Следете не

Магазин

Ги имаме првите детали за телефонот Samsung Galaxy S24 Ultra

Објавено пред

на

Се очекува Samsung да ја подигне границата на ново ниво кога станува збор за претстојниот модел Galaxy S24 Ultra.

Јужнокорејскиот гигант планира да имплементира дисплеј со стапка на освежување од 144 Hz во својот следен премиум уред, што ќе го направи телефонот првиот Galaxy модел со споменатата стапка на освежување на екранот.

Освежувањето на екранот од 144 Hz ќе овозможи повеќе флуидни анимации, што особено ќе им одговараат на гејмерите на телефоните, исто така ќе донесе побрзо вчитување и севкупно побрзи перформанси.

Според неодамнешните извештаи, серијата Galaxy S24 треба да има и сателитско поврзување, слично на функциите што моментално ги нудат Apple и Huawei.

Се очекува серијата Galaxy S24 да биде придвижувана од чипсетот Snapdragon 8 Gen 3, кој треба да понуди значително подобри перформанси од сегашната генерација. Јадрото на процесорот X-4 со високи перформанси треба да има 15% подобра брзина на такт во споредба со јадрото X-3 од чипот Snapdragon 8 Gen 2.

Се споменуваат и подобрувања на камерите, па така подобрениот сензор од 200 MP на моделот Galaxy S24 Ultra ќе има подобрени можности за зумирање на телефото камерата.

Се разбира, треба да се напомене дека сите овие се само гласини во овој момент и треба да се земат со резерва. Самсунг се уште официјално нема потврдено ништо кога станува збор за серијата на телефони Galaxy S24.

Хороскоп

Хороскоп за недела (3 март)

Објавено пред

на

ОВЕН

Доколку продолжите да се фокусирате само на негативните работи, нема да бидете задоволни со околностите на работното место. Може да имате интересно познанство со личност која ви одговара. Можни се болки во стомакот.

БИК

Не сте доволно сконцентрирани и ви недостасува мотивација на работа, па може да бидете склони кон правење грешки. Може да очекувате променливо расположение од страна на партнерот и некои компликации. Полни сте со позитивна енергија!

БЛИЗНАЦИ

Поволен ден за вашата работа. Можеби успеавте да ја подобрите организацијата и своите резултати. Со саканата личност имавте некои проблеми, но може да се надевате на позитивни промени. Потребно е да спортувате.

РАК

Поведете сметка во комуникацијата со колегите, може да бидете склони кон кавги без голема причина. Може да ви остави необичен впечаток и средбата со личност која ви се допаѓа. Водете сметка за маснотиите.

ЛАВ

Позитивни околности на деловно поле ќе ви го подобрат расположението. Може да се надевате на позитивни промени. Ве очекува запознавање со личност која ќе покаже добри намери кон вас. Зголемете го внесувањето на витамини.

ДЕВИЦА

Поведете сметка за вашата работа и посветете се, а помалку време трошете на трачеви и гласини. Ви се допаѓа некој кон кој сте имале емоции во минатото. Можно е меѓу вас да се развијат симпатии. Можна е кашлица.

ВАГА

Доколку се бавите со приватен бизнис, може да се надевате на добри вести. Ве очекува одлична атмосфера со личноста на која и се додворувате. Многу наскоро ќе успеете да остварите зближување. Водете сметка за варењето.

ШКОРПИЈА

Пред вас е ден во кој ќе бидете прилично растеретени и посветени на себе и приватниот живот. работата не ви е на прво место сега. Ве очекува убава и романтична атмосфера во однос со саканата личност. Добро се чувствувате.

СТРЕЛЕЦ

Ќе бидете задоволни со околностите на деловно поле. Може да се надевате на позитивни пресврти. Стабилна комуникација со партнерот. Вашиот однос може да напредува. Склони сте кон дебелеење.

ЈАРЕЦ

Може да се надевате на позитивни околности на ова поле. Ве очекува добра фаза во љубовта. Ново познанство е пред вас. Нема долго да бидете осамени, ви се укажува можност за врска. Водете сметка за синусите.

ВОДОЛИЈА

Нестрпливи сте и не можете да прифатите дека за некои промени е потребно време. Ви се допаѓа личност која живее далеку, а тоа го комплицира вашиот однос. Проблеми со циркулација.

РИБИ

Може да очекувате дека ќе имате позитивни случувања и пресврти на работа. Можно е да имате погрешна слика за вашиот партнер, кој крие некои работи од вас. Отворете ги очите. Можна е вртоглавица.

Прочитај повеќе...

Магазин

(ФОТО) Шпаркасе Банка организираше завршна хуманитарна аукција на сликарски дела, овие 10 имиња се одбраните талентирани финалисти на конкурсот

Објавено пред

на

Поддршката на сликарството и мотивирање на младите сликари во државата да продолжат да творат, продолжува да е еден од главните столбови на корпоративната стратегија на Шпаркасе Банка АД Скопје.

