Следете не

Здравје и убавина

Следните намирници немаат рок на траење

Објавено пред

на

Рокот на траење на храната може да биде доста збунувачки. Не само што има повеќе датуми за да се разберат (тоа се „рок на траење“ и „најдобро да се употреби до …“), но понекогаш овие датуми можат да бидат сосема погрешни.

Следните намирници немаат рок на траење….

Сол
Сол, било да е морска или камена, не може да се расипе и останува засекогаш свежа, како што била на денот кога сте ја купиле.

Шекер
Шекерот не е проблем да се чува свеж, туку да се спречи да не стане цврст како камен. Шекерот никогаш нема да се расипе бидејќи не дозволува развој на бактерии. Единственото нешто што морате внимателно да направите е да го чувате подалеку од влага и инсекти.

Мед
Медот има неограничен рок на траење. Може да ја смени бојата или да се кристализира, но и понатаму ќе биде добар за јадење. Ако медот се кристализира, едноставно ставете ја отворената тегла во топла вода и мешајте додека кристалите не се растопат.

Ориз
Дури и ако дебел слој прашина е фатен на кутијата, оризот ќе биде подеднакво добар како и првиот ден. Ова важи за сите видови на ориз: долги и кратки зрна, бели, басмати … Но, не и за кафеавиот ориз, кој повеќе е склон кон расипување поради поголемо количество на масло. Единствено што треба е да се грижите за чување на оризот е од инстектите.

Бел оцет
Можете да купите голема количина бел оцет, без страв за расипување. Имено, може да трае вечно. И да ве потсетиме дека, освен во салати и супи, исто така можете да го користите како одлично средство за чистење.

Екстракт од ванила
Чистиот екстракт од ванила засекогаш ќе остане свеж, бидејќи се чува во чист алкохол. Но, бидете внимателни дали навистина се работи за вистински екстракт од ванила, бидејќи вештачкиот нема долг рок на траење. Имајте го ова на ум.

Жестоки пијалоци
Не мора да брзате да ја испиете секоја капка алкохол што ја имате во домот. Добро затворено и на ладно место, чуваното шише може да трае онолку колку што е потребно. Ормар со жестоки пијалоци обично е нешто што се наследедува, но не мора да се грижите за квалитетот на пијалокот наследен од баба. Со текот на времето, пијалаците малку можат да го променат вкусот, но веројатно тоа нема да го почувствувате.

Осушен грав
И сув грав може да стои долго време. Единствено што е можно да му треба е подолго време да омекне пред да го готвите, а понекогаш и воопшто нема да омекне, особено ако стоел две или три години. Но, добро работа е што нема да ја изгуби својата хранлива вредност.

Сируп од  јавор
Иако оваа намирница често не ја користите во вашиот дом, но доколку ја имате дома знаејте дека ни ова нема рок на траење. Сличен на медот, сирупот од јавор, најчесто се користи како прелив за палачинки или некои други слатки.

Пченкарен скроб
И оваа храна има неограничен животен век, но мора да ја чувате на ладно место и добро затворена. А како што залихата на пченкарен скроб не се троши толку брзо, слободно можете да ја користите подолго време.

Инстант кафе
Инстант кафето во фрижидер може да се чува засекогаш, без разлика дали пакувањето е отворено или не.

Извор: denar

Здравје и убавина

Што сѐ знаеме за Јаболковиот оцет?

Објавено пред

на

ФОТО: Towfiqu barbhuiya @ Unsplash.com

Јаболковиот оцет е популарен меѓу луѓето кои се стремат кон здрав животен стил, но привлекува внимание и кај научниците поради неговите потенцијални здравствени придобивки. Во последно време, многумина почнаа да го пијат оцетот на празен стомак пред појадок, што всушност не е најздравата практика.

Истражувањата од последниве години покажуваат дека јаболковиот оцет е најделотворен кога се консумира пред оброк, но во попладневните часови. Раствор од оцет и вода може да помогне за стабилизирање на нивото на шеќер во крвта, поддржува слабеење и ја подобрува апсорпцијата на железо.

