Следете не

Автомобили

Mercedes од 1955 година стана најскапиот продаден автомобил во историјата

Објавено пред

на

Фото: Unsplash

Mercedes-Benz потврди дека неодамна продал автомобил од својата музејска колекција во Германија од 1955 година. Mercedes-Benz SLR Coupe на приватен сопственик за 135 милиони евра, објави CNN.

Со постигнатата цена на пазарот, тој е најскапиот автомобил досега продаден во историјата, според Hagerty, компанија која ги следи вредностите и продажбата на колекционерските возила.

Со парите од продажбата ќе се формира светската Mercedes-Benz фондација за стипендии, објави Mercedes.

Претходната највисока цена за продажба на автомобил беше 70 милиони долари, платена во 2018 година за Ferrari 250 GTO од 1963 година.

Неодамна продадениот Mercedes беше еден од двата прототипа на 300 SLR Uhlenhaut Coupe.

Возилата стари 67 години го добиле името по тогашниот главен инженер Рудолф Уленхаут, а се верува дека можат да достигнат максимална брзина од 299 km/h.

Колекционерскиот автомобил беше продаден на затворена аукција, одржана со покани во Штутгарт на 5 мај и во соработка со аукциската куќа RM Sotheby’s.

Уште една копија на купето Uhlenhout останува во музејската колекција на Мерцедес, се вели во соопштението на компанијата.

„Тркачките автомобили од 1930-тите до 1950-тите се реткост на пазарот и повеќето сè уште се во сопственост на фабриката, така што секој примерок понуден на продажба е многу барана стока“, рече Брајан Раболд, потпретседател на Hagerty.

/n1info.com/

Автомобили

Новиот прототип на „Subaru“ се очекува да дебитира на „Japan Mobility Show 2025“

Објавено пред

на

ФОТО: Colby Ray @ Unsplash.com

Главниот технолошки директор на Субару, Тецуо Фуџинуки, накратко зборуваше за новото возило, кое според тизер фотографијата најверојатно е поврзана со новата генерација на моделот WRX, не откривајќи го директно името. Тој изјави дека автомобилот ќе користи усовршен систем за погон на сите тркала, инспириран од оној што се користи во тркачката серија Супер Таикју.

Јапонското списание „Car Watch“ пренесе дека Фуџинуки го опишал автомобилот како „атрактивен“, со најава дека ќе има уште поимпресивна верзија во иднина. Повеќе детали ќе бидат објавени на самиот саем.

Според „Carscoops“, иако нема официјална потврда, сите знаци укажуваат дека ова е новата, долгоочекувана верзија на WRX, можеби дури и во STI издание.

Сликата што беше објавена не открива многу, но се гледа агресивен дизајн, со спортска аеродинамика. Предниот дел изгледа како модернизирана верзија на сегашниот WRX, со голема маска, нагласен сплитер и хауба со отвор за воздух.

Покрај новиот модел, Субару потврди и дека работи на следната генерација на својот боксер мотор. Иако сè уште нема многу технички детали, се знае дека моторот ќе биде прилагоден за користење јаглеродно неутрално гориво E20 и е можно да има хибридна поддршка. Не се знае точно колкава ќе биде работната зафатнина или колку цилиндри ќе има.

Во изјава за Best Car Web, Фуџинуки ја нагласи посветеноста на Субару кон своите клиенти. Тој изјави: „Им благодариме на сите кои го избираат Субару. Ќе продолжиме да создаваме автомобили што ќе го оправдаат нивниот избор.“

Повеќе информации се очекуваат на отворањето на Јапонскиот саем за мобилност на 30 октомври 2025 година.

Извор: Carscoops / Car Watch / Subaru

Прочитај повеќе...

Автомобили

Утре во Прилеп ќе се одржи традиционалниот „Авто слалом“, учество ќе земе шампионот од Кичево, Кристијан Бојоски!

Објавено пред

на

©porta.mk

Утре (недела), 1-ви јуни со почеток од 11:00ч, град Прилеп повторно ќе биде домаќин на традиционалното државно првенство на Македонија во „Авто слалом“ со возила „Олд тајмери“ и „Јанг тајмери“ во организација на Национална Федерација за историски возила на Македонија која припаѓа во семејството на „FIVA“ – Fédération Internationale des Véhicules Anciens и „Класика Прилеп“ поддржано од Министерство за Спорт.

На наше огромно задоволство и под наше медиумско покровителство свое учество ќе земе нашиот кичевчанец, поранешен шампион и долгогодишен искусен учесник Кристијан Бојоски со својот модифициран „Опел Кадет“, кој долги години е миленик на прилепската публика, а владее голема поддршка и од нашиот град Кичево.

Инаку да потсетиме лани Кристијан Бојоски се натпреваруваше во класа 3 заедно со уште 11 учесници, рекорден број во таа категорија. Бојоски заврши на четвртата позиција со извозено време 1:40

Бидете дел и заедно да навиваме за кичевчанецот кој благодарение на пријателите и спонзорите кои здружено помагаат првично во техничката спремност, а тука не смее да се заборави поддршката на „Adler“, успешно плови по автомобилистичките води.

Имено да потсетиме, во октомври 2023, Бојоски го извози најдоброто време во класата „олд тајмери“ и се закити со пехар и медалја.

