Следете не

Автомобили

Каков треба да биде притисокот на воздухот во зимските гуми?

Објавено пред

на

Соодветниот притисок во гумите е клучен за безбедноста на автомобилот, но и за „здравјето“ на самите гуми. Ако притисокот во гумите не е точен, тоа влијае на животниот век на гумите и може да биде многу опасно.

Пропишаниот притисок во гумите варира многу од автомобил до автомобил и зависи од видот на гумите, тежината на автомобилот и неговата оптовареност. Точните информации за притисокот во гумите обично може да се најдат на столбот Б на возачката страна на автомобилот или на внатрешната страна на капачето за полнење гориво. Доколку ги нема на некое од овие места, сигурно ќе ги најдете во упатството за користење на автомобилот.

Во зависност од тоа колку возите, староста и состојбата на гумите, оптоварувањето на автомобилот, надворешната температура и многу други фактори, притисокот на воздухот во гумите не е константен, туку често се менува, а понекогаш може значително да опадне со текот на времето. Затоа се препорачува редовно да се проверува состојбата на притисокот во гумите. Не мора да биде премногу често, а идеално е да го проверувате притисокот секој втор пат кога ќе полните гориво. За повеќето возачи, ова е приближно на секои две недели до еден месец.

Што може да се случи ако притисокот во гумите е неточен? Ако притисокот на воздухот е премногу низок, површината со која гумата има контакт со патот се зголемува. Соодветно на тоа, се зголемува отпорот на тркалање, што на крајот доведува до поголема потрошувачка на гориво.

Исто така, и со мало отстапување, гумата е малку деформирана, а поради тоа се намалува стабилноста при возење. Во екстремни случаи, ова може да заврши трагично, особено ако возите пребрзо во свиоци. Од истата причина, растојанието за сопирање се зголемува, а гумите може дури и да пукнат додека возите.

Уште поопасно е прекумерниот притисок во гумите. Во овој случај, површината со која гумата има контакт со патот е намалена. Ова го намалува отпорот на тркалање и потрошувачката на гориво, но во исто време го зголемува абењето на гумите на контактната површина. Поради помалата контактна површина, гумата има подолго растојание за сопирање и поголема можност за лизгање во кривините. Исто така, го зголемува ризикот од аквапланинг.

Колку да ги напумпате?

Автомобилските гуми кај повеќето модели на автомобили обично се надувуваат на притисок од 2 до 2,4 бари, а препорачаната бројка за вашиот автомобил, која обично е означена на налепница некаде на автомобилот (обично на внатрешниот лим или рамката на вратата), треба да се користи во текот на целата година бидејќи нема различни бројки за лето или зима.

Сепак, надворешната температура сепак влијае на притисокот во гумите, па затоа во зима, кога ќе дојде „минусот“, ќе треба почесто да ги проверувате и полнете гумите со воздух отколку во летните месеци, се со цел да го одржите идеалниот притисок, што е еден од најважните фактори за безбедност при возење.

Старото мислење на возачите е дека недоволно напумпаните гуми се подобри за возење во зимски услови бидејќи тогаш гумите имаат поголем контакт со теренот на кој возат. Теоретски, тоа е точно, а понекогаш е корисно, на пример при извлекување од длабок песок, но во реалноста не е безбедно да се вози со низок притисок во гумите. Одржувајте го притисокот и во лето и во зима како што е препорачано од производителот.

/n1info

Автомобили

(ВИДЕО) „Tuning Car Show“ во Прилеп доби нова димензија со видеата на тимот од „Autodonia“

Објавено пред

на

©porta.mk

Традиционалниот „Tuning Car Show“ во Прилеп дефинитивно е еден од најпрестижните манифестации за сите љубители на автомобилизмот. На 11-ти октомври традиционално се одржа и овогоднинешното издание под покровителство на Општина Прилеп и останатите спонзори.

Вообичаено забележителни се многу видеографи, доста компании кои овој настан знаат и умеат да го пренесат, но токму нас, впечатлив пренос на овој настан ни остави „Autodonia“. Неуморните дечки на чело со Nenad Kaevik. Дечкото е специјализиран за изработка на визуелно импресивни и високо функционални дигитални решенија. Вистински љубеник на автомобилизмот кој успева на секој битен настан да биде прв.

Во оваа прилика од нашиот медиум упатуваме честитка за успешна работа, а вие не чекате уште веднаш посетете го неговиот бизнис инстаграм профил ТУКА – верувајте има што да видите, за повеќе информации за неговата работа и портфолио погледнете ТУКА

Промо видео од „Tuning Car Show“ – Прилеп:

Прочитај повеќе...

Автомобили

Volvo го прекинува производството на моделот V90 — последниот примерок оди во музеј

Објавено пред

на

Фото: Remy Lovesy @ unsplash
Фото: Remy Lovesy @ unsplash

По девет години и речиси 250.000 произведени примероци, Volvo официјално го прекина производството на моделите V90 и V90 Cross Country. Со тоа, уште еден од најелегантните каравани на пазарот заминува во историјата.

Класата на каравани веќе подолго време полека исчезнува, заменета со SUV модели кои доминираат во продажбата. Според порталот Carscoops, шведскиот производител Volvo Cars го стави крајот на производството на V90 и неговата надградена верзија V90 Cross Country по речиси една деценија на пазарот. Иако оваа одлука беше најавувана веќе неколку години, за многу љубители на класичните каравани ова е тажен момент.