Се препорачува дневна количина од 20 мл јаболков оцет разреден со вода, но важно е ова да се пие непосредно пред јадење. На тој начин може да се постигнат следниве ефекти:

  • Стабилизација на шеќерот во крвта – Истражување од 2013 година покажа дека оцетната киселина го успорува разградувањето на јаглехидратите, што е корисно за луѓето со дијабетес тип 2. Друго истражување од 2011 година покажало дека помага и кај дијабетес тип 1.
  • Поддршка во намалување на тежината – Јаболковиот оцет го зголемува чувството на ситост, а најдобри резултати се постигнуваат кога се користи оцет со повисока концентрација на оцетна киселина.
  • Подобрување на апсорпцијата на железо – Студија од 2002 година утврдила дека оцетот ја подобрува способноста на телото да апсорбира железо преку цревата.

Најдобро е оцетот да се консумира пред ручек или рана вечера. Пиењето на празен стомак, особено наутро, не се препорачува, бидејќи може да предизвика несакани појави како горушица, болки во желудникот или лошо варење. Ова посебно важи за луѓе со проблеми со дигестивниот систем.

Прочитај повеќе...

Здравје и убавина

Само со „20 минути возење“ велосипед секој ден, се подобрува целокупното здравје кај човекот

Објавено пред

на

ФОТО: Unsplash.com / Beau Runsten

За некои, велосипедот е средство за рекреација, за некого превозно средство и не е редок случај тоа да е и двете работи. Многу е пишувано за придобивките од велосипедизмот, но вреди да се повторат за оваа активност, што меѓу другото, го радува вашиот паричник.

Тоа е активност што е најлесно да се вклопи во секојдневниот живот, затоа што велосипедот, покрај средство за рекреација, е и превозно средство што лесно ќе ве одведе од точката А до точката Б, истовремено избегнувајќи стоење во колони.

Покрај тоа, вашиот имунолошки систем, како и срцето, мозокот и мускулите ќе ви бидат благодарни за овој вид активност, бидејќи возењето велосипед има позитивно влијание на секоја од нив. На крајот на денот, вашето тело ќе ви биде благодарно, бидејќи благодарение на возењето велосипед, полесно ќе заспиете.

Калории

Возењето велосипед со околу 20 километри на час согорува 563 калории за 60 минути.

Во исто време, недоволната физичка активност го зголемува ризикот од смрт, поради што Светската здравствена организација препорачува возрасните на возраст од 18 до 64 години да имаат најмалку 150 минути умерена физичка активност неделно за да останат здрави.

И при постигнување на оваа цел, идеален партнер може да биде вашиот велосипед. Потребни се околу 20 минути возење на ден за да ја постигнете целта.

Вклопете го велосипедот во секојдневниот живот

Покрај тоа што помага да се држат голем број здравствени проблеми далеку од вас, возењето велосипед е забавна активност што можете лесно да ја вметнете во вашата дневна рутина. Нека велосипедот стане ваше превозно средство за да одите до продавница или да работите.

Возењето велосипед, со текот на времето, ќе има позитивен ефект врз вашата координација и ќе ја подобри циркулацијата, така што резултатот ќе биде побрзо закрепнување на вашето тело.

Покрај тоа, со текот на времето, ќе има зајакнување на мускулите на долниот дел од телото и подобра подвижност на одредени зглобови. Ова значи дека ова може да биде одлична вежба за луѓе кои имаат проблеми со зглобовите и артритис.

Вие нема да се откажете толку брзо

Иако е можно вие самите некогаш да започнете физичка активност и да се откажете многу брзо, возењето велосипед не е една од таквите активности.

Луѓето кои вклучуваат велосипедизам во нивниот секојдневен живот, честопати се посветени на повеќе активности отколку оние кои почнуваат да вежбаат во теретана. За разлика од другите форми на вежбање, повеќето луѓе кои возат велосипед остануваат верни на тоа цел живот.

