Lifestyle
Колку не „чинат“ зависностите во животот
Интернет страницата „Treatment4addiction“ спроведе истражување и пресмета колку пушењето и конзумирањето алкохол и дрога просечно им одземаат на луѓето часови и години од животот.
Редовното конзумирање на два или повеќе алкохолни пијалоци дневно, според најновите резултати, на човекот му одзема дури 23 години од животот, а само два пијалока можат да го чинат 6,6 часови од животот.
Оваа статистика се однесува на лицата кои почнале редовно да пијат алкохол од 16 години и дневно просечно пијат по 2,14 пијалоци. Овие луѓе просечно живеат 55,6 години, додека лицата кои не конзумираат алкохол 23,1 години подолго.
Редовното пушење на кутија од 20 цигари дневно, одзема 10 години од животот, додека само една цигара го чини хроничниот пушач 14 минути.
Луѓето кои почнале да пушат на возраст од 17,8 години и во текот на денот испушат една кутија би можеле да живеат 68,7 години.
Зависниците од кокаин со секоја нова доза од дрогата гупат пет часа од животот, а со секојдневно конзумирање 34 години од животот и умираат во просек на 45 години.
Зависниците од метадон го скратуваат својот живот за 38 години и обично умираат на 41-годишна возраст.
Метамфетаминот ги чини зависниците дури 42 години од животот, а просечен зависник умира на 37 години, доколку почнал да ја користи оваа дрога на возраст од 19,7 години.
Тоа е пократок животен век за 41,9 години од просекот на здравите луѓе.
Хероинот одзема дури 41 година од животот, а просечен зависник умира на 38-годишна возраст.
Извор: Еcigarettereviewed.com
ФОТО: Lindsay Fox
Lifestyle
Најефикасниот начин за отстранување на мувла од ѕидовите, според експертите
Мувлата е чест проблем во домовите, особено во текот на зимата кога во просториите се собира кондензација и влага. Таа најчесто се појавува како темни дамки на ѕидовите, а ако не се реагира навреме, може да предизвика оштетувања и здравствени проблеми. Еве кои се најдобрите начини за ефикасно и трајно отстранување на мувлата, според советите на експертите за чистење.
Зошто се појавува мувлата?
Мувлата најчесто се јавува поради зголемена влажност, недоволна вентилација или продор на вода. Кога воздухот во домот е влажен и нема доволно циркулација, на ѕидовите се создава идеална средина за раст на мувла. Затоа е важно, покрај чистењето, да се најде и реши изворот на влагата.
Бел оцет – природно решение
Еден од најдобрите и најевтините начини за отстранување на мувла е употребата на бел оцет. Тој има природни антисептички својства и ефективно ги уништува спорите на мувлата.
Како се користи:
Измешајте еден дел бел оцет со еден дел вода во шише со распрскувач. Испрскајте ја погодената површина и оставете да делува околу еден час. Потоа избришете со влажна крпа. За поупорни дамки, може да се користи и неразреден оцет.
Многу експерти предупредуваат дека белилото често се користи погрешно, бидејќи го отстранува само горниот слој на мувлата, без да ги уништи спорите во длабочината на ѕидот.
Сода бикарбона – природен антисептик
Содата бикарбона е уште едно безбедно и ефикасно средство. Таа делува како благ антисептик и ја намалува влажноста на површината.
Како се користи:
Измешајте три лажици сода бикарбона со половина литар вода, нанесете на мувлосаната површина, оставете да делува 15 минути, а потоа избришете со сува крпа.
Специјализирани спрејови против мувла
На пазарот постојат и спрејови специјално наменети за уништување на мувла и габи. Тие содржат активни состојки кои продираат во порозните површини и ги уништуваат спорите во коренот.
Како се користат:
Нанесете го спрејот на засегнатото место, оставете неколку минути да делува и избришете со чиста крпа. Секогаш носете ракавици и проветрете ја просторијата додека го користите производот.
Белило – внимателно користење
Белилото може да биде корисно на плочки, фуги и други цврсти површини каде што мувлата се појавува често, но не се препорачува за обоени ѕидови.
Како се користи:
Направете раствор од еден дел белило и четири дела вода. Со мека крпа избришете ја површината и потоа исушете ја темелно. Внимавајте, бидејќи белилото може да го обезбои ѕидот и да остави траги.
Како да се спречи повторно појавување на мувла
Откако ќе ја исчистите мувлата, важно е да спречите повторна појава. Експертите нагласуваат дека вентилацијата и сувиот воздух се клучни.
Совети за превенција:
-
Редовно проветрувајте ја секоја просторија, особено после туширање или готвење.
-
Користете вентилатори или одвлажнувачи на воздух.
-
Поправете ги сите протекувања на кровот или водоводот.
-
Одржувајте стабилна температура во домот за да се намали кондензацијата.
-
Избришете ја кондензацијата од прозорците и ѕидовите кога ќе се појави.
Со следење на овие едноставни совети, можете трајно да ја отстраните мувлата и да го зачувате вашиот дом чист, здрав и пријатен за живеење.