Во склоп на „Шп-Арт-Клубот“ на Шпаркасе Банка, 10 одбрани талентирани финалисти на Конкурсот за млади сликари 2023, со поддршка од банката создаваа оригинална уметност во природните убавини во Општина Вевчани, за време на 12. Меѓународна ликовна колонија „Вевчански видувања“ во 2023 година.

Откриената Шп-Арт-Уметност, годинава ја доби својата завршница во форма на хуманитарна аукција на уметнички дела на овие 10 млади сликари, којашто на 29.02.2024 година во Скопје се реализираше во присуство на влијателни личности од општеството и соработници на банката.

Аукцијата, во организација на Шпаркасе Банка АД Скопје, беше реализирана под капата на платформата за оддржливост на банката, препознатлива како „Sparkasse Life“. Овозможувањето на младите сликари во државата да креираат без никакви бариери е појдовната точка и причина за реализација на овој настан, а воедно и на конкурсот преку којшто беа и одбрани 10те финалисти за да творат за време на минатогодишното издание на колонијата, којашто банката постојано ја поддржува низ годините.

Надавањето на сликарските оригинални дела, привлече голем интерес од страна на присутните на аукцијата. На настанот беа собрани вкупно 421.582,00 денари, а износот целосно ќе биде дониран во хумантирани цели на ДСУЛУД „Лазар Личеноски“ – Скопје, за набавка на професионална опрема, од страна на Шпаркасе Банка АД Скопје.

– „Младите се срцето на идниот развој во една држава, а главната премиса на Шпаркасе Банка е токму тоа, – „Верувај во иднината“. Согласно корпоративната платформа за одржливи цели на банката, ние сме и повеќе од инспирирани од оригиналноста и креативноста на младите сликари, кои нѐ потсетуваат за важноста за укажување на поддршка, бидејќи токму тоа е она, кое им е потребно со цел да креираат без ограничувања. За Шпаркасе Банка тој вид на поддршка е можеби една од најомилените инвестиции, што банката може да ги направи. Сепак, инвестирањето во младите го отвора патот кон иднината. Навистина сум воодушевен од разновидноста на тематиката на сликарските дела. А воедно и од собраните финансиски и донирани средства од аукцијата, коишто целосно ќе бидат донирани за младите таленти од Државното средно училиште за ликовна уметност и дизајн „Лазар Личеноски“ од Скопје да можат продолжат да творат слободно без никакви бариери,“ изјави Санел Кустурица, Претседател на Управниот Одбор на Шпаркасе Банка АД Скопје.

Елена Попоска, Никола Станковски, Андреј Антевски, Арта Лимани, Тамара Трајковска, Благица Трајкоска, Елена Петковска, Евгенија Кузманоска, Никола Тренов и Ристе Мицевски се 10те млади сликари, кои со своите дела влеваат голема надеж за иднината на македонското сликарство и оставање на оригинален печат во историјата на истата.

На самата аукција беа одбрани и најдобри тројца односно четворица сликари од 10те, со здобиена највисока вредност на аукцијата, согласно кое им беше доделена дополнителна поддршка од Шпаркасе Банка АД Скопје, во форма на откуп на по три други нивни дела, во вредност од 1.200 евра за првиот (Никола Тренов), 1.000 евра за вториот (Елена Попоска), а по 800 евра им беа доделени на двајца од сликарите, кои со ист износ го делат третото место (Благица Трајкоска и Тамара Трајковска).

А преостанатите шест сликари, кои не се рангираа со највисоки износи на своите дела за време на аукцијата, Шпаркасе Банка ги изненади и тоа со поддршка во износ од по 400 евра, во форма на откуп на по едно нивно дело.

Шпаркасе Банка АД Скопје, преку платформата „Sparkasse Life“ поддржува разни проекти во општеството во повеќе области, како музиката, уметноста, спортот, заштитата на животната средина, културата, младите, промовирање на здрав живот и здрави навики, образованието, здравството, хуманитарни активности и поддршка на ранливи групи, а секако и инвестирање во своите вработени.

/ПР

Во прилог повеќе фотографии:

Прочитај повеќе...

Мобилни уреди

„iPhone 15“ се бори за свое место во пазарот, додека во Кина е на попуст за цели 180 долари, повеќе од цената на ланскиот период за претходникот

Објавено пред

на

Од неговото лансирање iPhone 15 се бори за своето место на пазарот во, до неодамна, но тешкотиите на оваа серија на Apple сè уште не се завршени бидејќи продажбата продолжува да опаѓа конкретно во Кина. Слабеењето на кинеската економија, забраната за користење на iPhone уреди во владините институции и државните претпријатија се едни од клучните причини за неуспехот на најновите модели на телефони на Apple на најголемиот пазар на паметни телефони во светот. Секако, не треба да се заборави и фактот за враќањето и обновениот раст на домашниот технолошки гигант Huawei, пренесува Bloomberg.