Возењето велосипед не ги оптеретува колената како што се прави после некое време премногу трчање или пешачење, а од друга страна не бара многу опрема како што е случај со други активности.

Затоа, следниот пат кога ќе заглавите во преполн град, додека седите зад воланот, добро размислете како еден велосипед може да ви го олесни денот и да го подобри вашето здравје.

Прочитај повеќе...

Здравје и убавина

Вниманието во храната во борбата против заморот е многу битна за човековиот организам

Објавено пред

на

ФОТО: Unsplash.com / Farhad Ibrahimzade

Кога ќе забележите дека повеќе денови по ред сте поуморни од вообичаено, физички или ментално, треба веднаш да реагирате и да се потрудите порано да заспиете и во текот на ноќта да спиете барем седум часа, редовно да вежбате и да практикувате техники за опуштање кои најмногу ви одговараат.

Многу е важно секако и како се храните – доколку не внесувате доволно неопходно хранливи материи, логично е дека ќе бидете уморни.

Обрнете внимане на големината на оброците – обилните оброци богати со масти го заморуваат организмот. Енергијата се пренасочува кон варењето и правењето залихи.

Од друга страна, недоволното внесување храна исто така го заморува организмот и за кратко време доведува до исцрпување на резервните витамини и минерали во телото.

Исто така е важно да не се прескокнуваат оброците (особено појадокот) и секојдневно да се зема оброкот во исто време.

Извор: денар.мк

Прочитај повеќе...

Facebook

Последни објави

Македонија1 час

Лишен од слобода старец од тетовско, на нива запалил сува трева и отпадоци

На 10.07.2025 во 21.00 часот во близина на бензинска пумпа во Тетово, полициски службеници од СВР Тетово го лишиле од...

Хороскоп11 часа

Хороскоп за петок (11 јули)

ОВЕН Ова може да биде интересен ден на работа, бидејќи ќе имате голема помош и некој кој може да делува...

Македонија15 часа

ЦУК: Ова е состојбата со пожарите до моментот, вкупно 29 пожари на отворен простор, 9 активни

На 10.07.2025 година, до 18:30 часот, има вкупно 29 пожари на отворен простор, од кои 9 се активни, 4 се...

Скопје17 часа

Лишени уште две лица во Скопје, фатени како предизвикуваат пожар

На 10.07.2025 во 15:30 часот, при вршење на патрола на патот помеѓу Кадино и Миладиновци од страна на полициски службеници...

Македонија20 часа

(ФОТО) МВР: Фатени тројца малолетници, со бензин, петарди и запалка

Во рамки на преземените обемни активности околу состојбата со пожарите во скопскиот регион, вчера (09.07.) на подрачје на ЕВР Гази...

Магазин22 часа

Овој скриен режим го забавува вашиот Android телефон – еве како да го исклучите и повторно да добиете брзина

Ако вашиот телефон стана бавен преку ноќ – апликациите се отвораат бавно, скролувањето „шкрипи“, а екранот реагира со доцнење –...

Магазин22 часа

YouTube најавува построги мерки против видеа генерирани со помош на вештачка интелигенција

YouTube се подготвува да ги ажурира своите правила за да ја ограничи можноста на креаторите да монетизираат „неавтентична“ содржина –...

Кичево1 ден

Вчера во Кичево при засилена акциска контрола на МВР изречени 86 санкции во еден ден

На 09.07.2025 година во периодот од 16.00 до 22.00 часот Секторот за  сообраќајни работи при Одделот за униформирана полиција-Биро за јавна безбедност и...

Македонија1 ден

ЦУК: Вчера најмногу повици до сега во еден ден

Овој извештај покажува дека на 9 јули 2025 година (среда), системот за итни повици E-112 забележал 4199 повици, што е...

Хороскоп1 ден

Хороскоп за четврток (10 јули)

Овен Пристапете се чекор по чекор денес, бидејќи тоа е како да се движите низ минско поле! Ситуацијата на работа...

НАЈЧИТАНИ