Временска прогноза
Под влијание на влажен воздушен бран од запад пред нас дождлив викенд, потоа кратка стабилизација, за следниот викенд најави за дожд и снег на планините

Нашата територија се наоѓа под влијание на влажен воздушен бран од запад и токму овој влажен воздушен бран за време на овој викенд ќе условува повремени врнежи од дожд. Локално врнежите ќе бидат обилни (над 30 л/м2).
На планините над 2000 м.н.в повремено ќе има врнежи од снег. Локално врнежите ќе бидат поројни и проследени со појава на грмежи, како и со силен ветер од јужен и од југозападен правец.
Во следните часови на повеќе места низ Македонија ќе започне да дува засилен, повремено силен ветер од јужен и од југозападен правец (повремено и локално со брзина од над 70 км/час).
Во Скопје и околината исто така ќе има врнежи од дожд, проследени со повремено засилен ветер од јужен и од југозападен правец.
Потоа од понеделник до четврток ќе имаме постабилно и релативно суво време, а нови обилни врнежи и поголемо заладување на времето барем според последно направените анализи ќе имаме во петок и за време на следниот викенд.
Наутро температурите на повеќе места ќе се спуштаат под 10 степени, а во Малешевијата и под 5 степени. Максималните дневни температури на воздухот пак ќе се искачуваат во интервалот од 10 до 18 степени.
- Ако вака останат работите, како што неодамна споменавме, следниот викенд на Балканот пристигнува првиот поголем студен бран кој освен на планините и на повисоките места, првиот снег ќе го донесе и во пониските градови, како и превоите до 1200 м.н.в, како што се „Стража“ и сл, за порта.мк истакна Славчо Попоски
Временска прогноза
Нестабилна воздушна маса од утре до понеделник носи нова дестабилизација на времето и пороен дожд

Под влијание на влажна и на нестабилна воздушна маса од запад и од северозапад која е поврзана со фронаталната долина со поладен воздух на висина која од северозапад преку алпскиот регион ќе се спушти до нашиот дел од Европа, од утре (четврток 11 септември) до понеделник (15 септември) во Македонија времето ќе биде променливо облачно и нестабилно со локална појава на повремен пороен дожд, грмежи и со засилен ветер во зоната на нестабилност.
Локално атмосферските процеси ќе бидат поинтензивни и во форма на невреме, проследено со обилен пороен дожд за кратко време, силен ветер, електрични празнења и со услови за појава на град. И во делови од Скопскиот регион од утре (четврток 11 септември) до понеделник (15 септември) ќе биде нестабилно облачно со повремен пороен дожд, грмежи, засилен ветер и со услови за појава на невреме.
Поради ваквата ситуација и очекуваното ново невреме во Македонија, апелирам граѓаните да обратат поголема внимателност, односно во случај на појава на невреме и на електрични празнења да не се претстојува на отворен простор и под осамени дрвја. Исто така, во случај на појава на силен ветер во зоната на нестабилност граѓаните да ги заштитат своите автомобили, тоа значи да не ги ставаат во близина на дрвјата, особено оние дрвја кои што се стари и осамени.
Што се однесува до температурите, тие ќе се искачуваат во интервалот од 24 до 32 степени, а во Скопје и околината максималната температура ќе се искачува во интервалот помеѓу 31 и 32 степени, извести метеорологот Славчо Попоски
Временска прогноза
Стабилно и суво, од четврток нова промена на времето и услови за локално невреме проследено со дожд, засилен ветер и грмежи

Под влијание на нова фронтална долина со поладен воздух на висина која од северозапад преку алпскиот регион ќе се спушти до нашиот дел од Европа, во четврток (11 септември) во Македонија ќе дојде до нова дестабилизација на атмосферата.
Во ваква ситуација во Македонија во четврток (11 септември) ќе се создаваат влажни фронтални бранови кои ќе условуваат развој на конвективни грмотевични облачни јадра од кои на повеќе места очекувам појава на пороен дожд, грмежи и засилен ветер во зоната на нестабилност. Локално процесите ќе бидат поинтензивни и во форма на невреме проследено со обилен пороен дожд, силен ветер, електрични празнења и со услови за локална појава на град.
И во делови од Скопскиот регион во четврток (11 септември) ќе биде нестабилно со пороен дожд, грмежи, засилен ветер и со услови за појава на краткотрајно невреме.
Што се однесува до температурите тие во четврток (11 септември) ќе се искачуваат во интервалот од 26 до 33 степени, а во Скопје и околината во четврток (11 септември) максималната температура ќе се искачи до околу 30 степени, известува Славчо Попоски
Временска прогноза
Најавената промена на времето се оствари, во текот на ноќта наврнаа 23 л/м2 дожд

Вчера (среда 3 септември) во попладневните и во вечерните часови како и во текот на изминатата ноќ под влијание на влажна и на нестабилна воздушна маса која беше поврзана со фронталниот бран со поладен воздух на висина кој од северозапад преку Алпскиот регион се спушти до нашиот дел од Европа услови на повеќе места во нашата Македонија времето да биде променливо облачно и нестабилно со пороен дожд, грмежи, засилен ветер, локално во форма на невреме со обилен пороен дожд за кратко време, силен ветер, електрични празнења и со појава на град.
Најмногу дожд до утринава наврна во Битола и тоа 23 литри на метар квадратен дожд, во Прилеп наврнаа 17 литри дожд на метар квадратен, во Пожаране наврнаа 13 литри дожд на метар квадратен.
Врнежи имаше и на другите места од нашата Македонија.
На првата метеоролошка карта можете да го видете наврнатото количество на воден талог во литри на метар квадратен во изминатите 24 часа до овие утрински часови. На втората метеоролошка карта пак можете да ги видите измерените температури во Македонија ова утро.
Најсвежо од градовите е во Битола со измерени 15 степени, а највисока температура од 23 степени е измерена во Гевгелија. Во Скопје и околината температурата изнесува 17 степени, истакна Славчо Попоски
-
Хороскоп2 дена
Хороскоп за сабота (13 септември)
-
Хороскоп14 часа
Хороскоп за недела (14 септември)
-
Спорт3 часа
„ФК Напредок“ денес на домашен терен го игра првиот натпревар од новата сезона, ве повикуваме сите на градски како во старите добри времиња
-
Свет2 дена
Денес во Киргистан беше регистриран силен земјотрес
-
Автомобили2 дена
BMW и Qualcomm развиваат систем за помош при управување „Snapdragon Ride Pilot“
-
Спорт24 часа
Анчелоти до Нејмар: „Во денешно време е морате да бидете во добра форма“
-
Магазин56 минути
Microsoft потсетува: Остануваат само 30 дена…
-
Магазин54 минути
iOS 26, iPadOS 26, watchOS 26 и macOS 26 пристигнуваат на 15 септември – компатибилни уреди и нов дизајн