Во обид да ја зголемат побарувачката, кинеските трговци на мало, како што е Tmall во сопственост на Alibaba Group, одлучија да ги намалат цените на моделот iPhone 15 Pro Max за дури 180 долари, што е за 60 долари повеќе од минатогодишниот пад на цената во истиот период. Слични понуди обезбедуваат познати локални трговци на мало како што е JD.com. Ројтерс дополнително известува дека некои трговци исто така ги намалиле цените на моделите на iPhone 14 Pro за 10 проценти, надевајќи се дека ќе привлечат повеќе клиенти.

Иако на официјалната веб-страница на компанијата Apple нема попуст за најновите модели на телефони во Кина, во јануари американскиот „број еден“ првпат ги намали цените за цели 70 долари, што беше првпат гигантот понуди попуст на своите нови модели.

Counterpoint Research тврди дека Apple стои зад кинеските попусти и ги нуди како краткорочна промотивна цена на трети канали или независни трговци на мало како дел од раното одбележување на Меѓународниот ден на жената на 8 март.

Анализата на Counterpoint Research покажува дека кинеските потрошувачи веројатно ќе имаат корист од дополнителни попусти, бидејќи продажбата на iPhone во земјата се повеќе зависи од промоциите. Ако дополнително се земе предвид зајакнувањето на конкуренцијата во форма на други кинески компании како Oppo и Vivo, кои исто така вршат притисок врз iPhone, доаѓаме до податокот дека продажбата на овие телефони во јануари паднала за 10 отсто на годишна основа.

Сите овие факти, пак, беа најпогодни за компанијата Huawei, која забележа троцифрен раст во истиот период.

Ноемврискиот извештај објавен од Блумберг укажува на можноста за стагнација на побарувачката за серијата iPhone 15 дури и во САД, бидејќи циклусот на освежување на паметните телефони се продолжува. И покрај сè, Apple сè уште одржува предност во однос на другите производители, при што седум од десетте најпопуларни телефони во светот во 2023 година се модели на iPhone.

/benchmark.rs

Прочитај повеќе...

Facebook

Последни објави

Хороскоп15 часа

Хороскоп за недела (3 март)

ОВЕН Доколку продолжите да се фокусирате само на негативните работи, нема да бидете задоволни со околностите на работното место. Може...

Скопје19 часа

(ВИДЕО) Полицискииот хеликоптер пренесе повредено лице од Шар Планина до Клиничкиот центар во Скопје

Денеска (02.03.2024) по добиено барање од Центарот за управување со кризи, хеликоптер Ми 171 на Хеликоптерската единица за полициски намери...

Магазин20 часа

(ФОТО) Шпаркасе Банка организираше завршна хуманитарна аукција на сликарски дела, овие 10 имиња се одбраните талентирани финалисти на конкурсот

Поддршката на сликарството и мотивирање на младите сликари во државата да продолжат да творат, продолжува да е еден од главните...

Мобилни уреди20 часа

„iPhone 15“ се бори за свое место во пазарот, додека во Кина е на попуст за цели 180 долари, повеќе од цената на ланскиот период за претходникот

Од неговото лансирање iPhone 15 се бори за своето место на пазарот во, до неодамна, но тешкотиите на оваа серија...

Хроника1 ден

МВР: Детали за стравичната сообраќајка која го потресе Кичево и регионот, каде загина едно лице

На 01.03.2024 во 18.20 часот во полициската станица Кичево, пријавено е дека на магистрален пат Кичево – Гостивар, кај селото...

Хороскоп2 дена

Хороскоп за сабота (2 март)

ОВЕН Денес ќе бидете доста комуникативни и отворени за сите видови на соработка. Обидете се што почесто да ја будите...

Кичево2 дена

Тешка сообраќајна несреќа се случила доцна попладне на пат према превој Стража, во близина на с.Колари, неофицијално едно лице загина

Вечерва, односно доцна попладне се случила тешка сообраќајна несреќа на пат „Кичево-Стража“, во близина на с.Колари – кичевско. Неофицијално според...

Технологија2 дена

Samsung развива моќен чип со вештачка интелигенција, тој ќе биде со најголем капацитет досега

Јужнокорејскиот технолошки гигант Samsung Electronics објави дека развил нов мемориски чип кој има „највисок капацитет досега“ за вештачка интелигенција (AI)....

Спорт2 дена

ФФМ: Обновата на Националната арена „Тодор Проески” официјално заврши

Фудбалската федерација на Македонија (ФФМ) официјално го предаде новиот хибриден терен на Националната арена „Тодор Проески” на Акционерското друштво за...

Автомобили2 дена

ВИДЕО Снимка од дрон каква што не сте виделе досега: Потерата по најбрзата формула е најлудото нешто што некогаш сте го виделе

Звук, брзина и вистински аудио-визуелен спектакл. Тоа е најдобриот начин да се опише првата снимка од дрон како „брка“ болид...

НАЈЧИТАНИ