Македонија
„Рурална Коалиција“ вчера реализира презентација на мониторинг извештаите за родова еднаквост

Денес, Рурална Коалиција, ги презентираше мониторинг извештаите од 6-те пилот општини во кои што го спроведува проектот „Со европско знаење за подобрена родова еднаквост во локалната заедница“, Кичево, Пласница, Прилеп, Кривогаштани, Гостивар и Врапчиште а се подготвуваше во периодот јули 2022 – јануари 2023 година.
Мониторинг извештаите покажаа дека сите општини имаат назначено координатори за еднакви можности, но тоа се лица кои што се вработени во општините на други работни места, што пак ја оневозможува нивната посветеност и работа на полето на родовата еднаквост.
Во најголемиот број на општини, со исклучок на општините Гостивар и Врапчиште, Комисиите за еднакви можности немале состаноци ниту пак презеле некои поконкретни активности во локалната заедница на теми поврзани со родовата еднаквост. Во општините Пласница и Кривогаштани се забележува намалување и на така скромниот буџет кој што го имале за реализација на активности од Програмата за родова еднаквост, па така за реализација на едногодишна програма во овие општините за 2023 година се издвојуваат од 35.000-60.000 денари.
Општина Кичево е со 0 буџет за активности поврзани со родовата еднаквост во 2022 година и без програма за родова еднаквост, а за прв пат средства во износ од 300.000 МКД предвидува во оваа 2023 година кои што ќе бидат наменети за реализација на активности предвидени во Програмата за родова еднаквост која што исто така за прв пат се изготвува за оваа 2023 година. Општина Прилеп, пак исто така нема програма за родова еднаквост за 2022 година ниту пак буџет конкретно наменет за активности поврзани со родовата еднаквост, а во 2022 година поддржале само 1 организација за манифестација за одбележувањето на денот на руралната жена.
Исто така треба да се потенцира дека дел од општините и тоа: Кичево и Прилеп не изготвуваат годишни извештаи за еднакви можности на едниците на локалната самоуправа за напредокот на состојбата со еднаквите можности на мажите и жените, што пак е нивна законска обврска и истиот секоја година треба да го доставуваат до Министерството за труд и социјална политика најдоцна до март наредната година. Само координаторот за еднакви можности и членовите на комисијата за еднакви можности на општина Пласница се вклучени во креирањето на мерките и програмите на општината, додека пак тоа не е пракса во останатите 5 општини.
Немањето на буџет, честите промени на членовите на комисиите за еднакви можности, немањето на доволна едукација и познавање на темите поврзани со родовата еднаквост од страна на членовите на комисиите, како и вработените во општините, невклучувањето на жените од месните и урбани заедници во локалните процеси на донесување на одлуки, немање на редовна и континуирана соработка со граѓанските организации, но и неинформираноста и недоволна едукација кај самото локално население за значењето на прашањето на родовата еднаквост особено во ЕУ интеграциските процеси се главните јазови или предизвици кои што беа идентификувани низ процесот на овој мониторинг.
„Издвојувањето на буџет за реализација на активности за реализација на активности од Програмата за родова еднаквост е клучен елемент кој што треба да го практикуваат општините, но и посебната систематизација на работно место – координатор за еднакви можности бидејќи тоа е единствениот начин како може директно да се зголеми влијанието и состојбата со унапредување на еднаквите можности на мажите и жените во локалната заедница“ спомена во своето излагање Лилјана Јоноски, извршна директорка на Рурална Коалиција.
Локалната истражувачка, пак, Зујца Газепова, ја истакна спомена важноста од непосредната и директна комуникација на општините со граѓаните и граѓанските организации, особено заради размена на искуства и знаења, а особено го потенцираше фактот дека честата промена на членовите на Комисиите за еднакви можности не овозможува континуирано унапредување на состојбата со родовата еднаквост на терен, а дека ваквите алатки за мониторинг треба да ги применуваат и самите општини и тоа на квартално ниво.
Од тука следни се нашите препораки за унапредување на овие процеси: задолжително изготвување, но и реализација на програма за родова еднаквост во секоја општина, задолжителен годишен буџет кој што линеарно ќе се зголемува секоја година, воведување на систем на внатрешен мониторинг со родово-разделени податоци и статистики на квартално ниво, поврзување на активностите и мерките со родово-сензитивни индикатори, унапредување на соработката со граѓанските организации на ниво на партнери во процесите, обезбедување на подеднаква вклученост на мажите и жените во процесите на донесување на одлуки, прилагодување на локалните политики кон ЕУ директивите и акциски планови, а едукацијата треба да биде клучен и задолжителен дел кој што редовно ќе го практикуваат сите локални чинители.
Оваа јавна презентација на мониторинг извештаите беше реализирана во рамките на проектот „Со европско знаење за подобрена родова еднаквост во локалната заедница“ .
Проектот „Со европско знаење за подобрена родова еднаквост во локалната заедница“ имплементиран од Рурална Коалиција е поддржан од Реактор – Истражување во акција и нивните партнери преку акцијата „Унапредување на родовата еднаквост во процесот на пристапување во ЕУ“. Акцијата е финансирана од Европската Унија и кофинансирана од Шведска.
Ова соопштение за медиуми е создадено со финансиска поддршка на Европската Унија, ко-финансирана од Шведска. Содржината е единствена одговорност на Рурална Коалиција и не ги одразува ставовите на Европската Унија или Шведска.
Македонија
(ФОТО) „До вас, за вас“ во Охрид привлече големо внимание помеѓу посетителите, одличен настан за подигнување на јавната свест за зголемување на безбедноста во заедницата