Настанот е на официјалната локација пред „Палма Шоп“ во Центарот на градот. Истиот беше закажан за 11-ти мај, но доби нов датум 1-ви јуни поради санација на делови од патеката, тогаш истакнаа од организацијата.

Со среќа на сите учесници!

 

Прочитај повеќе...

Автомобили

„BMW“ во својата палета на електрични автомобили ќе го истакне својот модел „i4 M60“, со неверојатни 593 коњски сили

Објавено пред

на

ФОТО: screenshot/youtube/i4m60/2024

Помина нешто повеќе од една година откако BMW направи освежување на Серија 4 Gran Coupe и електричниот модел i4. Сепак, спортската верзија i4 M50 тогаш не доби технички промени. Таа продолжи да се нуди со истата M Performance поставка која развива 536 коњски сили и 795 њутн-метри вртежен момент. Неколку месеци подоцна, BMWBLOG објави информации дека се подготвува помоќна верзија – i4 M60. Сега, иако неофицијално, таа верзија се појави на холандската страница на BMW.

Новата i4 M60 веќе е наведена меѓу понудените модели, иако сè уште не може да се конфигурира. Интересно е што i4 M50 сè уште стои во понудата, но тоа веројатно ќе се промени наскоро. Новиот модел носи 593 коњски сили, што е за 57 КС повеќе од претходниот. Вртежниот момент останува ист – 795 њутн-метри.

Поради дополнителната сила, i4 M60 е побрз – од 0 до 100 км/ч стигнува за 3,7 секунди, што е за 0,2 секунди побрзо од M50. Максималната брзина останува ограничена на 225 км/ч. Покрај подобрените перформанси, има и други новитети кај оваа верзија, која е најпродаван BMW M модел последниве три години.

Според податоците од холандскиот сајт на BMW, новиот i4 M60 има автономија од 432 до 551 километар според WLTP стандардот. Иако минималниот дострел е помал од претходната верзија (469 км), максималниот сега е поголем (513 км порано). Батеријата и натаму има капацитет од 81,1 kWh, со максимално полнење на 205 kW со еднонасочна струја.

Новата верзија троши малку повеќе енергија – од 21 до 16,6 kWh на 100 км, додека старата верзија имаше потрошувачка од 19,7 до 17,9 kWh. Исто така, автомобилот е малку полесен – намален е за 5 килограми, па сега тежи 2.285 кг.

Брзината на полнење исто така е подобрена. За само 10 минути, може да се добие енергија за 141 до 185 километри, додека кај претходниот модел тоа беше 135 до 175 километри. Бидејќи BMW веќе ги подновува своите веб-страници со новиот модел, целосното претставување на i4 M60 најверојатно ќе се случи многу наскоро.

Извор: bmwblog.com

Прочитај повеќе...

Facebook

Последни објави

Скопје1 час

За еден ден во Скопје изречени 180 мерки во областа на сообраќајот

Секторот за внатрешни работи Скопје во текот на вчерашниот ден (04.06.2025) продолжи со контролите во областа на сообраќајот. На територија...

Хороскоп11 часа

Хороскоп за четврток (5 јуни)

ОВЕН Некој на работа врши притисок врз вас и приморани сте некои работи да ги завршите побрзо отколку што очекувавте....

Спорт13 часа

ФФМ на дечињата кои учествуваа во финалниот турнир во „Детската лига“ ќе им овозможи бесплатно да го следат мечот Македонија-Белгија од трибините на „Тодор Проески“

Фудбалската федерација на Македонија ќе им овозможи бесплатен влез на источната трибина на Националната арена „Тодор Проески“ на сите деца...

Хроника20 часа

При изведување градежни работи на автопат Кичево-Охрид од дрвена платформа паднал работник, жител на Кина

На 03.06.2025 во 07:25 часот во СВР Охрид е пријавено дека, О.З.(52) од Кина, при изведување градежни работи на автопатот...

Временска прогноза1 ден

Попоски апелира за локална дестабилизација со пороен дожд, ова се информациите

Под влијание на фронтална долина со поладен воздух во висина која се наоѓа над нашиот дел од Европа, во Македонија...

Хороскоп1 ден

Хороскоп за среда (4 јуни)

ОВЕН Оние од вас кои планираат пократко патување денес можеби ќе бидат задоволни, особено ако се работи за семејна посета....

На денешен ден2 дена

Времеплов: На денешен ден – 3 јуни

На денешен ден 3 јуни, хронолошки подредени значајни настани што се случиле низ различни години и делови на светот. Еве...

Македонија2 дена

(ФОТО) СВР Охрид одржа работилници на тема „Безбедност и правила за децата во сообраќајот“ со ученици од второ и трето одделение на основни училишта

СВР Охрид во соработка со општинскиот Совет за превенција на детско престапништво и секторот за комунални дејности, сообраќај и улици...

Македонија2 дена

МВР изрече кривична пријава за злоупотреба на службената положба и овластување и злоупотреба на постапката за јавен повик, доделување на договор за јавна набавка или јавно-приватно партнерство

Одделот за сузбивање на организиран и сериозен криминал поднесе кривична пријава против шест физички лица поради постоење основи на сомнение...

Автомобили2 дена

Новиот прототип на „Subaru“ се очекува да дебитира на „Japan Mobility Show 2025“

Главниот технолошки директор на Субару, Тецуо Фуџинуки, накратко зборуваше за новото возило, кое според тизер фотографијата најверојатно е поврзана со...

НАЈЧИТАНИ