Следете не

Спорт

Забранет пристап за Ѓоковиќ на „US Open“ поради фактот дека тој не бил вакциниран, турнирот останува без трикратниот шампион

Објавено пред

на

Најдобриот светски тенисер, србинот Новак Ѓоковиќ потврди дека годинава нема да учествува на УС Опен. Ѓоковиќ на социјалните мрежи објави дека не патува во Њујорк бидејќи поради тоа што е невакциниран странец нема право да влезе на територијата на Соединетите Американски Држави.

Поради фактот што не бил вакциниран, не смеел да стапне на територијата на САД, а и покрај силната кампања да му се дозволи да настапува, единствената опција била да добие медицинско ослободување.

Администрацијата на претседателот Џозеф Бајден (или тој лично) беше единствената можност која можеше да му даде дозвола на српскиот играч, но тоа не се случи и турнирот во Њујорк остана без трикратен шампион.

Ваквото сценарио би можело да се навести откако челниците на турнирот објавија изјава во која пишува дека ќе ги применуваат здравствените и безбедносните протоколи кои се утврдени за борба против коронавирусот.

Ѓоковиќ со тоа нема да има можност да се бори за 22. трофеј од најголемите турнири и да се обиде да го израмни рекордот кој моментално го држи Рафаел Надал.

Напорно тренираше и се подготвуваше во Белград и Црна Гора, но на крајот ќе ја пропушти целата турнеја низ Америка.

Моментално шестиот играч на АТП-листата ќе загуби 1.200 поени бидејќи пред 12 месеци стигна до финалето каде загуби од Данило Медведев. Тоа значи дека го чека нов пад и би можел да испадне од топ 10 во средината на септември.

Поради неиграњето меѓу српските претставници на „Флешинг Медоус“ остануваат Миомир Кецмановиќ, Филип Краиновиќ, Душан Лајовиќ, Ласло Ѓере и Александра Круниќ.

Следниот турнир на Новак е групната фаза од финалето на Дејвис купот на 13 септември.

УС Опен се одржува од 29 август до 11 септември и се игра за награден фонд од 60 милиони долари.

/rts.rs

Спорт

Катерина Милевска дел од врвна програма на ФИФА под менторство на селекторот на САД, нашиот македонец г-дин Влатко Андоновски

Објавено пред

на

Нашата селекторка на македонската женска репрезентација до 17 години, Катерина Милеска е дел од програмата на ФИФА и учесник во проектот „Coach Mentorship Programme” за развој на нова генерација женски тренери.

20 женски тренери учествуваат во програмата на ФИФА под менторство на 20 најуспешни тренери на женски репрезентации во светот.

Катерина Милевска за свој ментор го доби селекторот на женската репрезентација на САД, нашиот Влатко Андоновски.

Двајцата за прв пат имаа можност да се запознаат на Светското првенство за девојки до 20 години кое се одржа во август во Костарика. Таму беше организирана тридневна работилница, која всушност за младите женски тренери значеше непроценливо искуство за добивање знаење од врвните тренери, како и учество во анализа на тренинзите и натпреварите од шампионатот за млади фудбалерки.

Покрај обезбедувањето на талентирани тренери со ментори од светска класа, програмата исто така, има за цел да им помогне на женските тренери да постигнат поголеми резултати на нивните сегашни позиции, да понуди тренерски насоки и поддршка за развој на кариерата.

Ова е одлична програма. Ни овозможува да запознаеме одлични тренери, со неверојатно искуство зад себе кога е во прашање женскиот фудбал. Исто така, ни овозможува да ги споделиме сите наши искуства на теренот, да комуницираме едни со други за работи низ кои сме поминале, или кои можеби ги поминуваме. За мене е голема привилегија што Фудбалската федерација на Македонија ми даде можност да бидам дел од оваа програма, а посебно што за свој ментор го имам Влатко Андоновски. Навистина е важно за мене да научам колку што можам повеќе, да слушам колку што можам повеќе и да споделувам колку што можам повеќе. Имаме неверојатна можност да учиме од најдобрите во женската игра“, вели Катерина Милеска.

По завршувањето на семинарот во Костарика, Влатко Андоновски неколку денови помина во нашата држава, каде што заедно со Катерина Милевска работеа на подготовка на следниот нејзин предизвик со репрезентацијата на Македонија до 17 години.

 

Прочитај повеќе...

Спорт

ФФМ распишува конкурс за тренерски курсеви во различни нивоа за лиценци

Објавено пред

на

Македонската фудбалска федерација во рамките на својот едукативен центар е во активна изработка на детален годишен план за курсеви за тренери на различни нивоа на едукација за сезона 2022-2023. За таа цел информираат дека секој заинтересиран кандидат е неопходно да пополни прашалник кој е отворен до 16.10.2022. По овој датум, прашалникот автоматски станува неактивен, а понатамошната комуникација во врска со курсевите ќе продолжи единствено по е-маил и единствено со кандидатите кои го изразиле својот интерес преку пополнувањето на прашалникот.

Непополнувањето на прашалникот ќе значи неможност за учество на курсевите кои би се организирале/започнале до крајот на 2022, а следна можност за пријавување заинтересираните кандидати би имале најрано во Јануари 2023, а за курсеви кои би се организирале не порано од Април 2023.