На градскиот плоштад „Св.Климент Охридски“, за посетителите денес се реализира настанот „До вас, за вас“, а изложи дел од опремата, возилата и другите материјално технички средства што ги користат полициските службеници при извршувањето на секојдневните задачи.
Целта на кампањата е подигнување на јавната свест за зголемена јавната безбедност во заедницата, спроведување на едукативни и интерактивни активности со граѓаните поврзани со превенција и сузбивање на разните форми на криминал и сл.
Кампањата беше од отворен тип и истата заедно со вежбовните активности, граѓаните можеа да ги следат предвидените активности, кои се одвиваа во присуство на министерот за внатрешни работи Панче Тошковски, директорот на Бирото за јавна безбедност, Александар Јанев, началникот на РЦ „Запад“ Љупче Спироски, началници и командири од СВР Охрид. Свое учество во реализација на настанот зедоа полициските службеници од СВР Охрид, граничната полиција регионален центар „Запад“, САЕ „Тигар“, ЕСЗ, ЦУК, ДЗС, Капетанија на пристаништа, Црвен крст и територијалната протипожарна еднница од Охрид.
Со голема чест бевме дел од овој настан и направивме сопствена галерија, така што оваа прилика им честитаме на СВР Охрид за комплетната организираност околу настанот
Македонија
Албански државјанин на „Ќафасан“ во документи ставил пари, бил приведен од РЦ Запад

На 25.07.2025 во 12.25 часот, полициски службеници од Полициската станица за гранични проверки „Ќафасан“ при Регионалниот центар за гранични работи Запад, ги приведоа албанските државјани Д.К.(35) и Е.А.(22).
При преземање службени мерки за гранична проверка при излез од државата, Д.К. во своите сообраќајни документи ставил пари, кои потоа му ги приложил на полицискиот службеник.
По консултација со јавен обвинител, против нив ќе биде поднесена соодветна пријава, известува портпаролот на СВР Охрид, Стефан Димоски.
Македонија
Утре на градскиот плоштад во Охрид, македонската Полиција ќе реализира националната кампања „До вас, за вас“, како форма за приближување на полицијата до граѓаните

Утре (26.07.2025 година) во Охрид ќе биде реализирана националната кампања „До вас, за вас“ која има превентивен карактер и претставува форма и е во рамките на концептот „Комјунити полисинг- Работа во заедницата“. Спроведувањето на предвидените активности, ќе се одвива во присуство на министерот за внатрешни работи Панче Тошковски и директорот на Бирото за јавна безбедност, Александар Јанев а според планираните мерки, ќе се спроведе заедничка вежбовна активност во која ќе учествуваат полициски службеници од СВР Охрид, граничната полиција регионален центар „Запад“, САЕ „Тигар“, ЕСЗ, ЦУК, ДЗС, Капетанија на пристаништа, Црвен крст и територијалната протипожарна еднница од Охрид.
На градскиот плоштад „Св.Климент Охридски“, за посетителите ќе бидат изложени дел од опремата, возилата и другите материјално технички средства што ги користат полициските службеници при извршувањето на секојдневните задачи.
Целта на кампањата е подигнување на јавната свест за зголемена јавната безбедност во заедницата, спроведување на едукативни и интерактивни активности со граѓаните поврзани со превенција и сузбивање на разните форми на криминал и сл.
Кампањата е од отворен тип и истата заедно со вежбовните активности, граѓаните ќе можат да ги следат и да учествуваат од 18.30 часот на градското пристаниште и градскиот плоштад „Св.Климент Охридски“ во Охрид, за Порта.мк информираше портпаролот на СВР Охрид, г-дин Стефан Димоски.
-
Кичево15 часа
„Кичевчани пеат за Кичево“, дводневна музичка манифестација на градскиот плоштад, незаборавни музички вечери во срцето на Кичево!
-
Кичево2 дена
Во понеделник ЕВН КЕЦ Кичево ќе работи на терен, времено без електрична енергија ќе биде кичевското село Другово
-
Хороскоп1 ден
Хороскоп за сабота (26 јули)
-
Култура13 часа
(ВИДЕО) Кичевчани помеѓу соговорниците одговараа пред камерите во проектот „Што значи за тебе Македонија“
-
Македонија8 часа
(ФОТО) „До вас, за вас“ во Охрид привлече големо внимание помеѓу посетителите, одличен настан за подигнување на јавната свест за зголемување на безбедноста во заедницата
-
Македонија2 дена
Утре на градскиот плоштад во Охрид, македонската Полиција ќе реализира националната кампања „До вас, за вас“, како форма за приближување на полицијата до граѓаните
-
Lifestyle2 дена
Дали премногу често имате столица? Еве што значи тоа за вашето здравје
-
Lifestyle2 дена
Клуч за контрола на шеќерот во крвта: Три знаци дека не внесувате доволно растителни влакна