Клучот за успех: откријте ја причината за влагата, подобрете ја вентилацијата и редовно одржувајте го домот.
Извор: Danas
Lifestyle
За само 10 минути, вашите фуги ќе блеснат како нови: трик што ја враќа белината без многу трошок
Со текот на времето, фугите меѓу плочките потемнуваат, стануваат валкани и тешко се чистат. Наместо да користите силни средства како белило, постои едноставен и евтин начин со кој ќе ги направите повторно бели – и тоа за само десет минути.
Што ви е потребно:
-
Малку хидроген (се купува во аптека – безбеден е за користење во домаќинство)
-
Сода бикарбона
-
Стара четка за заби или мека четка
-
Крпа и топла вода
Постапка:
-
Прво, пребришете ги плочките со влажна крпа за да ја омекнете нечистотијата.
-
Во мала чаша, измешајте две лажици сода бикарбона со малку хидроген – колку да се добие густа паста.
-
Со четката нанесете ја смесата директно врз фугите и оставете да стои околу 10 минути.
-
Потоа, со кружни движења, истријте ги фугите. Ќе забележите како нечистотијата се отстранува веднаш.
-
На крај, исплакнете со топла вода и пребришете со сува крпа.
По само неколку минути, вашите фуги ќе изгледаат бели и чисти како нови, без непријатен мирис и без скапи средства за чистење.
Овој природен метод е безбеден, ефтин и ефикасен, а хидрогенот што го користите е ист оној што често се користи за дезинфекција на рани — значи нема никаква опасност при употреба.
Пробајте го овој домашен трик – ќе ве изненади колку брзо ќе се исчисти купатилото, а фугите повторно ќе заблескаат како првиот ден!
Извор: B92
Lifestyle
5 причини да јадете тиква: Ако сакате да ослабете, подгответе ја вака
Тиквата е една од најздравите есенски намирници, богата со хранливи состојки и корисна за целото тело. Сè што треба да направите е да ја вклучите почесто во вашето мени – варена, печена, во чорби или дури и како десерт.
Многумина ја обожаваат есента токму поради тиквата. Освен што е вкусна и декоративна, таа има и бројни лековити својства кои придонесуваат за подобро здравје и виталност. Еве пет причини зошто треба редовно да ја јадете:
1. Помага во одржување на телесната тежина
Сто грама тиква содржи помалку од 30 калории и над 90% вода, што ја прави совршена диетална храна. Редовната консумација ја намалува количината на лош холестерол во крвта и помага при контролирање на апетитот.
2. Ја зајакнува имунитетот и го штити видот
Портокаловата боја на тиквата доаѓа од бета-каротенот, антиоксиданс кој го зајакнува имунолошкиот систем и ги штити очите. Тиквата, исто така, содржи витамини Ц, Е и К, како и калиум, калциум и железо – комбинација која го зацврстува организмот и ја зголемува отпорноста на настинки.
3. Го подобрува варењето на храната
Благодарение на високата содржина на растителни влакна, тиквата го поттикнува варењето и го смирува дигестивниот систем. Пектинот и целулозата помагаат при запек и воспаление на дебелото црево, што ја прави идеална намирница за чувствителен желудник.
4. Го штити здравјето на простатата
Маслото од семки од тиква е богато со есенцијални масни киселини и има благотворно дејство врз здравјето на простатата. Редовното консумирање може да помогне во спречување на воспалителни процеси и да делува превентивно против појава на канцерогени промени.
5. Грицкајте семки за подобро расположение
Семките од тиква се вистински природен еликсир. Тие го намалуваат стресот и анксиозноста, го подобруваат расположението и помагаат во регулирање на шеќерот во крвта. Богати се со цинк и здрави незаситени масти, кои ја зголемуваат чувствителноста на телото на инсулин и придонесуваат за здрави коски.
Само 30 грама семки од тиква содржат околу 5 грама протеини – идеални за луѓе што сакаат да останат сити подолго време и да одржат здрава исхрана.
Извор: Kurir
-
Кичево2 денаУтре во НУЦК „Кочо Рацин“ – Кичево, се организира „Хуманитарен концерт“ на здружение на родители на деца со пречки во развој, да бидеме хумани!
-
Кичево9 часаВчера во кичевското с.Староец затекнат бил крушевчанец на криволов
-
Хороскоп1 денХороскоп за сабота (25 октомври)
-
Спорт3 часаФК Напредок со победа и едноминутно молчење оддаде почит кон легендата Зоран Ѓорѓиоски-Мрско
-
Македонија1 денВисоки претставници на МВР денес беа во работна посета на ГП Блато и ОВР Дебар
-
Македонија2 денаВо недела наутро започнува зимското сметање на време, со тоа што стрелките се враќаат еден час поназад
-
Македонија2 денаАМСМ: Поради излетано тешко товарно возило, патот Скопје-Куманово кај Хиподром (обиколница) е во прекин
-
Временска прогноза11 часаОд утре доаѓа бура од дождови во западниот регион од Македонија