Кон пополнување на прашалникот може да се пристапи на линкот ТУКА

Пред негово пополнување, од ФФМ апелираат за  тоа добро да се погледнат критериумите за учество на секој курс поединечно објавени во детали во документот во прилог, како сите заинтересирани кандидати би знаеле дали ги исполнуваат условите за учество на курсот за кој се интересираат и кои им се можностите.

Воедно, информираат дека сите кандидати согласно актуелната тренерска конвенција, почетно ниво на тренерска едукација е УЕФА Ц диплома, воспоставена и од ФФМ почнувајќи од Мај 2022.

Кандидатите пак кои се интересираат за највисокото ниво на едукација – УЕФА ПРО диплома, конкурс за упис на следна генерација ФФМ не е во можност да објави пред пролет 2024.

На следниот линк ТУКА, ќе најдете основни критериуми за учество на едукативни курсеви во организација на „ЦЕ“ на ФФМ.

Прочитај повеќе...

Спорт

Аматерската репрезентација на Македонија во фудбал ќе учествува на реномираниот „Regions Cup“ во Рим, Италија

Објавено пред

на

Аматерската репрезентација на Македонија во периодот од 28 септември до 5 октомври ќе биде учесник на Regions Cup  турнир во организација на УЕФА што ќе се одржи во Рим, Италија

Нашата репрезентација на овој турнир за противници ги имаме аматерскиот тим на Баварија од Германија, Лацио од Италија и Џерси од Англија.

Првиот меч го играме против Баварија на 29. септември со почеток од 15. часот. Нов тежок натпревар не очекува на 2 октомври против аматерскиот тим на Лацио од Италија со почеток од 15. часот.

Последниот натпревар го играме против Џерси, аматерскиот тим од Англија на 5. октомври во 15. часот.

Селекторот Жанко Савов се одлучи да ги повика следните фудбалери од аматерската репрезентација:

Голмани: Антонио Столевски (Караорман), Борче Картов (Кожув);

Одбрана: Мухарем Мислими (Беса 1976), Христијан Бејков (Кожув), Мартин Димоски (Детонит Плачковица), Нинослав Здравкоски (Аресими 1976), Давид Бошески (Академија Пандев), Оливер Христов (Детонит Плачковица), Богдан Велиновски (Слога 1934), Христијан Митревски (Охрид Лихнидос);

Среден ред: Давид Ристовски (Кожув), Влатко Стојановски (Борец 1919), Стојче Стојов (Каменица Саса), Ники Зумровски (Кожув), Емил Скоко (Пехчево), Зоран Андонов (Детонит Плачковица);

Напад: Филип Димоски (Детонит Плачковица), Ангел Кочев (Кожув)

Прочитај повеќе...

Facebook

Последни објави

Спорт6 часа

Катерина Милевска дел од врвна програма на ФИФА под менторство на селекторот на САД, нашиот македонец г-дин Влатко Андоновски

Нашата селекторка на македонската женска репрезентација до 17 години, Катерина Милеска е дел од програмата на ФИФА и учесник во...

На денешен ден6 часа

30 септември – На денешен ден

1399.- Основачот на англиската династија Ланкастер, Хенри Болингброук (Хенри Болингброук) стана крал Хенри IV, ден по абдикацијата на Ричард II...

Хороскоп8 часа

Викенд Хороскоп за петок (30 септември)

ОВЕН Доколку имате деца, денес ќе сакате да ги разгалете. Сепак на крајот на краиштата работите за денови како што...

Временска прогноза12 часа

Значителен пад на температурите и дождови, еве за кога се најавите..

До крајот на оваа недела времето во Македонија ќе се задржи променливо облачно со сончеви периоди. Ќе дува слаб до...

Македонија13 часа

ЦУК: Армиската единица ја продолжува потрагата по возачот на возилото кое пред два дена излета во река Вардар кај Желино

Во моментов според последните добиени информации од терен екипи од ДЗС Тетово со тимовите за нуркање се повлекле со кординација...

Балкан13 часа

Во голема координирана акција сузбиена организирана криминална група која криумчарела хероин во Хрватска, приведени три лица

Денеска (29.09.2022) полициски службеници од Одделот за криминалистичка полиција – Сектор за недозволена трговија со дрога, оружје и опасни материи,...

Спорт13 часа

ФФМ распишува конкурс за тренерски курсеви во различни нивоа за лиценци

Македонската фудбалска федерација во рамките на својот едукативен центар е во активна изработка на детален годишен план за курсеви за...

Магазин16 часа

Google Maps: искусете места на кои никогаш не сте биле

Google Maps често објавува нови функции со цел да ги направи корисниците повеќе заинтересирани за дигитални мапи. Еден од најновите...

Видео20 часа

Што може да преживее Apple Watch Ultra? ВИДЕО

Јутјуберот TechRax го стави првиот издржлив часовник на Apple – Watch Ultra – на неговиот екстремен тест за издржливост. Apple...

Магазин20 часа

Почнувајќи од следната година, Google ќе ве извести кога вашите податоци ќе се појават во резултатите од пребарувањето

Почнувајќи од следната година, Google ќе може да ве извести доколку вашите лични податоци, како што се телефонскиот број, адресата...

НАЈЧИТАНИ