Денес, во касарната „Јане Сандански“ во Штип, ќе се одржи централната прослава по повод 33-годишнината од формирањето на Армијата на Република Македонија.

Три децении исполнети со посветеност, професионализам, храброст и одлучност во служба на татковината ќе бидат достојно одбележани преку свечена програма, на која ќе присуствуваат високи државни и воени претставници.

Според програмата на настанот, пред присутните ќе се обратат претседателката Гордана Сиљановска-Давкова, премиерот Христијан Мицкоски, министерот за одбрана Владо Мисајловски и началникот на Генералштабот, генерал-мајор Сашко Лафчиски.

Во рамки на свеченоста, ќе бидат промовирани и новоименуваните 26 потпоручници и 149 подофицери, кои ќе го продолжат патот на воената служба во Армијата.

Посебен момент ќе биде доделувањето на „Орден за воени заслуги“ на Центарот за обука на питомци и офицери – дел од Командата за обука и доктрини, признание што ќе го врачи претседателката Сиљановска-Давкова, согласно најавите од Генералштабот.

На настанот се очекува присуство на претседателот на Собранието Африм Гаши, министри од Владата, пратеници, поранешни министри за одбрана и началници на Генералштабот, пензионирани генерали, претставници на институции, како и членови на воено-дипломатскиот кор и други високи гости.

Прославата на Денот на Армијата – 18 август, започна уште на 15 август со церемонија пред платото на Министерството за одбрана и Генералштабот, каде министерот Владо Мисајловски и генерал-мајор Сашко Лафчиски упатија пораки на благодарност и признание за ангажманот на припадниците на Армијата.

На тој настан присуствуваа и заменикот на началникот на Генералштабот, генерал-мајор Азим Нуредин, државниот секретар Елизабета Чуповска Ристова, бригаден генерал Орце Јордев, како и вработени и гости од Министерството и Генералштабот.

Во чест на празникот, синоќа во касарната „Илинден“ во Скопје беше изведена почесна артилериска стрелба со десет истрели од страна на артилерискиот баталјон.

За роденден на Армијата е избран 18 август, денот кога во 1943 година на Славеј Планина бил формиран баталјонот „Мирче Ацев”, кој се смета за првата организирана воена формација на НОВ на Македонија. Процесот за формирање на современата македонска Армија, пак, започна во 1992 година, кога тогашниот претседател Киро Глигоров, со раководството на ЈНА го потпиша договорот за дислокација на федералната армија од територијата на Република Македонија.

Современата македонска Армија започна да се гради во 1992 година, кога претседателот Киро Глигоров го потпиша договорот за повлекување на ЈНА од територијата на Република Македонија.

Денес, Армијата на Република Македонија е активен член на НАТО алијансата, во која земјата стана 30-та полноправна членка во март 2020 година – потврдувајќи го својот придонес во колективната безбедност и мир.

На 16.08.2025 во 18:16 часот во СВР Штип од Клиничката болница Штип било пријавено дека кај нив бил донесен Ш.М.Д.Х(22) од Бангладеш, кој, според пријавеното, се здобил со повреди додека извршувал работни задачи во фабрика во Штип.

Извршен е увид од увидна екипа од СВР Штип, информира МВР.

Денес доцна попладне околу 17:30ч во водите на охридско езеро се случила вистинска драма.

Имено како што известуваат за нашиот медиум членови од „Центар за Безбедност на Вода на Црвен Крст Охрид“ во големи водени струи и силен ветер, забележани биле луѓе на 3 педалинки и 2 суб даски како се оддалечуваат од брегот кон средина на езерото видно во паника, кои брзо по тоа скокнале во вода.

По брза интервенција на „Центар за Безбедност на Вода и Црвен Крст Охрид“ и 2 глисери веднаш се упатиле до местото и за среќа се завршило во најдобар ред, благодарение на професионалноста и брзата реакција.

Ова сведоштво со свои зборови исто така ни го раскажа и случаен гостин на плажата во Градиште кој исто така упати пофални зборови до членовите и екипата на „Центар за Безбедност на Вода и Црвен Крст Охрид“.