Volvo го лансираше V90 во 2016 година, а дизајнот доби суптилно освежување во 2020 година. И денес, моделот изгледа модерно и префинето, со типичен скандинавски стил. Во текот на својот животен циклус, V90 понуди богата палета на мотори — од 2.0-литарски турбодизел со 148 коњски сили, до турбополнет и компресорски бензинец со 316 КС, па сè до plug-in хибрид со импресивни 455 КС.

Вкупно беа произведени околу 250.000 примероци, а последниот V90 нема да биде ставен во продажба. Наместо тоа, Volvo го додаде во својата колекција Heritage, каде ќе биде изложен во музејот „Светот на Volvo“ (World of Volvo) во Гетеборг. Таму ќе стои рамо до рамо со легендарни модели како Volvo 145, Volvo 960 и Amazon P220.

Судбината на V90 беше неизвесна веќе подолго време. Кон средината на 2023 година, Volvo објави дека ќе ја прекине продажбата на моделите V90, S90, S60 и V60 на британскиот пазар, во рамките на транзицијата кон SUV возила. Сепак, помалку од една година подоцна, поради зголемената побарувачка, компанијата повторно ги врати V60 и V90 во продажба во Велика Британија.

Со престанокот на производството на V90, моделот V60 останува единствениот караван во понудата на Volvo. Но, бидејќи сегашната генерација е на пазарот од 2018 година, не е сигурно колку долго ќе опстои. Се шпекулира дека Volvo би можел целосно да се збогува со караваните по моделската 2026 година, завршувајќи една славна ера што го направи брендот светски препознатлив.

Извор: BUG

Прочитај повеќе...

Автомобили

(ФОТО) Кичево и Бојоски денеска со високо трето место на „авто слалом“ во Прилеп по повод 11-ти Октомври

Објавено пред

на

©porta.mk

Нашиот кичевчанец Кристијан Бојоски го освои високото трето место во класа над 1600 cм³, и четврто место во друга класа на „Авто слалом“ трката денес по повод 11-ти Октомври традиционално во Прилеп – во организација на Авто мото клуб „Автомото Класика“ – Прилеп

Кристијан Бојоски (трето место)

Кристијан Бојоски (трето место)

Повеќе фотографии од овој настан може да download-ирате во продолжение ТУКА, во следните чекори „View content“ > Download (icon). Во оваа прилика им благодариме за официјалната покана до Порта.мк на „Автомото Класика“, се гледаме до година.

И на крај пред претставување на галеријата, оваа прилика ја користиме да го поздравиме со топло добредојде во тимот „Авто шлеп“ – Лони Кичево кој од денес на сите интернационални и домашни натпреварувања ќе го вози модифицираното возило на Кристијан Бојоски!

Мал дел фотографии:

Прочитај повеќе...

Facebook

Последни објави

Хороскоп7 часа

Хороскоп за сабота (18 октомври)

ОВЕН Ако неодамна сте донирале дел од вашите пари, сте позајмиле одредена сума на пријател или си купиле нешто непотребно,...

Македонија16 часа

Нов случај со измама за наводно случена сообраќајка, каде побарана била изнуда од висока сума на пари за итна операција

На 16.10.2025 во 17:20 часот во СВР Скопје, 71-годишна жена од Скопје пријавила дека била измамена за сума од 36.300...

Спорт18 часа

За прв пат, во ист ден тројца кичевски судии ќе судат меѓународни натпревари во Австрија и Фарски Острови

Историски ден за кичевскиот спорт, во водите на професионалните фудбалски судии. Тројцата арбитри под нашето фудбалско поднебје кои буквално животот...

Македонија20 часа

МВР: Во целост ја гарантираме безбедноста на граѓаните во насока на спроведување на фер и демократски „Локални избори 2025“

Министерството за внатрешни работи во пресрет на „Локални избори 2025“ континуирано презема мерки и активности во рамки на своите надлежности...

Временска прогноза20 часа

Дожд на секаде во Македонија, локално ќе наврнат над 20 л/м²

Под влијание на влажен воздушен бран од Медитеранот до крајот на денов и утре (сабота 18 октомври) во Македонија времето...

Хороскоп1 ден

Хороскоп за петок (17 октомври)

ОВЕН Може да очекувате промени поврзани со вашето работно место. Пред вас е фаза која може да биде многу турбулентна....

Македонија2 дена

Вчера во Битола се случила тешка сообраќајна несреќа помеѓу малолетник со електричен тротинет и пмв „цитроен“ со демирхисарски регистарски ознаки

На 15.10.2025 во 17:28 часот во СВР Битола е пријавено дека на крстосница од ул.„Филип Втори Македонски“ и ул.„Благојче Силјановски“...

Технологија2 дена

„Google Wallet“ добива нова функција која ќе го олесни користењето на дигиталните пропусници, картички за лојалност и билети

„Google Wallet“ добива нова функција која им овозможува на корисниците поедноставно користење на нивните дигитални пропусници, картички за лојалност, билети...

Здравје и убавина2 дена

Овие овошја едноставно се клучот за одмор на вашите црева во организмот

Многу луѓе кога ќе тргнат на одмор се соочуваат со непријатности во дигестивниот систем. Промената на климата, исхраната и околината...

Македонија2 дена

18 години без нашата поп икона Тоше Проески, кој загина на денешен ден – утрото на кобниот 16.10.2007

Цели 18 години без нашата поп икона Тоше Проески, кој загина на денешен ден – кобниот 16.10.2007. Тодор „Тоше“ Проески...

НАЈЧИТАНИ