevik. Дечкото е специјализиран за изработка на визуелно импресивни и високо функционални дигитални решенија. Вистински љубеник на автомобилизмот кој успева на секој битен настан да биде прв.
Во оваа прилика од нашиот медиум упатуваме честитка за успешна работа, а вие не чекате уште веднаш посетете го неговиот бизнис инстаграм профил ТУКА – верувајте има што да видите, за повеќе информации за неговата работа и портфолио погледнете ТУКА
Промо видео од „Tuning Car Show“ – Прилеп:
Автомобили
Volvo го прекинува производството на моделот V90 — последниот примерок оди во музеј

По девет години и речиси 250.000 произведени примероци, Volvo официјално го прекина производството на моделите V90 и V90 Cross Country. Со тоа, уште еден од најелегантните каравани на пазарот заминува во историјата.
Класата на каравани веќе подолго време полека исчезнува, заменета со SUV модели кои доминираат во продажбата. Според порталот Carscoops, шведскиот производител Volvo Cars го стави крајот на производството на V90 и неговата надградена верзија V90 Cross Country по речиси една деценија на пазарот. Иако оваа одлука беше најавувана веќе неколку години, за многу љубители на класичните каравани ова е тажен момент.
Volvo го лансираше V90 во 2016 година, а дизајнот доби суптилно освежување во 2020 година. И денес, моделот изгледа модерно и префинето, со типичен скандинавски стил. Во текот на својот животен циклус, V90 понуди богата палета на мотори — од 2.0-литарски турбодизел со 148 коњски сили, до турбополнет и компресорски бензинец со 316 КС, па сè до plug-in хибрид со импресивни 455 КС.
Вкупно беа произведени околу 250.000 примероци, а последниот V90 нема да биде ставен во продажба. Наместо тоа, Volvo го додаде во својата колекција Heritage, каде ќе биде изложен во музејот „Светот на Volvo“ (World of Volvo) во Гетеборг. Таму ќе стои рамо до рамо со легендарни модели како Volvo 145, Volvo 960 и Amazon P220.
Судбината на V90 беше неизвесна веќе подолго време. Кон средината на 2023 година, Volvo објави дека ќе ја прекине продажбата на моделите V90, S90, S60 и V60 на британскиот пазар, во рамките на транзицијата кон SUV возила. Сепак, помалку од една година подоцна, поради зголемената побарувачка, компанијата повторно ги врати V60 и V90 во продажба во Велика Британија.
Со престанокот на производството на V90, моделот V60 останува единствениот караван во понудата на Volvo. Но, бидејќи сегашната генерација е на пазарот од 2018 година, не е сигурно колку долго ќе опстои. Се шпекулира дека Volvo би можел целосно да се збогува со караваните по моделската 2026 година, завршувајќи една славна ера што го направи брендот светски препознатлив.
Извор: BUG
Автомобили
(ФОТО) Кичево и Бојоски денеска со високо трето место на „авто слалом“ во Прилеп по повод 11-ти Октомври

Нашиот кичевчанец Кристијан Бојоски го освои високото трето место во класа над 1600 cм³, и четврто место во друга класа на „Авто слалом“ трката денес по повод 11-ти Октомври традиционално во Прилеп – во организација на Авто мото клуб „Автомото Класика“ – Прилеп

Кристијан Бојоски (трето место)
Повеќе фотографии од овој настан може да download-ирате во продолжение ТУКА, во следните чекори „View content“ > Download (icon). Во оваа прилика им благодариме за официјалната покана до Порта.мк на „Автомото Класика“, се гледаме до година.
И на крај пред претставување на галеријата, оваа прилика ја користиме да го поздравиме со топло добредојде во тимот „Авто шлеп“ – Лони Кичево кој од денес на сите интернационални и домашни натпреварувања ќе го вози модифицираното возило на Кристијан Бојоски!
Мал дел фотографии:
-
Спорт14 часа
За прв пат, во ист ден тројца кичевски судии ќе судат меѓународни натпревари во Австрија и Фарски Острови
-
Хороскоп1 ден
Хороскоп за петок (17 октомври)
-
Македонија2 дена
18 години без нашата поп икона Тоше Проески, кој загина на денешен ден – утрото на кобниот 16.10.2007
-
Македонија1 ден
Вчера во Битола се случила тешка сообраќајна несреќа помеѓу малолетник со електричен тротинет и пмв „цитроен“ со демирхисарски регистарски ознаки
-
Здравје и убавина2 дена
Овие овошја едноставно се клучот за одмор на вашите црева во организмот
-
Технологија2 дена
„Google Wallet“ добива нова функција која ќе го олесни користењето на дигиталните пропусници, картички за лојалност и билети
-
Хороскоп2 часа
Хороскоп за сабота (18 октомври)
-
Македонија11 часа
Нов случај со измама за наводно случена сообраќајка, каде побарана била изнуда од висока сума на пари за итна операција