Спорт
„Куп голејада“: „ФК Работнички“ ја победи „Шкендија“, „АП Брера“ и „Воска“ по успешни на пенали, Брегалница славеше 11-0..

Работнички супериорен против Шкендија со 3:2. Стојановски беше стрелец на првиот гол, но израмни Клисман Цаке, а Дашмир Елези пред полувремето се погрижи за предност за Шкендија. Но, тоа не беше се. Гандо Биала израмни во 47.минута, а Атдхе Мазари го постигна победничкиот гол за Работнички, додека пак Македонија ЃП ја продолжува одбраната на куп-трофејот откако го елиминира Вардар на дуелот на стадионот „Борис Трајковски“ во Маџари со 0-1. Алтин Алији беше стрелец за ѓорчепетровци во 63.минута.
Брера и Гостивар одиграа квалитетен меч во Струмица, така да според ремито мечот го решија на пенали од белата точка, но и езерскиот дуел меѓу Воска и Струга ТЛ исто така се решаваа пенали.
Шкупи го победи Охрид Лихнидос со 3-0, а Тиквеш на гости славеше против Пелистер (0-1). Силекс го победи Башкими со 3-2, а релативно најлесна задача имаше Брегалница, која се сретна со нисколигашот Јанг Тим и победи со 11-0.
Сите утакмици во живо, како и денешните може да ги проследите на официјалниот јутјуб канал на „Фудбалската федерација на Македонија“ – ТУКА
КУП, 1/8 – ФИНАЛЕ – РЕЗУЛТАТИ
ВАРДАР – МАКЕДОНИЈА ЃП 0-1
БРЕГАЛНИЦА – ЈАНГ ТИМ 11-0
РАБОТНИЧКИ – ШКЕНДИЈА 3-2
СИЛЕКС – БАШКИМИ 3-2
БРЕРА – ГОСТИВАР 0-0 (5-4) пен.
ПЕЛИСТЕР – ТИКВЕШ 0-1
ШКУПИ – ОХРИД ЛИХНИДОС 4-0
ВОСКА – СТРУГА ТЛ 0-0 (4-1) пен.
/макфудбал
Спорт
За прв пат, во ист ден тројца кичевски судии ќе судат меѓународни натпревари во Австрија и Фарски Острови

Историски ден за кичевскиот спорт, во водите на професионалните фудбалски судии. Тројцата арбитри под нашето фудбалско поднебје кои буквално животот го посветија во фудбалскиот свет во ист ден ќе судат меѓународни натпревари во Австрија и Фарски Острови.
Имено, во среда на мечевите во рамки на „UEFA“ младинската лига до 19 години помеѓу „Австрија Виена“ со „Макаби Хаифа“ – судии ќе бидат Јован Качевски, Даниел Василевски и кичевчанецот Давор Цветаноски, додека на мечот во „Nordragota“ – „Викингур“ со „Генк“ правдата ќе ја делат Влатко Илиовски и кичевчаните Куштрим Лика и Зоран Јанкулоски.
Благодарение на Фудбалската федерација на Македонија на чело со претседателот Масар Омерагиќ и комесарот Јосип Бартон се дава можност на национални докажани судии да судат интернационални натпревари кои достојно ќе ја претсават Македонија во Европа, подвиг кој е за сите почести.
Мечот во Виена ќе започне од 15:30 часот, додека истиот ден мечот во Фарски Острови ќе започне од 20:00 часот.
Спорт
Македонија одигра „реми“ со Казахстан на „Тодор Проески“, Барди нè спаси од сигурен пораз

Избраниците на Благоја Милевски сега ќе имаат клучен дуел со следната селекција, кој ќе реши кој тим ќе го заземе второто место. Со ова реми, фудбалската репрезентација на Македонија го предаде врвот на табелата на Белгија, која успеа да го совлада Велс по драматичен пресврт.
Велс во наредното коло ќе се сретне со Лихтенштајн, а евентуална победа би им донела можност да ја поминат Македонија на табелата. Судирот меѓу овие две репрезентации ќе се одигра токму во последната рунда, што дополнително ја зголемува неизвесноста.
Со победа во овој натпревар, Македонија ќе можеше да остане во трката за првата позиција, иако Белгија би била во пол-поволна ситуација. Сепак, по актуелниот расплет, македонските фудбалери ги очекува исклучително тежок ноемвриски предизвик.
Дуелот беше крајно израмнет и двата состави создадоа неколку добри прилики во првото полувреме, но мрежите мируваа до паузата. Казахстан прв стигна до водство во 54-тата минута преку Динмухамед Караман, но Енис Барди успеа да врати баланс во 74-тата минута со прецизен удар.
Иако нашите имаа уште неколку обиди да направат целосен пресврт, сепак не успеаја повторно да ја затресат мрежата и да си обезбедат полесен финиш на квалификациите.
Голот на Барди од слободен удар ексклузивно погледнете го ТУКА, преку нашите колеги од редакцијата на „Курир“
Спорт
(ВИДЕО) „Бомба“ од слободен удар на Енис Барди носи израмнување на мечот со Казахстан, одиме на победа!

Енис Барди го „матираше“ противничкиот голман на Казахстан. Од слободен удар максимално прецизен и силен донесе израмнување на мечот 1:1 по примениот „несреќен“ гол предмалку од гостите.
Одиме на победа!
Голот ексклузивно погледнете го ТУКА, преку нашите колеги од редакцијата на „Курир“
-
Спорт1 ден
За прв пат, во ист ден тројца кичевски судии ќе судат меѓународни натпревари во Австрија и Фарски Острови
-
Хороскоп2 дена
Хороскоп за петок (17 октомври)
-
Хороскоп13 часа
Хороскоп за сабота (18 октомври)
-
Македонија2 дена
Вчера во Битола се случила тешка сообраќајна несреќа помеѓу малолетник со електричен тротинет и пмв „цитроен“ со демирхисарски регистарски ознаки
-
Македонија22 часа
Нов случај со измама за наводно случена сообраќајка, каде побарана била изнуда од висока сума на пари за итна операција
-
Временска прогноза1 ден
Дожд на секаде во Македонија, локално ќе наврнат над 20 л/м²
-
Македонија1 ден
МВР: Во целост ја гарантираме безбедноста на граѓаните во насока на спроведување на фер и демократски „Локални избори 2025“