Здравје и убавина
Газирана вода и митовите за неа..
Многу нешта можат да се слушнат за газираната вода, како тоа била лоша по здравјето или не? Пронајдовме некое истражување каде во прилог се претставени повеќе митови, но ова се вистинитите одговори
МИТ: Меурчињата не не хидрираат
Нејзините меурчиња потекнуваат од јаглерод-диоксид и според зборовите на д-р. Сузан Џаргин од Универзитетот во Јужна Каролина, меурчињата од минералната вода не ја спречуваат хидратација на телото. Дури, едно истражување од истиот универзитет покажало дека после интензивен тренинг, газираната вода ја надополнува изгубената течност на ист начин како и негазираната вода.
МИТ: Лоша е за забите и коските
Јаглеродната киселина, која настанува со растворање на јаглерод-диоксид, може да ја оштети забната глеѓ доколку се внесува во огромни количини. Значи, се додека не испиете цел пакет кисела вода дневно, безбедни сте. Истото важи и за коските.
МИТ: Дебелее
Вистина е дека сите тие меурчиња предизвикаат надуеност, но тоа е привремено и на долгорочно ниво дури и позитивно. Научниците утврдиле дека газираната вода може повеќе да ве засити од обичната вода, особено на празен стомак. Колку повеќе се чувствувате сити, помалку ќе грицкате. Но, избегнувате газирана вода со вкусови и вештачки засладувачи.
МИТ: Предизвикува киселина
Научниците го разоткрија митот дека сета таа шумлива вода предизвикува киселина. Ако сте склони на киселини треба да ја избегнувате храната која ја предизвикува киселината, а не минералната вода. Но, ако веќе страдате од киселина во желудникот, имате чир или слично, меурчињата можат да ја влошат состојбата.
Извор: денар.мк
Здравје и убавина
Ако имате вишок холестерол, ова би бил вашиот појадок
Ако имате висок холестерол, тогаш некој, барем еднаш во животот ќе ви каже – не јадете јајца. Како резултат на тоа, можеби сте биле повеќе склони кон лош избор на појадок без да го сфатите тоа, вели нутриционистот Џен Волпол. Тој додава дека многу луѓе се прилично збунети кога е во прашање контролата на високиот холестерол, особено кога станува збор за појадокот.
Опциите како гранола, различни видови каша со мед или енергетски шипки добро функционираат, но не и ако имате висок холестерол. Според нутриционистот, сите три оброци се полни со јаглехидрати кои брзо се разградуваат на гликоза и предизвикуваат скокови на шеќерот во крвта. На тој начин се ослободува инсулин кој го поттикнува создавањето на густи честички на лошиот ЛДЛ холестерол.
– „Наместо тоа, изберете опции богати со омега-3 масни киселини, за кои е познато дека го зголемуваат ХДЛ, добриот холестерол и потенцијално го намалуваат ЛДЛ холестеролот. Лососот, авокадото, оревите и чиа семето се одличен избор. Спротивно на популарното верување, јајцата се исто така добра опција „Тие содржат добри масти, протеини и холин, хранлива материја која поддржува здрав трансфер на холестерол“, заклучува нутриционистот.
Постојат бројни намирници кои помагаат во намалувањето на мастите, а научниците издвоиле три кои имаат најсилно дејство. Тоа се грав, модар патлиџан и артишок.
Влакна, протеини, хлорогена и фолна киселина, огромна количина на корисни минерали во составот на оваа храна помагаат да се намали нивото на вкупниот холестерол во плазмата и да се намали количината на липопротеини со мала густина.
/b92.net
Здравје и убавина
Научници откриле дека компирот содржи молекули кои го лекуваат чирот на желудник
Научниците откриле дека компирот содржи единствени антибактериски молекули кои го лекуваат чирот на желудникот. Чир на желудникот може да се третира само со компири, тврдат истражувачите од Универзитетот во Манчестер. Со оглед на необичното откритие, членовите на микробиолошкиот тим очекуваат супстанцијата која ја нарекоа “компиров сок” во догледно време да се најде во производство како диететски суплемент.
Неколку видови на компири се истражени и патентиран е процесот на цедење на гореспоменатите антибактериски молекули.
При испитувањето се откри дека бактериите во стомакот не можат да развијат отпорност на „компировиот сок“, за разлика од антибиотиците кои создаваат одреден отпор. Покрај тоа, препорачаниот додаток не предизвикува никакви несакани ефекти.
Извор: zdravjeizivot.mk
Здравје и убавина
За поздраво срце, најдобро е да вежбате подоцна наутро
Во споредба со поединците кои биле поактивни во средината на денот, оние кои биле најактивни наутро помеѓу 8 и 11 часот имале 11 до 16 отсто помал ризик од развој наа срцева болест. Кај жените ризикот е намален за 22 до 24 отсто.
За 17 отсто помал ризик од развој на мозочен удар бил забележан кај утринските вежбачи, а кај жените овој процент бил 35 отсто.
Резултатите беа објавени во European Journal of Preventive Cardiology.
„Добро е познато дека вежбањето е добро за срцето, а нашата студија покажува дека утринската активност е најкорисна за ова“, вели еден од авторите на студијата, Гали Албалак од Медицинскиот универзитетски центар во Лајден, Холандија.
„Резултатите се особено изразени кај жените, а се однесуваат и на ранобудниците и ноќните птици.
Сите учесници во студијата, 86.000 од нив, биле на возраст меѓу 42 и 78 години. Просекот бил 62 години. На почетокот на истражувањето тие не боледувале од кардиоваскуларни заболувања, но во просек биле дебели.
Нивната физичка активност била следена секој ден од февруари 2013 до 2015 година со помош на монитори за зглобови.
Научниците потоа ги следеле шест до осум години, до нивниот прв прием во болница или смрт поврзана со срцеви заболувања или мозочен удар.
Во тој период речиси 3.000 од нив развиле артериска болест, а речиси 800 од нив доживеале мозочен удар. Испитаниците кои биле физички активни помеѓу 8 и 11 часот имале најмал ризик од двете состојби, покажа студијата.
„Ова е набљудувачка студија, па не можеме да објасниме зошто врската е поизразена кај жените“, истакна Албалак. „Резултатите од нашето истражување се дополнителен доказ за здравствените придобивки од физичката активност и укажуваат дека утринската активност, особено доцните утрински активности, е најкорисна.
Лекарите препорачуваат возрасните да вежбаат умерено од 150 до 300 минути неделно, или 75 до 150 минути ако го прават тоа поенергично.
-
Хороскоп2 дена
Хороскоп за понеделник (21 октомври)
-
Хороскоп23 часа
Хороскоп за вторник (22 октомври)
-
Кичево9 часа
Во ЈЗУ Општа Болница Кичево недостигал ехо апарат, случајот бил пријавен во МВР
-
Lifestyle10 часа
Кој е нормалниот крвен притисок според возраста?
-
Временска прогноза24 часа
Според „Европскиот“ и „Глобалниот“ метео модел најверојатно зимата доаѓа во почетокот на месец ноември, ова се информациите
-
Македонија1 ден
Од ноќеска пониска цена на горивата во Македонија
-
Lifestyle1 ден
Додадете две состојки во зелениот чај и направете моќен напиток: Го зајакнува имунитетот, ги топи килограмите
-
Магазин1 ден
Apple може конечно да го реши овој проблем